لميس : ماسمعتش ومانسمعش ومانيش رايحة نسمع ارتحت ؟؟؟وزيد ماعندكش الحق في امتلاكي مانيش سلعة تشريها من المارشي ولا لعبة تسيرها كيما تحب انا مرا وماتطبقش قوانينك الرجولية عليا سامع !!!! مانيش خدامتك ولا عبدتك
حك رقبتو متقلق للخر حاكم روحو على شعرة موش حابها تشوف وجهو الحقيقي خاطر عادتو في كيما هاذ المواقف يكسر كلش قدامو ويقتل الضحية اللي متوالو ابشع قتلة بصح كي نرجعو للاصل ولا مرة واحد تجرأ يحكي معاه بهاذ الطريقة ويردلو الهدرة كلهم يهابوه ويرجفو رجف غار كي يسمعو اسمو مابالك هي اللي واقفة متوالو وتتحدى فيه وتردلو الهدرة .... بقا ساكت ماردلهاش موش حاب يكسر راسو معاها
تبسمت لميس شطر تبسيمة كي شافاتو ساكت
لميس : ههههه باينة بلي تسكت خاطر اللي قلتو كامل صحيح وعندي الحق ندير الللي نبغيه مع احترامي حقوق الزوج اللي نعرفها بصح ماعندكش حق تفرض التملك تاعك سمعت
بقا غار يسمعلها وشكل قبضة بيدو حتان بياضت ميش حاب يطول النقاش معاها ويدير فيها حاجة مسك اعصابو على شعرة ومشا ليها حكم يدها يحاول يتكلم بهدوء
ادم : كون جا واحد اوخر ولا وحدة اخرى في بلاصتك تهدر معايا هكذا بهاذ لافاصون كنت كسرتلو وجهو من زمااان
لميس باستفزاز : جرب مد يدك تشوف تشه...... وين راه الحمام ؟؟
نعتلها بصبعو وين خرجتلو لسانها باستفزاز ومشات هازة روبتها مسح على جبهتو يخزرلها من لاور
ادم : راح تكوني واعرة باش تتروضي بصح نربيك نربيك
مشا لادريسينغ مع نحا لافاست والشوميز مع عياطها
لميس : اعععععع قتلتو والله قتلللتو
خرج يجري تلاقا معها قدقد خارجة تجري تخبطت فيه
لميس : دخل عليا قتلتو واللله غار قتلتو ايي جامي درتها في حياتي
ادم بحدة : شكووون ؟؟
خرج المسدس تاعو اللي كان في جيب سروالو يخمم شكون اللي تجرأ يدخل الدار وبالاخص غرفتهم شهقت بقوة كي شافاتو يركح في المسدس بعدت عليه ترجف
لميس : وش راك تدير؟؟
مجاوبهاش ودخل للحمام شافت ملامحو المرعبة خلاها ترجف كي دخل مالقا والو غير صرصور ميت
ادم : صبرك ياااربي صبرك مع هاذ البلية اللي تبليت بيها
لميس : ااااهااااااا حكمتك متلبس ياوحد المجرم السفاح عليها جبتني هنا للادغال كنت تحوس تقتلني وتدفنني هنا واحد مايجيب خبري .. عينك تديرها ديرها في وجهي يا وحد المنافق ماشي تخليني حتان ندخل لحمام وتخرج سلاحك مزلت ماعشتش حياتي كيما باغيتها
شافت ملامح الصدمة والاستفهام على وجهو حبت تزيد تفسرلو حطت يديها على خصرها
لميس : السلاح اللي راك هازو هاذا يقتل صرصور ؟؟ اكيد لا هذا جسمي اللي يتقتل بيه هااا مالا وش نفهمو من هاذا اه وش ن.......
بخطفة حكملها فمها وظهرها لاصق في صدرو قرب لوذنها وهمس في وذنها خلاها تحس بقشعريرة في جسمها
ادم : نتي اللي راح تقتليني بالهدرة والثرثرة تاعك هاذي .... حافظي على الحنجرة تاعك وكلماتك هاذو لنقاشاتنا الجايين
شافت فيه بتحدي فاقت من الوضع اللي راه فيه عضت على يدو بقوة
لميس : لاه راك عريان ماكش لابس تريكو قووول ؟ مكان لاه تطمع تمسني ساامع ؟؟ قلت لميس ماتفهمش بالهدرة نجرب معاها بالاجبار لاه ماكش لابس تريكو ماشي الجو بارد ؟ وش نفهمو من هاذا اه ؟؟ تحوس نضربك كيما اللي قبلك نتا.......
قاطعها مرة اخرى كي عاود غلقلها فمها وغطس راسو في رقبتها وقرب لوذنيها مي ماشي برفق كيما المرة الاولى فهم بلي لميس ماشي من النوع اللي يتعامل معاه بالرفق لازم من النهار اللول يعطيها العين الحمرة سينو يدير فيها حاجة
ادم : ماتتجاوزيش حدودك ماشي كي راني ساكتلك معناها خايف منك مالا يا مرتي العزيزة صوني فمك هاذاك اللي يجيبلك البلا هاذ المرة تساهلت معاك المرة الجاية منديرش حساب بلي نتي مرتي سامعة ؟؟ احكمي سابعك ليك خاطر مانيش من الصابرين يالميس منيش حاب نوريلك وجهي لوخر خاطر اذا بينتولك راح نحولك حياتك لجحيم وكلامي هاذا تفهميه مع الوقت بيسك ماكيش واعية شكون راه واقف قدامك وراح تعرفيني مع مرور الايام والسنوات واياك ثم اياك تحاولي تنبشي ورايا
متنكرش اللي كلامو رعبها هدرها بوحد لافاصون تخوووف بصح رانا نهدرو على لميس لسانها تحك بيه جنابها تهدر وماتوزنش هدرتها
لميس : هاااااااي هااااااي يلاكان نتا ادم لوينو انا لميس كانغ والحمد لله كي استعرفت بلي نتا عبد بزوج وجوه نت فريمون واحد منافق ومات..........
قاطعها للمرة الثالثة بصح بطريقة اخرى بعد عليها مخليها مصدومة مارمشتش دقيقة من الشي اللي صرا ضك
لميس بالعياط : تبووووووسني ؟؟؟؟ اه لااااه شكون سمحلك تقرب ليا وتزيد تبوسني ياوحد الحيوان هاذي القبلة تاعي الللولة سرقتها مني ماكنتش متوقعتها تكون بهاذ الطريقة ياوحد ال..
ادم : ماشي هاذي البوسة اللولة ليا معاك
لميس بصدمة : شنهي ؟؟؟؟؟ وش راك تقول ؟؟ وكتا ؟ كيفاه ؟ وين ؟ اك سيريو؟
ادم ببرود : هيأتي تبانلك بلي نتمسخر ؟؟؟ بستك من قبل كانت بوسة تههبل جامي ذقت كيفها
تبسملها باستفزاز ودار عاطيها بظهر وخرج عيط للخدامة موش مستعد للهدرة والثرثرة تاعها خاطر اصلا راسو يوجع فيها
ادم ببرود : جيبي الدخان وخبري معاك الخدامات لخراين بلي راكم في عطلة
هزتلو الخدامة راسها بايه وهي قريب تذوب من هيأتو الرجولية زيد موش لابس من الفوق لابس من غير سروال تاع الكوستيم شاف فيها بحدة حمحمت ومشات تدير وش قاللها
♥♥♥.......يتبع
فوط + كومنت
YOU ARE READING
المتمردة وزعيم المافيا (باللهجة الجزائرية)
Mystery / Thrillerكيف ستكون العلاقة بين صحافية تسعى لاخذ سبق صحافي عن الامور السوداء للمافيات وبين زعيم المافيا بحد ذاته ؟؟ هي فتاة مجنونة عنيدة ومتهورة تعشق التمرد تحب الحرية مستقلة لا تحب الانقياد للأوامر مغناطيس للمشاكل فقط تريد اثبات نفسها في الصحافة اما...
البارت 33
Start from the beginning
