" منزلي "

انا أمانك..

زي الملاك.. نايمه بحضني زي الملاك
يدينها محاوطه جسمي و راسها على صدري..
شعرها اللي نازل على وجهها و يغطيه.. امسك الخصل و ابعدها عن وجهها..
اتأملها ولا امل !
طفيت الفلم و غطيتها كويس باللحاف..
خفت اشيلها لـ فوق وتصحى خليها هنا بحضني ولو ان الاريكه مو مريحه لي المهم انها مرتاحه و نايمه بحضني..

^^^^^^^^
فتحت عيوني وكنت بحضنه..
شفت الساعه كانت 5 الفجر
مارح احرم نفسي هاللحظه.. لاني عارفه مارح تتكرر
قربت له اكثر شديت يدي على خصره وسندت جسدي بـ حضنه مثل وضعية نوم الجنين و غطيته معاي باللحاف..
رفعت راسي له .. اتأمله كيف نايم بـ براءه
مسكت وجهه وقربت له ..
انفي يلامس رأس انفه
حاولت اقبل شفايفه .. لكن..
ماقدرت
ابي استغل هالفرصه اللي ماتتكرر بس ماقدرت اسويها..
رجعت دفنت راسي بحضنه واتنفس رائحته اللطيفه

^^^^^^^^^^
حسيت فيها حسيت بـ كل شيء سوته الان
تتحرك على جسدي بحضني وانا نومي خفيف صحيت من بدت تتحرك..
حسيت بـ يدها اللي مسكت خدي
حسيت بـ انفها الصغير يلمس رأس انفي و انفاسها الحاره..
و محاولاتها بـ تقبيل شفاهي..

ما استغربت لما بعدت ولا باستني كنت بستغرب لو باستني
اعرفها خجوله و خجلها دايم يوقف حاجز بينها و بيني..
تركتها تسوي اللي تبغاه
دفنت راسها بـ صدري وغطتني .. غطتني معاها

سمعت صوتها تصحيني..
انتي : يلا اصحى الساعه 8
صالح : هممم
انتي : يلا عشان مايخرب نومك

^^^^^^^^^
صحيته و افطرنا و نزلني دوامي
اليوم الشغل اخف من امس الحمدالله! جا بريك الغداء طلعت تغديت و رجعت لـ دوامي
مر الوقت بسرعه والا يتصل جوالي..

صالح : خلصتي؟ يلا انا تحت
انتي : ايه خلاص بلم اغراضي
نزلت له والطريق كان صمت مخيف حاول يتكلم معاي بس ردودي كانت سطحيه جدًا
لا تسألوني ليش بس كنت خايفه من تطور علاقتنا
انا اعرف مشاعري تجاهه بس ما اعرف هو يحبني او لا!
حنا تزوجنا ب شروط..

رجعت البيت وفجأه بدون مقدمات انفجر علي صالح!
صالح : انتي شفيك؟ امس كنا كويسين ايش صار اليوم؟
انتي : ماصار شيء اليوم بس اللي صار امس غلط
صالح : غلط ؟؟
انتي : حنا تزوجنا بسبب حاجه و بشروط معينه ماتزوجنا لاننا نحب بعض هل تشوف طبيعي اني انام بحضنك ؟
صالح : تراك زوجتي..
انتي : زوجتك بالأسم ، حنا مابيننا شيء ولا يمكن يكون بيننا شيء

مسك ذراعي بقوة وعصبيه
صالح : فهميني ليش تهربين مني!
انتي : اتركني عورتني!
صالح : انتي غبيه ؟ مو فاهمه ولا تستغبين مو واضح لك لهذي الدرجة!!! ايش المطلوب مني اكثر من كذا !
انتي : زواجنا تبادل مصالح مثل ماقلت! ، انا ماوافقت اتزوجك الا بشروط و ابرز هالشروط انك ماتلمسني ! احنا مو زي اي زوجين !
انا شهر بالكثير يثبت دوامي و بطلع قرض من البنك باخذ لي بيت وننفصل
صالح : بعد شهر؟ بعد شهر زواجنا
انتي : عادي ننفصل قبل الزواج نقول ما اتفقنا ولا اي عذر