I Once Became A Part Of That Section

04

"Tagal mo namang magsagot ng module mo, Kate, ikaw na lang kaya ang hinihintay namin." Nilingon ni Irish si Katelyn. Nasa kama kaming tatlo ni Irish at Xyrille habang si Katelyn naman ay nakaupo sa lapag at ginawang mesa ang kama ko, ewan ko ba rito at ayaw sa study table ko gumawa.

"'Yan, sabi ko sa 'yo sa study table ka na lang gumawa, tigas ng ulo mo." Inirapan ko siya nang bumangon siya mula sa pagkakahiga.

"Do you think makakagawa ako diyan?" Tinuro niya ang study table ko. "Eh, na-occupy na ng mga libro mo 'yung space, ayokong masikip 'yung space kaya nag-aaral ako, girl." Sagot niya.

"Eh, 'di ibababa 'yung libro, duh." Sagot ni Xyrille.

"Baka raw kasi matagusan niya 'yung foam sa upuan mo, Yana!" Tawa ni Irish.

"Wtf?!" Sigaw ni Katelyn, kaya napatawa kaming tatlo.

Pinagpahinga muna namin si Katelyn, bago kami umalis ng bahay. Nagpaalam na rin ako kay mommy na sa farm muna kami nila Katelyn. Nag-plano kasi kami kahapon na manood ng sunset and since hindi siya natuloy kahapon dahil tulog sila Irish at Xyrille ngayon namin itutuloy ang panonood ng sunset.

5:00 P.M

"Bilisan mo magpalit ng napkin, Kate. Anong oras na!" Kinatok ni Xyrille si Katelyn sa banyo rito sa kwarto niya.

"Manahimik ka!" Sigaw ni Katelyn. Her voice was muffled because she was inside the bathroom.

Nang lumabas si Katelyn sa banyo ay agad niya kaming tiningnan ng masama. "Masyado niyo na akong inaapi, ha. Isusumbong ko kayo kay kuya!"

"Wala ka naman kuya! Wala ka ngang kapatid, eh!" I hissed.

"Hindi ko naman sinabing kapatid, Isusumbong ko kayo kay kuyang crushicakes ko." Sagot niya.

"Harot mo!" Sagot ni Irish. Pabiro siyang inirapan ni Katelyn habang kami namang tatlo ay napatawa dahil sa irap niya.

Nagpaalam na kami sa parents ni Katelyn na sa farm muna nila kami sa likod ng bahay nila. Maaga raw na umuwi ang daddy ni Kate na Engineer dahil tapos na raw ang ginagawa nilang bahay kung saan mang lugar 'yon kaya nandito sila.

"Pagod na ako!"

"Napakaarte mo, Irish! Nakakailang hakbang ka palang mula sa loob ng bahay nila kate, 'wag kami!" Sagot ni Xyrille.

"I-piggy back mo na kasi ako, Yana!" Tinawag ako ni Irish.

"'Wag ako, Irish. Tigilan mo 'ko sa katamaran mo." Sagot ko.

5:35 P.M

"We're here!" Saad ni kate.

Agad na sumalubong sa amin ang malamig na hangin mula sa farm nila. Nakalimutan ko na namang magdala ng hair tie kaya nililipad din pati ang buhok ko. Medyo naiirita tuloy ako.

"Yana, oh," Tinawag ako ni Irish. Nang nilingon ko siya sa likuran ko ay may hair tie siyang hawak at inaabot iyon sa akin.

Napangiti ako bago naglakad palapit sa kaniya para kunin ang black na hair tie. "Thank you, mwa!"

Napangiwi siya, "Yuck!"

"Guys, upo na kayo rito!" Tinawag kami ni Xyrille. Tapos na kasi nilang ilatag 'yung dinala ni Katelyn na kumot para uupuan namin rito.