" အဲ့ဆို ဒေါ်ကြီးဂျူးကို မနက်ဆေးရုံတက်ဖို့အတွက် လိုအပ်တာတွေ ပြင်ဆင်ပေးခိုင်းထားပါနော် မာမီ..သားကိုကို့ကို သွားပြောလိုက်အုံးမယ်.."
" သွား..သား..မာမီ စီစဉ်ထားလိုက်မယ်.."
ထယ်ယောင်းလည်း နွားနို့ခွက်ကိုယူပြီး အခန်းဆီပြန်လာလိုက်သည်။
အခန်းထဲရောက်တော့ ကိုကိုက ကုတင်ထောင့်စွန်းလေးမှာထိုင်ကာ ခြေထောက်တွေက ကြမ်းပြင်ချထားပြီး....လက်တစ်ဖက်က မွေ့ရာကို ဆုပ်ကိုင်ထားကာ..ကျန်တစ်ဖက်က ခါးကို ထောက်ပြီး မျက်နှာက ရှုံ့မဲ့နေ၏။
" ကိုကို.. ကိုကို...ဗိုက်နာလို့လား.."
နွားနို့ ခွက်ကိုစားပွဲပေါ်တင်ပြီး..ကိုကို့ဘေးဝင်ထိုင်ကာမေးလိုက်သည်။
*~.ခါးနာတာ မောင်.~*
*~.ဆေးရုံသွားမလားကိုကို.~*
*~.ရတယ်..မောင်..အရမ်းကြီးမနာဘူး..ငါ့ကို ဆေးလိမ်းပေးပါလား.~*
*~.မောင်လိမ်းပေးမယ်နော်...နွားနို့လေးအရင်သောက်လိုက်.~*
ထယ်ယောင်းက နွားနို့ ကို သေချာလေးလက်တစ်ဖက်ဖြင့်ထိန်းကိုင်ပေးကာ သောက်ခိုင်းလိုက်သည်။ပြီးတော့ ကိုကို့ကို ဘေးတစ်စောင်းလှဲခိုင်းလိုက်ပြီး ခါးတစ်ဝိုက်ကို သံလွင်ဆီလေးနဲ့ ခပ်ဖွဖွလေးပွတ်ပေးလိုက်၏။ဒဏ်ကြေလိမ်းဆေးက ပူတာမို့ ကလေးထိခိုက်မှာစိုးပြီး မသုံးရဲ ...ကိုယ်ဝန်ကြောင့် နှိပ်ပေးလို့လည်း မရတာကြောင့် ခပ်ဖွဖွလေးသာ ပွတ်ပေးလိုက်သည်။
*~.ကိုကို မနက်ကျရင် ဆေးရုံကြိုတက်ရမယ်.~*
ထယ်ယောင်းစာကို ဖတ်ပြီးဂျောင်ဂုက အံ့ဩသွားကာ မျက်လုံးလေးတွေဝိုင်းလာ၏။
*~.နောက်တစ်ပတ်နေမှ ဆေးရုံကြိုတက်ရမှာဆိုမောင်.~*
*~.အခုရက်ပိုင်း ကိုကိုက ဗိုက်နာလိုက် ခါးနာလိုက်ဖြစ်နေတော့ ဒိတ်မရောက်ခင်မွေးမယ်ထင်လို့ ..~*
ဂျောင်ဂုလည်း ဘာမှ ဆက်မရေးပြတော့ဘဲ ခေါင်းဘဲငြိမ့်ပြလိုက်သည်။မောင်ပြောတာလည်း မှန်နေတာဘဲ..တစ်ခါတစ်လေ ဗိုက်ထဲက ကလေးလေးက အတင်းကန်တာကြောင့် နာတတ်သလို ခါးတစ်ဝိုက်ကလည်း တဆစ်ဆစ်ကိုက်နေတတ်၏။
ESTÀS LLEGINT
Dear Ko Ko ( Complete)
Ficcióမောင်သာ ကိုကို ကို သစ္စာဖောက်ခဲ့ရင်..ကိုကို နာကျင်အောင်လုပ်မိခဲ့ရင်..မောင့်တစ်ဘဝလုံး အထီးကျန်ဆန်ပြီး နာကျင်မှုတွေနဲ့ ရှင်သန်ရပါစေလို့..မောင်..ကျိန်ဆိုတယ်..ကိုကို...( ကင်မ်ထယ်ယောင်း ) ငါက..စွံ့အနားမကြားတစ်ယောက်မို့..ကြာရင် မောင် ငြီးငွေ့လာပြီး ငြိုငြ...
Part -17
Start from the beginning