في مصر
رنين: أوني... أونييي.... اصحي يلااااا
نانسي: عايزة ايه يا رخمة يا زنانة
رنين: أهو إنتي... اصحي عشان أنا جعانة
نانسي: و الله عيب لما تكون واحدة شحطة بغلة زيك عندها 18 سنة و مش بتعرف تعمل أكل لنفسها
رنين: و عيب بردو لما تكون واحدة شحطة بغلة الأخت الكبيرة عندها 20 سنة و نايمة و الصغيرة هي اللي تطبخ.... أنا بعرف أعمل كل حاجة بس مكسلة
نانسي: ماشي يا سكلية
رنين: مرسي بيكوب
نانسي: لو فيه من البت دي اتنين العالم هيتدمر أذا كان نسخة واحدة هتقضي عليه
رنين: بتتكلمي و كأنك علي راسك ريشة مثلا الله يرحم لما حطيتي سكر في المكرونة بشاميل
نانسي: اسكتي يا فضايح
رنين: و لما حطيتي ملح في البسبوسة.. أنا مش عايزة أتكلم
نانسي: مش عايزة تتكلمي ايه انتي فضحتيني
رنين: طب يلا عشان الفطار
تعد نانسي الفطور بينما رنين جالسة تشاهدها و تأكل تفاحة
نانسي: ما تيجي تعملي حاجة خلي عندك دم
رنين: و الله الدم مفيش أكتر منه و بعدين انتي ما شاء الله مبدعة إيه الحلاوة دي
نانسي: بجد و الله
رنين: اه طبعا....(سامحني يارب علي الكذب ده)... الحقي الطاسة هتتحرق
نانسي: يالههههوووووي
رنين: ربنا يشفي
علي الفطار
رنين: أوني مش بتفكري إننا نسافر برا مصر
نانسي: فكرت و الله بس هنروح فين؟
رنين: كوريا
نانسي: يا بنت اللعيبة
رنين: شكرا.. أنا أفكاري جهنمية عدت حدود العباسية.. عاملين حفلة جهنمية و بكرا فرح شلبية هربانين من العباسية سية
نانسي: بطلي هبل ارحميني... هنروح نعمل ايه هناك
رنين: لا بس هنروح نشم شوية هوا و نيجي.. أكيد هنعيش هناك و أنا أكمل تعليمي و إنتي اشتغلي بدل ما إنتي قاعدة عواتلية
نانسي: عواطلي... عواطلية يا هبلة
رنين: مفرقتش المهم إنك قاعدة زي البلاصي لا شغلة و لا مشغلة
نانسي: يخربيت تقطيمك ده
رنين: كمان عايزة أكمل تعليمي هناك و أهرب من وزير التربية و التعليم اللي هنا
نانسي: حاضر سيبيني أفكر
رنين: براااافووو.. هروح ألعب شوية
نانسي: روحي يا اختي....... طب أعمل ايه... أشوف فعلا و لا أطنش.. إما نجرب حاجة جديدة
أخذت نانسي تبحث عن السفر لكوريا و كيفية التحضير للسفر و الاوراق اللازمة
رنين: أوني أنا راحة عيد ميلاد واحدة صاحبتي
نانسي: و دي فين؟
رنين: بعد نص ساعة من هنا
نانسي: ما بلاش تروحي قلبي مش مطمن
رنين: يوووه كل شوية كدا بقي أنا محبوسة في البيت و عايزة أروح عيد ميلادها إيه الظلم و الحبس ده
نانسي: خلاص مش تزعلي.... روحي
رنين: شكرا
في الطريق
رنين: أيوة يا ندي انتي فين
ندي: يا بنتي أنا مستنياكي في البيت عند يلا عشان العيد ميلاد هيبدأ
رنين: حاضر جاية أهو..... لو سمحت ممكن تسوق بسرعة بعد إذنك
السائق: حاضر
تصل رنين و تطرق الباب
رنين: ازي حضرتك يا طنط
أم ندي: الحمد لله يا حبيبتي أخبارك ايه
رنين: كويسة الحمدلله فين ندي
أم ندي: هي راحت النادي مع أصحابها عشان هيعملوا العيد ميلاد هناك هي مش قالتلك
رنين(بصدمة): لا
أم ندي: علي العموم هما راحوا النادي لو عايزة تروحي
رنين: شكرا.....(تذهب)
تعود رنين إلي البيت
نانسي: إيه يا بنتي مالك؟... العيد ميلاد كان حلو ولا ايه؟
ترتمي رنين في أحضان نانسي و تبكي بقوة
رنين: يا ريتني كنت سمعت كلامك يا أوني البت ضحكت عليا و عملت عيد ميلادها في مكان تاني هو أنا عملت فيها إيه عشان تعمل فيا كدا.. أنا مش ليا صحاب يا أوني
نانسي: سيبك منها و بعدين أنا أختك الكبيرة و صاحبتك و مامتك
رنين: أنا زهقت و مش عايزة أقعد في مصر
نانسي: خلاص بطلي عياط... واحدة زي دي مش تستاهل دمعة من عيونك إنتي دموعك غالية عليا أوي
رنين: تعرفي يا أوني لو انتي مش كنتي معايا كان زماني انتحرت
نانسي: تنتحري ايه يا هبلة يا مجنونة كل ده عشان واحدة مش تستاهل إنتي غبية و لا بتستغبي؟
رنين: أو بدعي الغباء 🤓
نانسي: طب يلا يا غبية روحي روقي أوضتك
رنين: حاضر..... إيه القلبة السودة اللي زي الطين دي
نانسي: يلااااااا
رنين: حاضررر... ربنا علي القوي و المفتري
نانسي: سامعاكي
رنين: أي خدمة يا أوني
في المساء
تجلس رنين في غرفتها بينما تجلس نانسي في غرفة المعيشة تتحدث مع صديقتها
نانسي: فكرنا أنا و رنين إننا نسافر كوريا
ثريا: كوريا؟ بس دي بعيدة أوي و بعدين عايزين تسافروا كوريا ليه؟ إيه سبب القرار المفاجئ ده؟
نانسي: الصراحة كنا بنفكر في موضوع السفر ده من زمان بس صاحبة الفكرة إننا نسافر لكوريا هي رنين كمان لو روحنا هي تكمل تعليمها هناك و أنا أشتغل و بردو رنين تتعرف علي صداقات جديدة و يكون ليها أصدقاء كتير أحسن من هنا دي أختي الصغيرة و عايزة أعملها أي حاجة هي عايزاها
ثريا: انتي بجد و نعم الأخت رغم إنك هتوحشينا انتي و الصغيرة بس يلا اهم حاجة مصلحتكم
نانسي: شكرا يا ثريا أنا بكرا ان شاء الله هروح أجهز الورق عشان السفر و هعملها لصغيرتي مفاجأة
ثريا: تمام
في الصباح
تستيقظ نانسي مبكرا لتجهيز نفسها و الذهاب مبكرا لتحضير أوراق السفر قبل استيقاظ رنين
في البيت
رنين: إيه ده... أوني... نانسي... زفتة... بت... ناموسة... راحت فين دي؟.. دي اتبخرت.. و لا اختفت... راااحت فييين؟.. طب أرن عليها... مش بترد.. يبقي اتخطفت... طب لو الناس اللي خطفتها طلبوا فلوس فيدية هجيب منين؟... طب مين اللي هيعملي الفطار.. أو مين اللي هيقعد معايا؟؟؟.... نانسي... أوني.... لااااااااااا😭😭😭😭😭😭😭😭😭
بعد مدة
رنين: ثموث لايك باتر لايك اكريمنال اندر كافر..( ترقص بجنون)
تدخل نانسي البيت لتتفاجئ من منظر رنين
نانسي: اللهم إن كان سحرا فأبطله
رنين: أوني؟؟ هااااي كنتي فين؟؟
نانسي: كنت... كنت..
رنين: إيه الأوراق اللي في إيدك دي؟
نانسي: أوراق...
رنين: هاتي كدا..(تشدها من إيدها)
نانسي: هاتي يا بت
رنين: لا...... لا....... لا........ إيه ده؟؟؟؟؟؟؟؟؟؟؟؟؟؟
YOU ARE READING
صدفة ✨
Fanfiction(لقائك صدفة و حبك صدفة أنت أجمل صدفة حدثت لي بحياتي و أشكر الصدفة الجميلة التي جمعتني بك ) أختان تعيشان بمصر لكنهما تقرران الذهاب إلي كوريا و لا نعرف مخططات القدر التي قد تقلب حياة الشخص رأسا علي عقب بسبب الصدفات التي يصنعها بطلات القصة صديقاتي و...
