مين قال انتى عانس ج٢ للكاتبه " اسو_احمد "

الفصل الثالث والعشرين " الاخير "

انتى طالق
هكذا قالها زوجها بكل بساطه كانهو يقول كلمه عاديه جدا ، لكن هذه الكلمه كانت بالنسبه إليها تعنى الكثير نعم هى تريد هذا لكن الكلمه قد حولت قلبها إلى فتات بمجرد ان نطقها زوجها

شهد
الاولاد تقدر تشوفهم فى اي وقت تحب بس ياريت تقولى قبلها علشان اعملى حسابي

تركها وذهب للداخل لتنزل دموعها التى كانت تمنع نزولها بصعوبه امامه لكى لا يرا ضعفها مره اخره ، مسحت دموعها بقوه

شهد لنفسها
احنا قولنا مافيش ضعف تانى ياشهد ، وشهد الضعيفه المسكينه المزلوله خلاص ماتت من النهارده

اخذت نفس عميق ثم ذهبت وأخذت الشنط كلها وجميع أغراضها الباقيه لتتركهم فى مدخل العماره وتذهب لأخذ ابنتها وتركب اول تكسي تجده أمامها ذاهبه إلى عند اهلها لتعيد كرامتها إليها ولكن لا تنكر ان قلبها قد طحطم من ما عانته مع زوجها وحماتها واخر جزء به قد ذهب مع كلمته الاخيره لها

متابعه للبيدج لاستمرار الكتابه فضلا
_________________________

فى صعيد مصر

بعد ان انتها الفرح ذهب كل منهم على منزله ولكن منزل محمد والد وعد كان يوجد به اخوه ابو مصطفى واخته

تحدث اخوه وهو يضع يده على كتف محمد
عدبك " عجبك " إللى عملته بنتك معانا والفضيحه إللى حصلة دى يا محمد يا خويا

محمد بضعف وخوف
حقق عليا يا خويا دي بنت صغيره لسه ماتعرفش حاجه و..

قاطعته اخته بحده
صغيره فى عينك يابعيد ، بنت زي دى كان لازم تدفن اول ما تتولد على طول ، عيالك كلهم لسانهم طويل و *** ** ولازم يتربو من اول ودديد " وجديد " يا محمد

ابو مصطفى
اختك معاها حق يا محمد يا خويا عيالك غلطو معانا دامد " جامد " ولازم تعلمهم الصح ايه وتربيهم، هما غلطو فى حقنا انهارده وفضحونا قدام الخلق وخلو راسنا فى الطين

نزلت دموع اخته وهى تقول بحسره
انا بسببهم مش هعرف أوري وشي للناس بعد إللى عملوه فيا ، أودى وشي من الخلق فين بس ياربي

محمد
ماتبكيش ياختى حقق عليا ، واللى عملوه العيال معاكم ده مش هيتكرر تانى و..

اخته
ليه وانت عايزه يتكرر يا محمد ؟ انت لسه هتسيبهم يكرروه تانى معانا ويفضحونا فى البلد كلها من تانى ؟

ابو مصطفى
محمد مايقصدش ياختى ، هو كان قصده ان العيال مش هتقدر تعيد الغلط ده مره تانى، مش كده يا محمد ؟

محمد
كده يا اخويا ، هو انا ليا غيركم فى الدنيا دي بعد ابويا وامى الله يرحمهم ، والعيال لو عايزينهم يعتذرو منكم انا مستعد اجيبهم يعتذرو منكم

اخته
يدو " يجو " ايه يا خويا ؟ ده على دثتي " جثتي " انهم يجو البلد تانى بعد إللى حصل ، انتو مالكمش مدي " مجي " تانى هنا يا محمد ، سامعنى