خرسةكل الناس خرسة
وروحي متروسة حچي
مدري بچي
المهم جيب اليسمعك!
عوفني...ولا تعتنيلي
گوة استجدي النفس
مو مال احضنك
ارد انام براحتي ويندهني حلمك!
يا سهر دربك حفضته
ويا دمع ذيج المخدة
بكل صباح تخطلي اسمك
والمصيبة
انت ناسي ؟
ليش من اكتب اذكرك ..
وليش ناسيني واحبك .
............................................................
ومرت الايام وبيوم اجت عمتي علينه انه جنت نايمه الضهر ومن كعدت باوعت من باب الغرفه شفت امي وبيبي وعمتي كاعدت سويه كلت اروح اغسل وارجع اسلم على عمتي جاي اتحرك من يم الباب بس استوقفني حديثهن فتحت عيوني بصدمه اذاني احس صار بيهن صوت صفير من عمق الكلام السمعته، اسمع بكلامهن وعيوني تصب دموع
اسمع عمتي وبيبي شلون ضليت ابجي وانفر من رائف يسولفن بكلب بارد
لحد مااامي تدخلت بالحديث وحجت بضحكه
_اي هاي المره شغلها حيل زين مااشفتي
بسرعه نفرت من رائف وقبلت بنيروز
دفعت الباب بسرعه ودخلت عليهن صحت بعياط واحس راسي يريد ينفجر عيوني صارن يغوشن
_حرز: شنو الزين احجن شنو الزيننننن؟
هنه فتحن عيونهن بدهشه وتاكدن انه جنت استمع الحديثهن بقن ساكتات وحده تباوع بوجه الاخره وانه مثل المخبله شنو يطلع كدامي اكسره الحد ماا شلت كلاص وكسرت مسحت عيوني من الدموع الي عادمه الروئيه عندي رفعت ايدي وانه اشوفها غركانه دم رفعت عيوني اباوع عليهن مصدومه من صلافتهن وهااذ اخر شي اتذكره سمعت بس صوت وكعتي بالكاع
وكعت مغمي عليه حسيت بعد وكت مادري شكد كعدت عيوني مغوشات اشوف الكانونه باايدي واهلي وبيبي وعمتي داير ماادايري طلبت منهم يطلعون بره وكلهم نسحبو بقيت استرجع كلامهن بذاكرتي شبعت بجي وانه اتذكر افعالهن رفعت ايدي وانه اشوف جرح حيل حيل عميق باايدي
احس نفسي مربطه مااكدر اسوي شي رغم عرفت هنه الي خلني اوافق على نيروز بس ليش انه ماا جاي اكدر احجي ليش مااجاي اكدر ارفض واكول انه مااريده احس نفسي مربطه عيوني يفتحن وينسدن من وحدهن مااحسيت على نفسي غير داخله بسببات عميق
مرت الايام ومن بعد الحادثه الاخيره انطويت على نفسي وصرت مااطلع مرات اهلي يجبروني على الاكل يلا اكل ضعفت ونتهيتتت حيل حيل
وانه على حالي سمعت حددو موعد الزواج بجيت ورفضت يصير الزواج بهاذا الوكت بس سكتوني وكالو
_عيب مايصير الجماعه صارلهم سنه
مااجلين الزواج وهم انتِ يطلع عليج كلام مو حلو شني بنيه صارلها سنه مخطوبه
سكتت ومااناقشت لان ماعندي طاقه وهم فهمو سكوتي مثل علامه الرضه بعد مااحجيت وبلشو يجهزون العرس ويوم بعد يوم تدهور حالتي ونفسيتي تتعب اكثر
ماجهزت اي شي ولا تدخلت بالجهاز، ولا يكلك انه العروس صايره مثل الجثه الخامده بس نفس بيه، وهاي باجر يوم الزفه مااسوو حنه لان حالتي مااتسمح وانه هم ماردت حنه، بيوم العرس سحلتني امي سحل بس علمود اروح الصالون وكعدت ساعه تقنع بيه انو عيب اسوي هيج ومايصير وعيب من الناس
اخوذني الصالون وانه مااحس باي شي ماحس شلون امشي بس احس عقلي واكف عن التفكير احس نفسي لعبه باايدهم ياخذوني هيج ويجيبوني هيج خلصت ام الصالون مني باوعت علئ نفسي بالمرايه، مااحس باي فرحه وجهي طافي ملامحي تعبانه عيوني منتهيههه، اشبهت بالجثه حرفياً
من الصالون ورجعوني القاعه اول مادخلت شتعل الجو بالهلاهل والهوسات والاغاني الصاخبه ناس تضحك وفرحانه وناس ماراضيه على هلزواجه وكل واحد بطرف وانه بطرف وحدي كل هل هوسه بس لا شيء امام الهوسه الي بداخلي
عيوني غرغرت بالدموع من صارت عندي لحضهه ادراك، راح اتزوج اخو الشخص الحبيته من طفولتي؟ وراح اعيش ويا الشخص الي احبه بنفس البيت بس انه مربوطه بغيره؟؟؟؟؟
شكد صعبه ياربي صعبه اختبارككك صعب
صفنت بالحفله، هه حفله؟ حفله الهم مو اليه قطع سلسله افكاري من شفته دخل رفعت عيوني عليه منزل راسه يمشي لان اغلب الي بالقاعه بدون حجاب، صفنت على كشخته الي تاخذ العقل شعره المرفوع بترتيب رفع راسه واجت عينه بعيني ابتسم بوجهي بتسمت بوجه بتصنع ودرت عيني عنه اجه كعد بصفي وبلشت مراسيم الزواج بدل الحلقه ولبسني ذهب وصاحوله جماعته طلعو بره وصارت هوسه الاغاني والفرقه الموسيقيه، الحد ماا كالو
_يلا راح يجي العريس ياخذ عروسته
جانن كلمات كفيله باانو تخليني ارجف نملن عيوني دموع وانه اباوع على بنات عمي كطعن نفسهن بجي بجيت على بجيهن، باوعت على امي الي جانت تضم حزنها وتغطي وجها بالشال وتبجي، رغم الي سوته وياي امي بس مااكدر اشيل بكلبي عليها كلبي حيل رجيج من ناحيتها
شبعت بجي الحد مااجن يسكتن بيه وكولن
_كافي مكياجج راح
بس انه مامهتمه الحد مااطب هوا وغطاني بالوشاح لفاني لف بي وسندني من ايدي وطلعنه من القاعه اعتلئ صوت الهلاهل
صعدني بالسياره ونطلق، الي فتهمته من خلال حجيه ويا جماعته اجنه رايحين الكربلاء بقيت على نفس حالي ودموعي الي تصب الحد ماا
،،،، يتبع.
كونو بخير 🤎.
انستا noi2.i
شنو توقعاتكم البارتوت الجاي 🤨؟
YOU ARE READING
عثره حرز
Spiritualفي احد مناطق ريف العراق، هناك فتاه نشئت في بيئه محافضه، كانت تزدهر كـ زهره امام عين من يعشقها، كانت تنضر في عيناه، ولاتعلم ان القدر رئي اخر انا الكاتبه نبا عامر سوف اطرح عليكم روايه احد الفتيات الذي تحملن الكثير من الذل والمعاناه تحت شعار"نهوه".
