لينار:ما..ما..
جان:ارقدي صغرونة هاهي ماما عاودت غاست وهو كمل للوطو ركبها من اللور وركب من قدام مزير على الفولون :علااه سيييليا علاااه؟؟
نرجعو فالطريق يسوق بيد ويدو الثانية مزيرها بيها ليه قلبو يغلي ودموعو فعينيه
مازن:سيييلياا حبيي تعيشي لالا مش من أول الحكاية تتخلاي عليا قتلك تمسكي بيا ونخليك أسعد انسان علااه هكاا علااه؟؟(شاف فيها تسيي تتحرك ووجها يتعصر من السطر )ريحي روحك ياروحي قريب نوصلو متخافيش مراحش يصرالك والو
سيليا نص غايبة تبسمتلو شوي وهزت يدها بسيييف فوتتها على خدو ودموعها يطيحو :نح..بك
مازن شاف مع الطريق ورجع شاف فيها:وانا نعشق فيك وعمري نتخلا عليك ونتي ثاني متروحيش عليا عندك تخليني عنندك
سيليا تبسمتلو وغمضت عينيها ويدها طاحت ليها
مازن بدا غير يزيد فالفيتاس:مش ضك مش قبل ما انا نقول راضي حكايتنا تخلص مش ضك مش قبل منجيبو ولادنا ونعيشو حيااتنا ونعوضك على وش فات رايحة تبراااي ونكملو لحياة بمرها وحلوها كيف كيف
شوي وحبس لوطو عند باب السبيطار ونزل يزارب وهي فيديه
مازن:يااناااس اجروووو عاونووووهااا
قربو ليه الممرضين اللي كانو مناوبين فالليل يتجاراو وجابو الكاياص حطها عليه وهوما بداو يكرصو بيها وهو حاكم يدها
مازن:وصلنا اعمري تحملي شوي تفووت مش سيلياا اللي تطيحها رصاصة علاابلي وش تسوااي ووش تقدري تديري منخاافش(مسح دمعتو اللي هربت)مرااحش نخااف شوي ولقاهم حبسو بيها على جيهة والطبيبة جات
طبيبة:ممرضة اعطيني الاحصائيات الأولية لحالة المريضة
الممرضة تبان شوي صغيرة يعني متدربة الوغ قربت بتوتر شوي دارت الضو فعينين سيليا تقلصت الشبكية دليل انها مزالت حية مش ميتة
(تؤدي زيادة شدة الضوء إلى تقبض الحدقة (مما يسمح لكمية اقل من الضوء بالدخول)، في حين أن تقليل شدة الضوء تؤدي إلى توسع الحدقة (مما يتيح المزيد من الضوء للدخول))
تولهت للنبض نطقت بزربة
ممرضة:المريضة حية مي نبضها ضعيف بيسك خسرت دم بزاف
طبيبة بكل برودة أعصاب:اييه ووش لازم نديرولها
مازن كلب دخل فنصهم حكمها من الطابلية تاعها:ربببك نتييي وياااها تشييخي بياااا راهي راايحة تمووت يسمووك تمنعيييها مش تبقاااي@@@نت وياها راهي روح تسوى مليار روح عندي مش تجي زاملة كيفك تستهين بيها وتخليها يتعلمو فيها فاااهمة؟؟؟
طبيبة صفارت منو كيفاه يعيط فوجهها وشافت فلاتوني تاعو باين من الأمن تغلط يطير راسها تملصت منو وشافت فالممرضة:وجدو غرفة العمليات ازربو
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
الفصل47
Start from the beginning
