غلـآآ روحي من غلـآآهـآ ؛ ريم الغـلـآآ عيوني فدآآهـآآ

بارت 19

السـآعه 3 في الليل ::
ريم سـآرت تغسل شعرهـآ ، وتلبس ملابس النوم ، و لقـت كيس كبيرة عليه صور قلوب ومكتـوب على القلب الكبيــر '' ريمــآآآنـــه ,, ولمـآ فتحت تفاجأت بالأشياء الموجودة وكـآن دآخل الكيس صنـآديق ::
الصندوق الأول : طقــم ألمـآس كـآمل مع كل شي من دآمـآآس
الصندوق الثـآني : فيــه سـآعه كل فصوص ألمـآسية عجيبــة
الصندوق الثـآلث : كان عبـآره عن قلآده شكل قلب عليها حرفها والصوب الثـآني حرف حميد ، وكـآنت ورقة مكتوب فيها : ريمـآنه حيـآتي هالقلآده تعبر عن حبج لي ، كل ما لبستيها معنـآته ذآكرتني
وكـآن عدآل هالكيس الكبير ، كيس حجمه وســط لما فتحته كان فيه :::
3 عبـآيـآت من الموديلات اللي تحبهن ريم + شيل متنوعه بأشكال حلوة
ريم استـآنست وآيد من الهدايـآ اللي من حميد ، وفخاطرها : غالي والله يا حميد
ورآحت تودي الأغرآض خزآنة الملابس و يوم لفت ورآ شـآفت صندوق كبير
كـآن مليـآآن عطور وشكله وآيد حلو و مرتب ، ريم استانست وآآآآيد
ورن تلفون ريم والمتصل
" عـآآشـق ريم " > حميد مسجل نفسه في موبايل ريم بهالنك ...
ريم استحت تـرد ، أختها بدور فالغرفة ، بدور تمت تطـآلع ريم والمستحـآ على ويهها ، طلعت بدور على شـآن ريم تـآخذ رآحتهآآآ ..
و ردت ريــم على اتصـآآل حميد
ريم برقة : مرحبـــآآ
حميد يلقط أنفاسه : هــلآ والله بالمتربعــه على عرش قلبي هلا ..
ريم : هـلآ فيك زود
حميد : شحالج حيـآآتي ؟
ريم : الحمدلله بخير ، شحالك إنته ؟
حميد : تمـآآم التمـآآم وفي أسعــد حـآآل
ريم : دوم إن شـآآء الله
حميد : نلتقي بـآآجر ؟
ريم : لا حميد ، مـآبآ
حميد معصب : شو مابا ؟ غصب عنج بتطلعين معاي
ريم زعلت : حميد هـذي من أولها غصب عني
حميد : لا تفهميني غلط يـآ عمري ، أبا أشوفج بـآجر
ريم : هيه على شـآن الناس يقولون ما صدقت يملج عليها تطلع معـآآه
حميد : ونحن شو علينآ من كلام الناس ؟
حميد يـآه خط ثـآني اللي هوه ربيعه رشود ، حميد سكر بويهه > ههههه
ريم : انزين ، متى نطلع ؟
حميد : ممممم ، على الغـدآ بنسير نتغدى بمطعم
ريم : لا لا ، شنو جدآم النـآس ؟ أستحي
حميد بطنـآزه : وليش فديتج ؟ مب مـآلي عينج
ريم بدون ما تدري : لا حبيبي إنتـه عيوني اللي أشوف فيها
حميد ذآب وهوه عرف إن طلعت هالكلمات من ريم بعفويه ، أما ريم استحت على الأخير وسكرت الخـط بويهه ، حميـد تم يضحك وآآآآيد ويقول بخاطره : والله يا ريم أدري إنج بدون ما تدرين طلعتي هالكلام وهذي أصلا مشاعرج الداخلية ..
حميد رد يتصل على ريم ، بس ريم كانت تسكر الخط بويهه
حميد عصب وطرش لها مسج :::
سمعي يـآ ريموه لو ما رديتي علي بتنذبحين > ههههه من أول يوم ..
ريم شآفت المسج وضحكت وبخاطرها : إنته تذبحني يا حميد ؟
وطرشت له ::
جـآآن فيك خير ، يــلآآ أشوف !!
حميد من صدقه عصب و قال أعرف شو اللي بيخليج تتصلين يـآ ريم وطرش لها شي
وفتحت ريم و انصدمـت لما شافت صور ملجتها مع حميد ، ريم على طول اتصلت
أما حميد حب يتناذل و ما رد عليها ، ريم تمت تصيح وتقول بخاطرها : من وين يـآب
صور الملجـه وتمت تترجـآه بالمسجـآت على شـآن يرد بس هوه مـآ رضى
حميد اتصل على ربيعه رآشد ::
حميد : هــلا رشود ، للحين وآعي ؟
رآشد باستهزآء : شو تتحرآني ديايه ؟ ليش ما ترد على اتصالاتي ؟
حميد : كنت أكلم غلآآآيه
رآشد : آهـآآ من جذآ ، والله إنك اليوم تعق الطير من السمـآ بجمآلك
حميد بنذاله : أدري
رآشد : شو سويت مع حبيبتك ؟
حميد : مستـآآنس والله
رآشد : انزين حميــد [ ويقطع عليه حميد ] حميد : لحظه شوي
وشـآف إن ريم تنتظره على الخط الثاني ومن نذآلته ما رد
...
أمـآ ريم قعدت تصيح بصمــت وتخبي دموعها تحت الوسـآآده وما ياها نوم طول الوقت .. ولمـآ أشرقت شمـس الصبـح يت بدور تقوم ريم ، ريم أصلا كانت واعيه بس تخلي عمرها رآقده ، بدور قالت حليها ما رقدت زين بخليها ترقد
أما حميـد قـآم الصبح وحـآس بتأنيب الضمير عن اللي سوآه بريم فسـآر على طول يتلبس على شـآن يسير لها ، و بخاطره : والله غالية يا ريم وما تهونين ..
ولمـآ وصل بيت بو فـوآز :::
حميد : السلام عليكم
فوآز : وعليكم السلام
حميد : شحالك ؟
فواز : الحمدلله بخير
حميد : ممكن أدخل على ريم ؟
فواز : هيه تفضل
ولمـآ دخل حميد الغرفة ، دخل بهدوء على شان ريم ما تحس ، وشاف الدموع على الوسـآده تقطع قلبه ...
حميد يقعد على السرير : صبـآآح الخير
ريم وتمسح دموعها : صبـآآح النور
حميد يتقرب صوبها : زعلآآآنه ؟
ريم : إنته أدرى
حميد : لأني ما رديت على اتصالاتج أمس ؟
ريم تستند على الوسادة : حميد إنته قبل الملجه غير ، مستحيل تزعلني ، بس ألحين على أدنـآة السبب تزعل ، مرة تبـآ تذبحني ومرة ما ترد على اتصالاتي مب حرآآم ؟
حميد : يعلني ما أتوفق إذآ ما رضيتي علي ، بس أمس لأنج تعمدتي تغيضيني يا قلبي
ريم : حميد إنته ما تحبني جذآب ، لو تحبني جـآن ما سويت فيني جذيه
حميد : يعلني الموت لو كنت أكرهج ، ريم والله العظيم أحبج وأموت فيج وإنتي عندي أغلى عن روحي وعمري ، بس أمس عصبت ، واعتبريها غلطة لا يمكن أعيدها
ريم وقفت ودموعها أربع أربع ، ريم كانت لابسه فانيلة عليها ورود حمر مع بنطلون طويل ولبسها مستور .. حميد لما شافها انبهر شكل ريم مثل الأطفـآآل وتحسس حميد بالطفولة ..
حميد وقف مجابلنها ومسح دموعها
حميد : والله يوم أشوف دموعج قلبي يتقطع
ريم بابتسـآمة ممزوجه بالدموع : بسم الله على قلبك
حميد يمسك ريم ويحط رآسها بحضنه
ريم بحضنه : مـآ في غيرك يـآ حميد ونسني
وللمره الثـآنيه تتقفط ريم بدخلـت بدور الغرفة ، بدور شآفتهم
بدور استحت وآيد ونزلت رآسها : سوري ما كنت أدري إنكم بالغرفة
وطلعت بسرعه ، ريم تحط ايدها على ويهها : أمبيه أمبيه وآآآي شو أسوي ؟ بدور شافتني بحضنك يـآ ربي !!
ريم عاطيه حميد ظهرها وحميد يعني وآقف ورآهـآآ وبعدين لفها صوبه وكـآنت منزله رآسها وقذلتها نـآزله ، حميد رفع قذلة ريم وقعد يتأمل ملامحها الطفوليه والأنوثية
حميد : عذآآآآآآآآآآآآآب جمـآآلج ، جمــآآآآآآلج ذبـآآآآح ريمـوتي !
ريم استحت واخدودها وردن زيـآآده ، وقرب منها
ريم استحت : يكفي حميـــد
حميد : لا ما يكفي ، بعدج ما شفتي شي
ريم قعدت على القنفة
حميد يقعد مجابلنها ومـآسك ايدها : يلا تجهزي حيـآتي نبـآ نطلع
ريم : بس الوقت للحين نهـآآر
حميد : عادي قلبي على شـآن أكون يوم كامل معـآآج
ريم بابتسامة : انطر دقايق ، بسير أبدل ملابسي
حميد : من عيوني ، بنطر ساعات مب دقايق
لمـآ سآرت ريم ، قعد حميد فـوق سريرها ، فتح الدرج الأول الكوميدن مآلها
لقـآ دفتر لونه أحمر وعليه قلـوب يو يـآ بيفتحه لقـآ عليه قفل ما يقدر يفتحه
والمفتـآح ماشي ، وأصلاً هالدفتر ريم كله كـآتبه عن حميد فيه ..
أما الدفتـر الثـآني كان لونه وردي بوسطه ورده حلـوه وكـآن عليه قفل ، وكان
هالدفتر مذكرآتها اليومية ..
فتح الدرج الثـآني لقـآ صورة مجلوبه ، و يوم يـآ يشوفها كانت صورته لما منيرة
عطتها ريم فرح وآآيد لأنه ريم للحين محتفظه بصورته ، ولقـآ ألبوم حجمه وسـط
كـآن فيه صورهـآ أيام الطفولة ويوم كـآنت في الكيجي ..
طلعت ريم من غرفة الملابس و كانت لابسه لبس موديل بحريني لون أحمـر مع ذهبي وفيه فصوص وآيد وكـآن وآيد حلو
حميد : وآآآآآآآو ! وآيد حلو
ريم : تسلم هذآ من ذوقك ، حميد مشكور
حميد : على شنـو ؟
ريم : على هدآيـآ أمس
حميد : إنتي تـآمرين يا قلبي تدللي
ريم : تسلـــم
وسـآرت تقعد على كرسي التسريحه ولفت شعرها ..
حميد : سوري ريم شفت أغرآضج في الكوميدين
ريم : لا عـآآدي
حميد طلع صورته يرويها ريم : وشفــت هذي
ريم ابتسمت واستحت : هالصوره خذيتها من منيــرة
وطلع حميد صورة ريم يوم منيرة مصورتنها : وهذي الصورة خذيتها من منيرة
ريم مسكت الصورة : منيرة عطتك إياها ؟
حميد : لا ، أنا خذيتها
ريم : حميد ما يصير ما خذنها قبل الملجه
حميد : كيفــي ، يلا لبسي عبآيتج فديتج
ريم تضحك : إن شـآء الله
وطلعوا ريم وحميد وساروا المطعــم ..
...
في بيت بوجـآسم \ أفنان تكلم صديقتها بثينة على التلفـون ::
أفنان : هـآ بثون ؟ سويتي اللي قلت لج عليه
بثينة : أفـآ عليج فنــوونه إنتي آمري بس البيزات يوصلن كـآآآش
أفنان : من عيوني
بثينة : بتشوفيني كيف أخوي بيخلي حميد يعصب على ريم
أفنان : هذآ اللي أبـآه
...
بيت بو عبدالعزيز \ فالصـآآلة ::
عبدالعزيز : يلا اتجهزوا بملج الأسبوع اليـآآي
أم عبدالعزيز : لا تخـآف يا وليدي متجهزين
سعآد : متى بتعرس ؟
عبدالعزيز : ممم يمكن بعد الملجه بشهرين ، شهر ..!
أحمد حاط كيس ثلج على ريله لأنها تعوره : بالمبـآآرك إن شاء الله
أم عبدالعزيز : والفـآآل لك إن شـآآء الله
أحمد : يصير خير إن شاء الله
زياد : يمه أنا بسير مع ميود و ولد عمه نـآيف نلعب على السوني
أم عبدالعزيز : سير الله يحفظك
منال حآطه ايدها على خدها وتفكر
سعاد : شو فيج منولــه ؟
منال : أفكر بالنتـآآيج
أم عبدالعزيز : الله يوفقج إن شاء الله وتيبين النتـآيج الزينة
منـآل : آآمين
...
عـآآيلة بو حمــد \ بالفندق اللي بـ خورفكـآآن ::
غرفة أنـوآر وأبرآر ، أنوآر تكلم وليد على الموبايل ::
أنوآر : هلا حبيبي
وليد : هلا قلبي ، هلا عمري
أنوآر : شحالك يا روحي ؟
وليد : الحمدلله بخير بس لأنج تكلميني
أنوآر : فديييتك والله ، أحبك
وليد : وأنا أموت فيج قلبو ، عمري ما كلمت بنت غيرج
أنوآر : وهذا اللي خلاني أكلمك ، أهم شي إنك ما تكلم غيري
وليد يضحك من دآخله : انزين حيـآآتو
على الجـآنب الثـآني أبرآر تكلم شهد على التلفون ::
شهد : للحين نويره تكلم حبيبها
أبرآر : هيه ، صارت ما ترقد الا وتسمع صوته شكلها مستانسه
شهد : هذي أفكاري يـآ أبرآر
أبرار : يبـآلي أجرب
شهد : صدق ونـآآسه !
أبرآر : شوفي لي رقم من هالحلوين على شـآن أرمسهم
شهد : أفـآ عليج وهذآ الصح
 الله يبعد عنا رفيقات السوء إن شاء الله
...
بدور فالغرفة متصلة حق ربيعتها ردينة ::
بدور : هلا ردينه
ردينه : هلا والله فيج بدور ، شحالج ؟
بدور : الحمدلله ، ما تنقصني اللا شوفتج
ردينه : حتى أنا والله
بدور : حبيبتي ، تعالي عندنـآ البيت
ردينه : لا أستحي
بدور : من منو ؟ بس أنا وخالاتي وريم فالبيت وخوآلي يطلعون
ردينه : خلاص انزين ، بشـآور أهلي إذآ وافقوا ما بخبرج على شان أفاجآج
بدور : حبيبتي والله
...
بيت بو سلطـآآن \ غرفة أشجآن ::
منيرة : وين حميد طلع ؟
أشجآن : هيه ، أعتقد إنه سـآر عند ريم وبيطلعون مكـآن
منيرة : وإنتي شدرآآج ؟
أشجان : سمعته يقول حق الوآلده بسير عند ريم
منيرة : يـآ حسرة ، أباهآ تسير معاي أشتري أغرآض الزهبه
أشجان : أفـآ عليج ، أنا بسير
منيرة : صج ؟ مشكورة
أشجان : يلا نتجهز
..