و فـي السوبر مـآركت ، ريم خـذت لها عربة وقعـدت تشتري للبيت الأغرآض اللي ناقصه هيه وأختهـآ بـدور استعـداد لوصولهم من أرض الزيــن " العين "
دخل حميـد السوبر مـآركت وسـآير على طول صوب العصـآير ، ريم كـآنت هنـآك تشتري توهـآ تشل كرتـون العصير جـآن يطيح ، يـآ حميد نزل تحت وشـآله وعطاها إيـآه ..
حميد : تفضلي أختي
ريم : مشكور
حميـد رفع رآسـه ، دقق فالملآآمح
حميد : ريـــــــم ؟!
ريم سـآآكته
حميد : ريم إنتي شو فيج علي ؟ ليش معصبة علي جذيه ؟ أنا شو سويت ؟ غلطت عليج بشي ؟ ريــم إذا على شـآن التلفون خلاص ما بتصل مرة ثـآآنيه
ريم : حميد أنا مب قصدي جذيه ، بس أنا ما ابتسم لكل ريـآل أشوفه بطريجي
حميد : يقولون الابتسـآمه في وجه أخيك صدقـه
ريم : حميد تحرك من هنيه بسرعه ، ألحين بتيي بدور
حميد بجدية : عـآدي خلها تيي شو بيصير يعني ؟
ريم عطته نظره وتوهـآ بتمشي جـآن يمسكها
ريم تبطل ايده : حميد عيب عليك اللي تسويه
حميد : ريم إنتي ما تعرفين شي
ريم معصبة : وشو اللي ما عرفه ؟
حميد : ريم أنـآ أنـآآ
ريم : حميد قول بسرعـه ، إنته شو ؟
حميد : ريم أنـآ أحبج وأبـآ أتقدم لج
ريــم شهقت ، وبـعد صمت مدة 3 دقـآيق ..
ريم : بس ما أظن إنك بتقدر
حميد مستغرب : ليش ؟
ريم : لأن أبوي ما بيرضى ، حميد أرجوك ابعد عن طريجي
حميد مب قـآدر يمسك أعصابه : ريم بس أنا أحبج
ريم : حميد أرجوك ابعد عن طريجي ، واتركني بحـآلي
يت بنيه صوبهم : هـآي يـآ حلو !
ريم تضحك بسخريه : بعـد قـآل يبا يخطبني
حميد عصب و كان وده يجلب الدنيـآآآ
و لمـآ رآحو صوب الكـآشير ، حميد كـآن ورآ ريم وبدور
بدور : ريم أنا بسير مناك شوي
ريم : أوكي بسـررعه
ولمـآ خلصت ريم من الكـآشير قعدت تتريـآ بدور لما ترد ، حميد خلص وسار صوبها
حميد : أرجوج فهميني
ريم : وشو اللي أفهمه ؟
حميد : ريم أنا أبـآ أخطبج
ريم : حميد شل هالموضوع من رآسك
حميد : انزين ليش ؟
ريم : إذا انت ييت خطبتني ، بعدين الوآلد بيسأل كيف عرفتني ؟ وأنـآ ما بجذب عليه ، ولو درآ إني ييت عندكم البيت بيجتلني ، حميد لو خطبتني بتصير مشـآكل وآيد
حميد : ريم عــآآد
ريم معصبة وتصارخ : حميد خلاص خلني بحالي
حميد ما يدري بعمره وجـآن يقعد عن باب أحد المحلات ، تغير لونه ، واحمرت عينه
ريم خـآيفه : حميد فيك شي ؟
حميد : اتركيني بحـآآلي
ريم : خلاص حميد ، لا يصير فيك شي
حميد : قلت لج أبـآ أقعد بروحي
ريم : حميد سوري والله آسفـه ، ما كنت أقصد
حميد : أوف ، ريم قلت لج أبا أقعد بروحي
ريم : حميد لا تتعب حالك أرجوك لا يصير فيك شي
حميد : ريم نحن بمكـآآن عام وألحين الناس بيتجمعون علينا
ريم : انزين ألحين إنت قوم وسير بيتكم
حميد يغمض عينه ويفتحها ، ريم خـآفت وصارت تتصرف بدون تفكير ، حطت ايدها على جبينه ، حميد يته قشعريــره وحس بالنعومة اللي ما حلم فيها ، شل ايد ريم ومسكها > بدت الأفلام الهنديه خخخخ
حميد : أنـآآ أحبج يــآ ريم والله أحبـــج
ريم تسحب ايدها بس مب قـآدره : حميد عيب عليك أخاف الناس يشوفونا
حميد : عادي خلهم يشوفون
حميد مـآسك ايد ريم ، وريم تحاول تسحبها ، عقب رآشد مر وشـآفه
رآشد : حمـود شو تسوي يالمـآصخ ؟
حميد : اسكت انته
ريم : حميد خلني بسير
حميد : لا يـآآ ريم
ريم وتقطر دموع : حميد خلاص خلني أسير والله ما تدري شو بيصير فيني ؟!
حميد : ريم أرجــوج
رآشد : حميد يـا قليل أدب اترك البنيه بحالها
حميد : فكنا من حشرتك انته
ريم : واللي يسلمك حميد خلني أسير
حميد : ريم أرجوج وآفقي ، أبا أتزوجج
ريم تدمع عيونها : حميد خلاص خلني أسير
حميد سـآكت يتأمل ملامحهـآ
رآشد : حميد والله بتتصفع خل البنيه تسير
حميد : جب جب
ريم غرقت من الدموع : حميد أرجوك ، أرجــوك يا حميد
حميد : وافقي أرجوج
ريم وشوي بتصيح : الله يلعن اليوم اللي ييت بيتكم فيه
رآشد شفق على ريم وسحب ايد حميد وريم سـآرت تركض ، وحميد ورآها
راشد : حميد الله يهديك أوقف أوقف
YOU ARE READING
غلـآآ روحي من غلـآآهـآ ؛ ريم الغـلـآآ عيوني فدآآهـآآ
General Fiction؛ ريم الغـلـآآ عيوني فداها للكاتبة (شذا الورود ) تحكـي قصة بنتيـن عـآشن في ظلمـ أبوهـن بعد وفـآة أمهن " طيبـة " ، وكـآنت أعمآرهن مب فوق الـ 10 سنوآت و الوآلدة توفـت في حآدث سيـآرة ، لكن خلآآل حيـآة أمهن تزوج أبوهـن من سميرة و يـآبت له ولدين و بنتين...
