Tagu-taguan maliwanag ang buwan,
Katulad ng bituin taglay mo ang ningning
sa'king mga mata ay may namumuong—
pagtingin.
Liwanag sa kalangitan ay aking nagustuhan
Pagka't ang iyong kagandahan ay muli kong—
nasilayan.
Wala sa harap,
Wala sa likod,
Kundi nasa aking Puso nakaukit ang
pangalan mo.
Bakas sa akin ang iyong larawang iniwan,
Ang pabaon mong ngiti ay nagdulot ng
wagas na— kasiyahan.
Pagkabilang ng tatlo,
Ako ay naririto
Nagbabasakaling makita ka kahit sa isang
saglit
Isa,
Hahakbang ako papalapit sa'yo
at handa na'kong harapin ang mga takot ko
para lang sa'yo
Dalawa,
Walang pag-aalinlangan na ikaw ang pinili
alam kong sa bawat sandali hindi kita
mawaglit sa'king isip.
Tatlo,
Marahan akong tatakbo
nakatitig lamang sa mga mata mo
na may ibat-ibang anggulo
Apat,
Magkahawak ang kamay
Sabay nating tatahakin ang rurok ng
Tagumpay
Lima,
Tuluyan kang bumitaw sa pagkakapit sa
Bisig ko, na wari bang nagmistulang
pasmado ang mga kamay ko.
Anim,
Alam Kong totoo ang aking pagtingin
Pero para sa'yo balewala lang ito
Pito,
Naghihintay ako sa sagot na sasabihin mo
At sinagot mo ito ng tapos na tayo
Walo,
Masakit pero kailangan Kong tanggapin
Na hanggang dito na lang ang nasimulan
nating kwento
Siyam,
Muli tayong dalawa ay namaalam
Bakas sa iyong Mukha ang saya
Sapagkat Malaya ka na
Sampu,
Pero ako iniwan mong wasak at luhaan
Parang Tanga sa kawalan
Naghihintay na muling balikan
Na baka magbago pa ang desisyon mo
Ngunit malabo ng mangyari ‘to
Nagpatuloy ka parin sa iyong pag-alis
Samantalang ako nakatulala sa kawalan
Kasabay ng pagpatak ng luha
Ang siya namang pagbuhos ng— ulan
Tanging ngiti na lang Ang aking nagawa
Sa sinapit kong pagluluksa
At sa paglipas ng panahon
Ay makakalimutan din kita
Muli, paalam sa ating dalawa.
JBinibini ✍️
Ps: PHOTO NOT MINE
Credits to rightful owner of the photo
![](https://img.wattpad.com/cover/347880189-288-k485852.jpg)