سيلفا : اادم ؟؟
ادم : خير يما ؟
سيلفا بتردد : علابالك بلي عندي صحابات انتيم هنا في لوس انجلوس
ادم ببرود : هيه ومبعد ؟
سيلفا : صحبتي مدايرة لانيفارسار تاعها نحوس نروح وندي معايا لميس وكامل يحوسو يتعرفو على مرت ابني
قالت كلماتها ببطئ وتردد حلت لميس عينيها على وسعهم كي عادت تسقسيه في حاجة تخصها والقرار يكون ليها ماشي ليه
ادم ببرود : لا
سيلفا : بلييز ادم والله مانطولو يخي اي معايا حاجة ماتمسها
حط ادم المغرفة تاعو وخزرلها ببرود والباقي قاعدين يتفرجو ويسمعو في النقاش
ادم : يما يخي تعرفيني هي ما راح تروح لحتى بلاصة وميش رايحة تخرج من القصر غار معايا
شافت فيروز في ميرا تاع شوفي قلبت ميرا عينيها وكملت توكل ببرود اما لميس ولات تغلللي عضت شفتها بقوة مغتاضة كيفاش يقرر هو في بلاصتها كانت راح تهدر بصح سكتت ميش حابة تناقشو متوال الجماعة علابالها النقاش تاعهم وين رايح يوصل
يارا : اوووه لا يعني ا ادم لاه يخي حفلة صغيرة برك متخافش واحد مايقرب ليها ولا تمسها حاجة يخي اي معانا
ادم بالعياط : يارا قلت اها يعني اها اي في دارها لاباس عليها حاجة ماتقيسها اللي تطلبها تجيها لرجليها وغار مكان لاه تزيدو تفتحو معايا نقاش ع الحفلات
حطت لميس الفرشيطة تاعها بهدوء وناضت بلا ما تقول كلمة مخلية ادم عيطلها وهو مقلق وهي مطنشاتو
تأففت سيلفا بضجر ندمت كي هدرت ضك وهوما ما كلاوش الماكلة
طلعت لغرفتها وهي حابسة دموعها الغالية من الهبوط كارهة الحياة اللي عايشتها كرهت هاذ الانقياد حاسة روحها لعبة بصح ميش رايحة تقبل هاذ الشي اطلااااقا هزت تيليفونها من لاتابل دونوي وعيطت لايناس
ايناس : الو
لميس :وشراكي لباس بخير ؟ الحمد لله شوفي معنديش وقت للهدرة قوليلي الملف تاعي تقبل في كشما شركة
ايناس : كللبة وققحة ماتحشميش ماسقسيتينش حتى كيفاه راني وزيد تسقسي وتجاوبي وحدك
لميس : افففف ايناس افففف والله ماهو وقتو جاوبيني ازرربي
ايناس : ايه تقبلتي والشركة هي اكبر شركة في لوس انجلوس الف مبروك
لميس : هوووف الحمد لله .... شوفي ايناس تديري فيا مزية تعيشي جيبيلي ملفاتي للقصر واشريلي معاك روبة تاع حفلات ملييحة في طريقك مذابيك تكون في لاكولار تاعي اللي نحبها البلو متكونش مخنوقة يخي تعرفي الذوق تاعي وماتطولييش
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت 40
Start from the beginning
