أفنان

Part 24

انا عارفه اني مقصره جدا بس ان شاء الله مش هيحصل تاني 🤍

وحشتوني جدا جدا 🥺🤍🤍
متنسوش تدعولي اجيب مجموع عالي النتيجه قربت تظهر 🥺🤍

هارون بصراخ: أعوذ بالله من الشيطان الرجيم... لا تإذينا ولا نأذيك... استغفر الله العظيم

وما ان أنهى حديثه حتى وقع مغشيا عليه

الرجل بصدمه: هو انت لسه اهبل زي ما انت... انا اللي غلطان جاي اعتمد على اهبل واحد فيهم.... هارون ولا يا هارون

وبعد مده طويله من المحاوله قد عاد الي وعيه اخيرا

هارون: الحمد لله اني صحيت دا كان كابوس

احمد البحراوي والد ايوب برفعة حاجب: بقا انا كابوس قوم يلا

هارون بوعي: دا حقيقي... دا بجد انت حقيقي يا عمي

احمد بملل: ايوه انا بجد قوم يا زفت خلصني هتفضحنا ربنا يفضحك

هارون بسعاده وعدم استيعاب وهو يلقي بنفسه عليه ليحتضنه بقوه: انا فرحان اوي.. انت كنت فين وحشتني اوي كده تسيبنا كل دا

احمد بخنقه: يا بني مش هتلحق تفرح بيا هتم*وتني ابعد عني يخربيت طبعك يا اخي

هارون: في اي

احمد: انت لازم تسمعني علشان لازم توصل ليهم كل اللي انا هقوله دا.. ركز معايا وافهم اللي هقوله دا

احمد براحه: من سنين طويله مكنتوش انتو لسه جيتوا الدنيا دي كنت انا وابوك وعمك سالم كنا لسه شباب صغيرين يادوب كنت لسه متجوزين كنا فريق حلو اوي مع فريق متكامل بس عمك سالم كام طول عمره عنده روح القياده كان ذكي اوي... بعدها بفتره اتعرف على واحد من بتوع الآثار وعرض عليا انا وابوك اننا نتاجر فيها وقلنا على كام مكان فيهم مقابر فرعونيه وقتها رفضنا بس بعد إلحاح علينا وافقنا وعمليه في التانيه في التالته بقينا محترفين ووقتها انتو جيتوا ومن بعدكوا شرفت الست نور... نور كانت غاليه على ابوها اوي لدرجة ان دا كان بيبان عليه وخصوصا ان نور من يومها ذكيه اوي ودا باين عليها انها نسخه من ابوها ودا طمع الناس كلها فيها لدرجة انها انخطفت اكتر من مرهبدأ يخاف عليها فلما عرف ان مراته حامل وداها الصعيد عند اهلها كانت بنت عاديه من عيله فقيره محنا كنا فقره احنا كمان ووقتها خلفت افنان وللأسف وقت الولاده اتو*فت وقتها سالم بقا واحد تاني كأني عمري ما كنت اعرفه في حياتي طمعه زاد واتغير اوي بقا شخص مختل طمع في الثروه اللي احنا بنجمع فيها سنين مع بعض لوحده ودا كان باين اوي مع انه كان بيحاول يداري بس من غير فايده وفي يوم قال ان فيه حفله هيحضرها ناس مهمين اوي وواحد فيهم عاوز يخلص مننا بأي طريقه يا اما النهارده هتكون نهايته او نهايتنا للأسف ابوك عمره ما عرف يخون حد او حتى يفكر انه ممكن يإذينا لكن انا للأسف شفت كتير اللي يخليني اخون صاحب عمري عادي اديته هديه من فتره خدتها وحطيت فيها إثبات لكل جرايمه انا عارف انه بيحبني مستحيل يتخلى عن آخر ذكرى مني