توقفت عند الباب عندما سمعتهم يقولون
عريس زي القمر وانا مالقتش احسن من بنتك ليه وهيعيشها فى الجنه والله ، عنده فيلا واجنص عربيات ملكه ومراته مكنتش بتخلف وماتت من فتره كانت طيبه اوى الله يرحمها وهو مكنش يعز عليها حاجه والله وكل اللى كانت تشاور عليه تانى يوم يكون عندها واللى عملو معها هيعمله مع بنتك و اكتر كمان
الام
بسم الله ماشاء الله عليه ، بس احنا مايهمناش كل ده احنا يهمنا سعادت بنتنا ومادام شكرتي فيه بالشكل ده يبقي عريس كويس وان شاءالله يتم على خير
الخاطبه
من النحيه دى اطمنى هو من جعت عريس لقطه فهو لقطه والله وانا اول ما قال عايز عروسه طيبه وبنت ناس وتراعيه جيتو انتو على بالى على طول وقولت مش هلاقي احسن من وعد ليه ، يعلم ربنا ان وعد انا بعتبرها زى رحاب بنتى واكتر والله
الام
صادقه ياحبيبتى وانا والله يعلم ربنا معتبراكى اختك وانتى يا ام رحاب معزتك عندنا كبيره اوى وان شاءالله يكون فى وفاق وافرح احسن البت دى مغلبانى معاها ومعدتش عارفه اعمل معاها ايه ، كام عريس يجي على ايدك ده غير اللى بيجى لوحده ومعرفش البت مالها ، لحد ما هتجنن خلاص والله
الخاطبه
ماتقوليش كده هي لسه نصيبها مجاش وان شاءالله المره دي يحصل نصيب ونفرح بيها كلنا يارب
الام
من بوقك لباب السما يا رب
مثل أي فتاه سعدت كثيراً عندما قالت مواصفات العريس اي نعم هو ارمل ولكن ماذا افعل فليس في يدى شيئ وافضل شيئ انهو طيب كما قالت ولعله يكون عوضاً لي عن ما عشته مع اهلى وعن المعانات التى اعيشها الى حد الان
فتحت الباب أخيرا بعد ان عدلت من هيئتي ودخلت والقيت السلام عليهم
وعد
السلام عليكم
الام
اهى وعد جات اهى ، تعالى يا وعد يا حبيبتي دى طنط ام رحاب عندنا ، تعالى ماتتكسفيش
نهضت الخاطبه واحتضنتني بشده وقالت
ازيك يا قلبي عامله ايه طمنيني عليكي
وعد
الحمد لله بخير ياطنط انتى اخبارك ايه ورحاب عامله ايه دلوقتى
الخاطبه
الحمد لله ياقلبي هبقي اجبلك رحاب معايا المره الجايه أن شاءالله و..
الام مقاطعه
شوفتي مش قولتلك وعد تخنت واحلوت عن الاول
الخاطبه
لا بصراحه بسم الله ماشاء الله عليها بقت زي القمر ، تعالى ياوعد اقعدى جنبي هنا
الام
اقعدى يا وعد جنب طنطك لحد ما اجبلكم حاجه تشربوها احسن القعده معاكى حلوه ومش بنحس بالوقت خالص ، نسيت اجبلك حاجه تشربيها لحد ما نجهز الغداء
الخاطبه
الله يخليكى يا ام وعد ، ده انتى إللى قعدتك انتى ووعد مايتشبعش منها والله نظرت إلى وهي تبتسم
بسم الله ماشاء الله عليكى يا قلبي
YOU ARE READING
مين قال انتى عانس ج٢ للكاتبه " اسو_احمد "
Randomقصة فتاه تعدي سنها الثلاثون عاماً ولم تتزوج ليس لبشاعة مظهرها بل العكس تماماً فهى فى قمت الجمال والدين والخلق ولكن لم يأتى نصيبها بعد ليطلق المجتمع عنها عانس ، ولكن هل سوف يستمر هذا طويلاً ام ماذا سوف يحدث معها ؟ وما مصير الفتاه من لعنة " عانس " له...
