အစ်မလန်ကလုံးဝနားလည်နိုင်မည်မဟုတ်ချေ။
သူမတွင်လည်း လူပျိုလှည့်ခဲ့ဖူးသူအများကြီးရှိခဲ့ပါသည်၊ ယခုမူဒီလူအတွက် ချမှတ်ထားခဲ့သည့် ကတိကဝတ်များအကုန်လုံးသည် စိတ်ရင်းနှင့်ရိုက်ခတ်မှုလေးတစ်ဝက်ပင်ပြန်မရတော့ပေ။
ထို့ကြောင့် သူမဘဝထဲတွင်သူမ၏သားငယ်လေးတစ်ယောက်သာကျန်ရစ်ခဲ့တော့သည်။ ချန်းခယ့်ယောင်၏ရောက်ရှိလာမှုက သူမကိုချောက်နက်ထဲတွန်းချခဲ့သည့်တိုင် နွေးထွေးမှုနှင့်စိတ်သက်သာမှုတို့ကိုပါယူဆောင်လာနိုင်ခဲ့သည်။
"ကိုယ်ကလေးတုန်းက၊ သူ့ကိုတကယ်ကြောက်တာ"
ချန်းခယ့်ယောင် လက်တစ်ဖက်နှင့်သူ့ခေါင်းကိုကိုင်ထားသည်။ သူရုန်ယီဘက်ကိုမျက်နှာလှည့်ထားသော်ငြား မကြည့်နေပေ။
"သူကိုယ့်ကိုဒေါသထွက်လာရင်ကိုယ်လည်းဘာလုပ်ရမှန်းမသိတော့ဘူး"
ရုန်ယီမှာ စိတ်ကူးကြည့်ရန်ပင်ခက်ခဲနေသည်။
သူ့မှတ်ဉာဏ်ထဲရှိအစ်မလန်က အမြဲညင်သာသည်၊ သူမအသံလေးကပင်နူးညံ့ပြီး နားထောင်သူတိုင်းကိုမသိလိုက်ခင်ပင်တည်ငြိမ်အေးချမ်းမှုရစေသည်။
""ကိုယ်ငယ်ငယ်က ကိုယ့်အဖေကိုသဘောကျတယ်၊ သူကအမြဲတကျည်ကျည်လုပ်တတ်ပေမဲ့ ကိုယ့်ကိုတစ်ခါမှမဆူဘူး၊ မရိုက်ဘူး ပြီးတော့ကိုယ့်ကိုပျော်စရာကောင်းတဲ့နေရာတွေလည်းခေါ်သွားပေးတယ်"
"ဒါပေမဲ့ အစ်မလန်ကကိုယ်တို့သားအဖ အရမ်းကပ်နေတာတွေ့ရင်စိတ်ဆိုးတယ်၊ အဲဒီအချိန် ကျောင်းကပြန်လာတိုင်းကိုယ်အရမ်းစိတ်ရှုပ်ရတယ်၊ အိမ်ပြန်လာတိုင်းသူကကိုယ့်ကိုစိတ်မချမ်းသာရအောင်ပြောဆိုနေတတ်တယ်လေ"
"....."
ရုန်ယီလက်ဆန့်ပြီး ချန်းခယ့်ယောင်၏ဘောင်းဘီအနားစကိုဆွဲလိုက်သည်။
"ဒါဆိုလည်းပြန်မစဉ်းစားနဲ့တော့၊ ငါနားမထောင်ရလည်းကိစ္စမရှိဘူး"
နောက်ဆုံး၌ ချန်းခယ့်ယောင်ကသူ့ကိုကြည့်လာပြီးရယ်သည်။
आप पढ़ रहे हैं
Mr.Rong's ချစ်မှုရေးရာ ဒိုင်ယာရီ
फैनफिक्शनမင်္ဂလာ ညချမ်းပါရှင် အသစ်လေးတွေ လာကြေညာတာပါ ရှင့် ???? BL အတိုလေးနှစ်ပုဒ် PICK ထားပါတယ် အပိုင်းသိပ်မများတာလေးတွေပါ ဖတ်ပေးကြပါဦးနော် ... အားလုံးပဲ ကျန်းမာ ဘေးကင်း ဝင်ငွေတိုးကြပါစေ... ပုံအောက်မှာ Description ပါတယ်နော် ...
Chapter 39
शुरू से प्रारंभ करें: