وقفت بحماس مقابله
انتي : يلا قوم !
صالح : وين !
انتي : وريني غرفة ملابسك ، يلا ببدأ من اليوم
صالح : مو اليوم اصبري لبكرا
مسكت يده وقتها لا شعوري وسحبتها
انتي : يلا صالح بلييز ! اليوم بلبسك للنادي
مارد علي كان مصدوم من يدي اللي ماسكه يده واحاول اسحبه
انتبهت بلحظتها شسويت ! ، فكيت يده بسرعه !
انتي : معليش مو قصدي! ، انا دايم اتعامل مع صديقاتي كذا يعني تقريبًا نسيت انك مو صديقتي..
جت لحظات صمت مارد هو ولا انا تكلمت بعد هالتخبيص
استحيت مره! عشان كذا خبصت بالكلام من توتري واحراجي
صالح : ماتبين اوريك غرفة الملابس؟
انتي : الا اكيد
صالح : يله امشي معاي
دخلني غرفته وصار يمشي قدامي
صراحه؟ لقافتي اشتغلت وقتها وصرت اناظر غرفته..
دخل لـ زاوية الغرفه وفتح النور
صالح : شوفي هذ..
التفت علي صار يناظرني وحط يده على فمه ماسك ضحكته
صالح : ايش تبغين تشوفين بغرفتي ؟
لفيت بسرعه عليه
انتي : ولا شيء
صالح : عيونك ماتقول ولا شيء
انتي : الحقيقه ساعاتك لفتتني
صالح : تبين تشوفينها ؟ تعالي اوريك قبل الملابس
انتي : ايي اكيد
سحب كرسي تسريحته وجلس..
كنت واقفه جنبه وانتظره يوريني
صالح : شوفي هذي جتني هدية ، وهذي من ارماني احبها لونها مميز
انتي : ايي هذي الزيتيه مره حلوه !
مدها لي صالح وقال..
صالح : هذي ؟
نزلت راسي لتحت واخذت الساعه من يده
كان شعري نازل على وجهي و جدًا قريب من وجهه
انتي : اقدر اقول انك ذويق من هالساعه بس
ضحك ضحكه صغيره على كلامي..
انتي : خلاص هذي ساعة اليوم! يلا وريني غرفة ملابسك
رحنا لاخر الغرفه و وراني
صالح : يمين التيشيرتات الجاكيتات السديريات الهوديز القمصان اي قطعة تنلبس فوق تلقينها يمين ويسار عكس الجينزات والسراويل الشورتات وغيره و قدام الثياب
انتي : الزوايا؟
صالح : اي الزاويه اللي على اليسار فيها الشوزات وفوقها الشرابات اسحبي عليهم
واليمين فيه احزمه والشنط بس انا ما اغير شنطتي ابد مو مهم يعني
دخلت وانا اتفرج بـ إنبهااار
انتي : ماشاءالله كثيره ملابسك !
صرت اقلب بالدواليب واختار قطع واحطها على السرير
كان قاعد على كرسي التسريحه يطقطق بجواله وينتظرني
رفعت بوجهه قميصين
انتي : ايش مودك اليوم ؟ بيج ولا اخضر ؟
صالح : الاخضر قماشه مو حلو خلينا على البيج
صرت اناظر البيج
انتي : صالح متأكد؟ احس البيج خفيف واليوم الجو بارد
صالح : اوكيه وريني غيره
رجعت لغرفة الملابس وقعدت احووس واذا عجبني شي حطيته على السرير
انتي : طيب اسمعني هودي وبانتس؟ ولا قميص وفوقه جاكيت؟
صالح : براحتك ابد انتي مو مُصره تلبسيني؟ خلاص يلا وريني ابداعك
