بـ نص السوالف قاطعهم دخول عهد إليّ كانت تطالعهم بصدمة
نوره بخوف : يمه شفيك ؟
عهد : تستهبلون إنتوا !! الساعة بتصير 3 وانتوا للحين ما نمتوا ؟
هيام : ما زارنا النوم يا جدة
عهد : بيزوركم النوم لو تتركون عنكم هالسوالف وتدخلون داخل
ريما : منجد أحس خلاص طولنا ضروري ننام بكرا العيد
نوف : يلا اجل كل وحده تاخذ شلولها " أغراضها " وتنقلع تنام
أيّار : يلا حبايبي تصبحون على خير !
الكل بردود متفرقه : وإنتِ من اهل الخير والخ..
-
تمددت وهي تاخذ جوالها وتفتح الواتس ، ارتعبت لثواني من وصلها مسج من إياس وكان محتواه " للحين ما نمتي؟ "
أيّار " سهرانين أنا والبنات ، بس الحين خلاص كل وحده بسريرها "
إياس " اتركو السهر عنكم ، بكرا عيد لازم تصحون من وقت "
أيّار " ماشاءالله و أخ إياس ليه للحينك مو نايم ؟ "
إياس " أنا مو أخوك ، كان عندي كم شغلة والحين بنام "
أيّار " حلو جاني النوم الحين ، تصبح على خير !
إياس " وإنتِ من اهله "
قفلت جوالها وهي تتثاوب و على وشك إنها تنام وبالفعل ماهي إلا دقايق ونامت بهدوء
-
الصباح
فتح عيونه بتعب من صوت جده إليّ كان يهاوش العيال لأنهم نايمين ولا كأنه عيد ، ما غير رياض إليّ كان توّه واصل للديره
متعب بعصبية : والله يا عيال عندكم دقيقه بس اذا ما صحيتوا بتشوفون شي عمركم ما شفتوه..
إياس وهو يقوم : يالله صباح خير
متعب بعصبية : اي صباح خير وذيلا للحينهم نايمين ولا كأني أتكلم !
إياس بهدوء : ماعليك انا الحين بقومهم
طلع متعب من عند العيال وهو يتوجه لـ عهد إليّ برضو كانت تصحي فالبنات ، اما إياس إليّ بصرخه وحده كلهم صحيوا بخوف
نبراس بتزفيره : إنت ورا ما تنقلع عند حرمتك
إياس بحدّه : اص يلا قم إنت وياه
طلع من عندهم وهو يتوجه لجده بالمطبخ ، إبتسم وهو يشوف جده وجدته يفطرون : كل عام وانتم بخير
عهد بابتسامة : وانت بخير يا حبيبي ، تعال افطر قبل ينزلون البنات
متعب : صحيتهم هالتيوس ؟
إياس بضحكة : افا عليك ، بصرخه وحده كلهم فزو
هز راسه بالزين وهو يشوف أيّار تدخل للمطبخ وهي تتثاوب : بنت
وقفت أيّار وهي تطالع جدها : سم
متعب : تعالي اقعدي افطري
أيّار : لا جدي بفطر بعدين مع البنات ، جيت اشرب مويه عطشت
التفت لها إياس بهدوء وعينه بعينها : أغراض إليّ بالسياره ، متى تبينها ؟
ضربت جبهتها : وي نسيتها ، ابيهم بعد شوي
طلعت من عندهم وهي تطلع للبنات ، شهقت وهي تشوفهم للحينهم نايمين صرخت بقوة : بنات ووجع اصحوا !!
نوف بعصبية : انقلعي
ضحكت وهي تشوف أشكال البنات النايمين ، إبتسمت بخبث وهي تبند المكيف وتفتح الدريشه بحيث صارت الشمس مواجهه للبنات
طلعت وهي تضحك من سمعت هواش البنات وخصوصًا نوف إليّ متوعده فيها ، نزلت للمطبخ وهي تضحك
إياس : شفيك تركضين ؟
أيّار : نوف بتضربني عشان كذا هربت منها
عهد : وش سويتي فيها ؟
أيّار : والله يا عهدي البنات نايمين ولا كأنك هاوشتيهم قبل شوي ، وعاد انا ما قصرت سكرت المكيف وفتحت الدرايش عشان يقومون
عهد بضحكه : كفو عليك
شهقت من سمعت صوت نوف القادم نحوهم : يمه جت
نوف بصراخ : أيارو الحيوانه وينك
تخبت بحضن إياس : يا ويلي صدق
دخلت نوف وهي تشوف أيّار إليّ متخبيه بحضن إياس : إياسو وخر عني لا اجلدك إنت بعد
إياس ضحك وهو يدخلها بحضنه اكثر : تخسين ، وخري يلا
" 10 "
ابدأ من البداية
