وقف السّياره و إلتفت لها و سرعان ما إبتسم من شافها نايمه ، مد يده لـ كتفها وهو يصحيها بهدوء : بنت و صلنا
تحركت بإنزعاج وهي تفتح عيونها : طيّب
تعدلت وهي تاخذ شنطتها : تنزل الاغراض بنفسك ، تبيني أساعدك ؟
هز راسه بالنفي وهو ينزل ، أما أيّار نزلت و دخلت على طول للغرفه
نزلت شنطتها وهي تفقز بالسرير و تنام براحه
دخل للغرفه وهو ينزل الأغراض و يطالعها نايمه ، تنهد وهو يتمدد بـ جنبها و ما حس بـ نفسه إلا وهو بِسابع نومه..
-
« بعد مرور أسبوع »
إنتهى العيد و الكل رجع للمدينة أو لـ " بيته " بالأصح ، و إبتدت الدوامات و الدراسة ...
« بيت إياس »
كانت قاعده بالصاله و تهز رجلها بـ ملل كبير و إياس كان بـ المركز
إلتفتت لـ جوالها إليّ كان يرن أخذت بهدوء وهي ترد على المُتصل
أيّار وهي تحطه سبيكر و تنزل الجوال : أرحبي !
إيلان : البقى يعيوني
أيّار : عاد تصدقين نسيت سالفتك ، ماعلينا شرايك تجين عندي اليوم و نسهر
إيلان بضحكه : واضح و جدًا إنك ناسيه ، زوجك موجود ؟
أيّار : لا مو موجود ، بيرجع نص اللّيل
إيلان بهدوء : خلاص أجل إرسلي اللوكيشن و شويات و أنا عندك
قفلت منها وهي ترسل لـ إياس " ألوو أبي اكلمك "
وصلها الرّد مِنه " دقايق و بدق عليك "
تنهدت وهي موضوع إيلان و مهند أبدًا ما راح عن بالها لـ ثانيه
رن جوالها وعلى طول ردت : هلا والله
ضحك وهو ياخذ الأوراق : أكيد تبين شيء ؟
ضحكت لثواني : يا فاهمني
إياس : سمي حياتي
-
أيّار بهدوء : سم الله عدوك ، صاحبتي بـ تزورني ومافي عشاء بالبيت
إياس : وإنتِ ليه ما تسوين عشاء ؟
أيّار : مالي خلق تكفى ، حوّل لي فلوس و أنا بطلب
إياس بتنهيده : من عيوني كم تبين ؟
أيّار : أنت كريم و أنا استاهل
إياس بضحكه : شفيك اليوم ، خلاص بحول لك و بطرش مهند يجيب فواكه و حلى للبيت
أيّار بابتسامة : ياخي إنت كفو وربي
إياس بضحكه : حبيبي إنتِ يلا انقلعي
ضحكت وهي تشوفه قفل وراحت ترتب البيت ، أما هو قفل من أيّار و أتصل على مهند
إياس : مهند فاضي ؟
مهند : أيه شعندك ؟
إياس : اسمع روح أشتري فواكه و حلويات وكذا و وديهم بيتي
مهند : عازم القبيله ولا وشو ؟
إياس : يبوي أيّار عازمه صاحبتها و البيت فاضي
مهند : تمام تبي شيء ؟
إياس : سلامتك ، لا تتأخر
مهند : هيي دقيقه عندي كم شغله اخلصها وبعدها بشتري
إياس : خذ وقتك بس لا تتأخر
مهند : ابشر
قفل منه وهو ماله خلق بس يبي يسوي شيء عشان يغيّر نفسيته شوي
-
« بيت إياس »
أرسلت اللوكيشن لـ إيلان و خلصت من التنظيف و الترتيب وعدلت كل شيء ، كانت تنتظر مهند يجيب الأغراض قبل توصل إيلان
اخذت جوالها وهي تشوف المسج من مهند " افتحي الباب شفيك مقفلته " ردت بضحكه " دقيقه " رمت جوالها وهي تركض و تفتح الباب : هلا بالحامل و المحمول
مهند بضحكه : أهلين فيك ، سؤال واحد عندي ليه قافله الباب ؟؟
أيّار : يبوي أنا بروحي بالبيت واكيد بخاف
مهند : طيب لا تبكين ، روحي هاتي الاغراض في كم غرض بالسياره
أيّار مدت يدها : عطني ألي بيدك وإنت هات الباقي
