النسر المقيد
.•
.•
.•
البارت الرابع عشر
الكاتبة ساره السعدي
لتنسون التصويت والتعليق
احبكم مكموعات كلبي
قراءة ممتعة
♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪♪
اسمعهم يصيحون مات مات خالة بس اريد اوصل للباب افتهم منو مات رجلية بعد ماتساعدني من الهبطة كوة مااعرف شلون مشيت وصلت للباب ماما جانت كاعدة بالكاع وتلطم وتصرخ وتملخ بروحها كوة نطقت منو مات
_ عموو سعد مات
ومق: وكعت بالكاع وصرت اصرخ والطم ويا ماما سميرة معقولة مات لا لا هو كال انتظرج من ترجعين ينطيني عنوان اختي لاااا صراخات احسها للان تتردد بأذني التموا الجيران علينا
ساعدونا ندخل جوا واحنة نلطم ونصرخ شلون مات شوكت مات محد يعرف نريد احد يجي يحاجينة ويكللنا اتخيل هسة يدخل من الباب ويكول شكو شبيكم تلطمون
والله ممصدكة موتة ومااريد اصدك من اصعب لحظات حياتي هو هذا الموقف كل الي اذكرة بعدين اجوي اهل ماما سميرة اخوانها واخواتها وكفوا ويانة بالفاتحة والجيران واني فاصلة عن العالم
شما يصير يبقئ انسان عشت ويا 24 سنة صح تعبت بسببة وافترقت عن اختي بس ماانسئ هو الرباني ساعة ب10 بليل دخلوا تابوتة للبيت
وكعنة علئ التابوت ودك ولطم ملخنة نفسنا بعدين عرفنا سبب موتة حادث سيارة
احس الدنيا صارت ظلمة بعيني ليش مكتوب علية اخسر ناسي ليشش من جنت صغيرة فقدت ماما وبابا وهسة فقدت الانسان الي رباني احس فقدت بابا للمرة الثانية
طول ايـــام الفاتحة مواقفة تنعاد بذهني هنا كعد هنا اكل هنا حجة ويانة احسة موجود ويانة بكل ركن من اركان البيت
ماما تتخربط ويركضون بيها للمستشفئ واني كاعدة وين الناس بس احس ذولة مو ناسي ذولة مو اهلي ارييدددد اهليي اريد نرجع نفس قبل
ارجع من الشغل تتلكاني ماما بالاكل والسوالف ومن يرجع عمو يفتح وياي تحقيق خاف اخد محاجيني لوو مأذيني اخخخخ يا هالدنيا اخخخخ
احس كل ذكرئ من ذكرياتة صارتلي كسرة من كسور گلبي شما أذاني يبقئ انسان قريب علية من طلعوا للدفنة سامحتة علئ كلشي وبرئتة الذمة
توشحنا بالسواد علية خلصت ايـــام الفاتحة وكعدنا انــي وماما وحدنا وحدة مكابلة الثانية
اباوع عليها مو نفسها ماما الي اعرفها عيونها جواهن اسود خدودها ذبلانة ومجرحات ضعفانة والوجه اصفر ودموعها عبالك مطر ينزل
كمت يمها حضنتها ودموعي صارت تجري وياها حضنتها حيل مااريدها تحس بفقدانة بس مابية حيل حتئ الحرف انطقة واخاف احجي وتهيج الجروح والمواجع
YOU ARE READING
النسر المقيد
神秘 / 驚悚ظَل مقيد اسود بسواد قلبه لااسم لا اعتراف لا حياة لا حب لا الم لا ندم لا نقاء ولا صفاء فقط نسر مقيد للكاتبة ساره السعدي (سمسم)
