ايلين:وقتاه ناويين تخطيو عقل بنتي؟؟..من عمها لخالها وخالتها؟؟؟
جان:ووش دارو خالها وخالتها؟؟
ايلين:قول وش مداروش رايحين تهبلووني
لينار زيرت على رقبتها محظنتها:ماامي نحببببك
ايلين شافت فيها قابلتها بعينين القطة اللي يولو رماديين بلمعة حنينة بزاااف تحرك قلبك بسييف:بنتي بركاي الدراما
لينار:مي انا نقول فالصح
ايلين شافت فبنتها مطولا وتنهدت تشوف فجان وسيليا:نتوما الزوج بركاو متعلمو فيها الشي اللي كبر منها علابالي شي مليح وتسلك راسها بيه مي مش وقتووو مزالت صغيرة ولازمها تلعب مش تتعلم هاد الريسك وحساب مازن مزااال
جان:وي وانا معاك متخمميش
ايلين:امم هيا وجدو رواحكم باه نروحو طيارة ماهر قربت توصل
سيليا قربت ليها تتغيمز ودها:ههه شوفو شكون لبس وعدل باه يقابل حبيب القلب
ايلين:نقدر نقول نفس الهدرة عليك بعد ربع ساعة(وغمزتها)
سيليا دارت تشوف فجان اللي يكيل فيهم بشوفة معوجة تبسمتلو وشافت فلينار:ايا بنت خالتو الزينة نروحو نبدلو
لينار:اوك هيااا نزلت من عند ايلين وحكمت في يد سيليا وراحو
بقاو جان وايلين فلاشومبر جان ريح على كرسي البيرو طالق روحو بكل راحة قعدة رجولية باتم معنى الكلمة رجل على رجل وتبسيمة ساحرة على وجهو:ههه وشبيك ايلين وليتي تتنارفاي بالخف
ايلين تكات على الحيط اللي قدامها وبقات تشوف للأرض:راني حاسة بالضياع..
جان:علاه؟؟..وشبيك؟؟
ايلين:معلاباليش...حاسة شي فقلبي...كأنو تعب..الشي اللي كنت حابتو وصلتلو مي...منيش فرحانة بيه بيسك بديت نشوف فروحي منليقلوش
جان:متأكد نتي خايفة من مسؤولية الامومة؟؟
ايلين:مش افار مسؤولية امومة المشكل انا ام شكون..وش عاشت بنتي بلا بيا ووش عاشت كي انا رجعت ...حاسة سلبية وجودي كثرمن ايجابيتها..منيش عارفة نتعامل معاها الطفلة تربات غير مع مازن وماهر ويما سليمة وهوما عطاوها الحرية المطلقة فالتصرف وجامي حاسبوها حتى حفظوها باللي المحاسبة ممنوعة منيش عارفة نتصرف معاها على قد منقول لازم نكون جامدة شوي معاها ولازمها تهابني شوي نلقى روحي ضعيفة قدام نظراتها...مهما كان فراغ خمس سنين فحياتها بلابيا منيش قادرة نعوضو يمكن كي تكبر شوي تحاسبني وتقولي علاه تخليتي عليا وتلومني كيما سيليا هي غاضتها كي باباها راح ومسقساش ومصبرش ومحاربش ونفسو الشي اللي درتو انا,انا فضلت الهرب وكي رجعت رجعت بنية الانتقام مي الواقع صدمني وحطني فموقف الامومة في اصعب مواقف حياتي..وبنتي مهيش كيف لولاد كامل من جيهة نخمم فنفسيتها وتصرفاتها وعقليتها ووش والفت فحياتها مي منيش قادرة نكسر شي..شي..كيما انو انا منعرفهاش ومدام مكنتش معاها باه نبنيلها عقليتها فمعنديش الحق نحاسبها
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
الفصل55
Start from the beginning
