Song recommendation for this part :
" Off my face "
~
ပါရီမြို့ရဲ့အလှတရားကြီးမှာ ညအချိန်တွင်
ရောင်စုံမီးရောင်များနှင့်အသက်ဝင်နေပြီး
အီဖယ်တာဝါတိုင်ကြီးမှာလဲမူမပျက်ပင်
မြို့၏ပြယုဂ်တစ်ခုအဖြစ် ထည်ထည်ဝါဝါကြီး
ရှိနေပါသည် ။
အနုပညာအသိုင်းအဝိုင်းရဲ့နာမည်အကျော်အစောတွေ
ဖြင့်သာ ပြည့်နှက်နေပါသည့်After Party တစ်ခုတွင် ကျန်းဟာအိုနှင့်ဆောင်းဟန်ဘင်းမှာတစ်ယောက်နှင့်
တစ်ယောက် ဘေးချင်းကပ် ထိုင်နေကြရသည် ။
သူတို့နှစ်ယောက်မှာ ဘယ်တုန်းကများအခုလို
ဟန်ဆောင်ပြုံးပြပြီး အများရှေ့ကောင်းမွန်တဲ့
ဆက်ဆံရေးရှိတဲ့ စီနီယာနဲ့ဂျူနီယာအဖြစ်
သရုပ်ဆောင်ရမဲ့အနေအထားရောက်သွားလဲ
သူတို့ကိုယ်တိုင်လဲမသိပါပေ ။
ဒါပေမဲ့လက်ရှိမှာတော့ ကင်မရာတွေအများကြီးရှေ့က ကျန်းဟာအိုရော ဆောင်းဟန်ဘင်းကပါ တစ်ယောက်ကိုတစ်ယောက် ပြုံးပြနေပြီး အင်မတန်ကိုနှစ်လိုဖွယ်
ကောင်းပြီး ရာစုနှစ်တစ်ခုရဲ့အအောင်မြင်ဆုံး
အနုပညာရှင်နှစ်ယောက်တူတူတက်တဲ့ပွဲမလို့
သမိုင်းတွင်ကျန်စေမဲ့ ဓာတ်ပုံတွေကို တဖျက်ဖျက်နှင့်
ရိုက်ယူနေကြသည် ။
" ဟာအိုရှီး ခုလိုပွဲကိုတက်လာပေးတာကျေးဇူး
တင်ပါတယ်ဗျာ "
Brand ပိုင်ရှင်ကလာရောက်တွေ့ဆုံစကားပြောသော
အခါ ကျန်းဟာအိုမှာ လူမှုရေးအရပြန်လည်နှုတ်ဆက်
ရန်ထိုင်ရာကနေ ထလိုက်ရသည် ။
" ကျွန်တော့်ကိုတကူးတကဖိတ်မှတော့ သေချာပေါက်
လာပေးရတာပေါ့ဗျာ "
" ဒါနဲ့ ဒါကဟာအိုတို့ ကုမ္ပဏီကမျက်နှာသစ်လေးမလား
ကြားထားတဲ့သတင်းတွေထက် ပိုချောတာပဲနော် "
ပြောသော စကားဝိုင်းထဲတွင် မိမိနာမည်ပါလာသော်အခါ
ဆောင်းဟန်ဘင်းက ဝတ္တရားအရစကားပြန်ပြော
ရဖို့ဖြစ်လာသည် ။
" ချီးကျူးပေးလို့ ကျေးဇူးတင်ပါတယ် "
ဆောင်းဟန်ဘင်းရဲ့စကားကြောင့် ကျန်းဟာအိုမှာ
ကိုယ့်နှာဖူးကိုယ်သာရိုက်ပစ်လိုက်ချင်သည် ။
YOU ARE READING
All in You
FanfictionI like him but we're not meant to be..... Start Date : 3.7.2023 End Date : 10.8.2023
