النسر المقيد
.•
.•
.•
البارت السادس عشر
الكاتبة ساره السعدي
لتنسون التصويت والتعليق
احبكم مكموعات كلبي
قراءة ممتعة
♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪
كامت ترطن بلغتهم جان يحاجيها رهيب بالانكليزي عاد هي هم ردت بالانكليزي الي افتهمتة سئلها هذا مو بيت ابو رونق هي كلتلة اي وراحت تصيحة
خمس دقايق الا طلع النا رجال جبير بالعمر مشيب ينطي شبه لعمو سعد هو شافنة واستغرب جان يكول
ناصر: اهلا وسهلا تفضلوا شنو محتاجين
ومق: باوعت علية وحجيت انت عراقي
ناصر: اي انـــتو عراقيين هم موو
ومق: رأسا بدا يحجي عربي الافكار كامت تتصادم بعقلي اريد استوعب شنو ديصير وليش هيج ومنو هذا اختي شسوي يمة رد علية رهيب
النسر: اي صح احنة عراقيين وجايين اليوم لان النا امانة يمك
ناصر: شنو هالامانة الي جايين علمودها
ومق: رونق اني بس كلت هذا الاسم هو وجهة صار اصفر
ناصر: منو انتو وشتردون من بنتي شعرفكم بيها
ومق: اني اختها
ناصر: همس ومق مستحيل
ومق: ليش مستحيل وانت منين تعرفني وشلون وصلت اختي الك تحجي لا اتصل بالشرطة واكوللهم خاطف اختي
ناصر: شلون اخطف اختج واني ابوها
ومق: سوالف التبني ومااعرف شنو ماتفيدك
ناصر: بس اني ماتبنيت رونق هي بنتي الحقيقية
ومق: بلعت ريكي من الصدمة احس حلكي يبس اريد الكلمة تطلع نخرست شلون بابا وماما كالت مات حسيت شي حار نزل علئ خدي تلمستة طلعت دموعي الخاينة
ناصر: تنهد دخلوا خلي احجيلج
ومق: دخلنا واحس نفسي ضايعة ومااعرف وين اروح مااصدك هذا الشخص بابا هزيت راسي اي هذا جذاب بابا مات مستحيل ماما تجذب
ناصر: ادري بيج ممصدكة بس اسمعي رونق بنتي بس انتي مو بنتي بنت اخوي امج جانت زوجة اخوية الي هو ابوج التحق بالجيش ورا زواجة من امج بكم شهر واستشهد ورا مَــا مات ماكدرنة نخلي امج تروح وهي حامل بيج كعدت عدة يمنا ورا ماجابتج انــي عقدت عليها لان خفنا تزوج وتاخذج يم واحد غريب من عقدت عليها حملت برونق ماسجلتج لحد مااجت رونق وسجلتجن ثنينجن بأسمي وفعلا انــي ناصر بس بالنسبة الج انــي عم
YOU ARE READING
النسر المقيد
Mystery / Thrillerظَل مقيد اسود بسواد قلبه لااسم لا اعتراف لا حياة لا حب لا الم لا ندم لا نقاء ولا صفاء فقط نسر مقيد للكاتبة ساره السعدي (سمسم)
