النسر المقيد

البارت 11

النسر المقيد

.•
.•
.•

البارت الحادي عشر
الكاتبة ساره السعدي
لتنسون التصويت والتعليق
احبكم مكموعات كلبي
قراءة ممتعة
♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪

ونشوف ومق طبت راسها ملفوف وايدها مجبسا صدمة صدمة صدمة شبيها وين جانت وليش صاير بيها هيج دخلت تمشي والخشم رافعتة يالله اريد شوية من ثقتها يعني مفشخة تفشخ وتمشي بثقة نعلعلا بليسج

مــدري شحجت ويا القاضي ورجعت وكفت بمكانها بدا القاضي المحاكمة ويخرط بالحجي بدا يحجي المحامي مال ذولاك لاف السالفة وذبها براس النسر نفس المرة الاولئ باوعت علئ ومق شلون واكفة عبالك واكفة بمدينة العاب ولا كأنو بمحكمة كمل ذاك حجي جان تصيح اعترض

ومق: سيادة القاضي اعترض كلام المحامي كلة جذب وتضليل للعدالة والادلة الي عندي تثبت هذا الشي انطيتة الادلة وبديت مرافعتي

اولا حضرة المحامي كل انو موكلي اطلق النار عليهم ثنينهم بنفس الوقت زين شلون اطلق عليهم ثنينهم بنفس الوقت بالدقيقة والثانية وهو عندة بس مسدس واحد

ثانيا اثبتت الادلة الجنائية انــو الرصاص انضرب من علئ بعد 15 متر وموكلي كان يبعد عنهم بمسافة مترين فقـــط

ثالثا شنو هدف موكلي انــو يطلق النار علئ اشخاص ھـــوَ كان يقدم الهم الاعانة والمساعدات الانسانية اذا كان يريد يقتلهم من البداية مايقدملهم المساعدة ويقدملهم شغل

سيادة القاضي كلشي واضح واني راح اسردلك الصار بذاك الموقف مع الادلة

كان موكلي رايح لاحد اماكن عملة مع اخو وابن عمة من وصل هناك شاف انــو الحراس الي يحرسون المكان مموجودين حس اكو شي غلط راد يدخل للمكان ابن عمة واخو رادوا يتفقدون المكان توجهوا ورا المستودع بهاي الاثناء دخل موكلي للمستودع شاف المغدورين بالمكان ضل يستفسر منهم بلحظة واحد منهم سحب السلاح

راد يطلق النار علئ موكلي فموكلي سحب السلاح منة صارت بينهم مشادات موكلي بلحظة دفاع عن النفس اطلق النار بس ما صاوب اي من المغدورين لان الرصاصة صارت بالحايط والصور يمك دليل

بنفس الوقت تصاوبوا المغدورين بنفس الدقيقة والثانية ومن نفس البعد وبنفس الرصاصة ثواني والشرطة وصلت المكان والقت القبض علئ موكلي

واكو ادلة توضح انــو اكو شخص اتصل بالشرطة وخبر قبل وقوع الجريمة معناها انــو الجريمة جان مخطط الها بس سيادة القاضي عندي استفسار بهذا الوقت اخو المتهم وابن عمة وين جانوا معقولة كل هذا الوقت علمود يشوفون الحراس وين