غموض الشُجاع

مُقتطف لطيف 💕

شلونهم الأميـرات؟
أدري بيكم مُشتاقيـن لفصعون وشُجاعها
واليوم جبتلكم بارت من ألطف البارتات ..

بارت شريف عفيف
خفيف ؏ المعدة 🙈💕

.....

ريڤـال ...

تقدمت وردة وبيدها بنتي ألي أجت من بعد تعب
متت تعب بهالولادة وشگد توجعت وتأذيت وصبر وتعب تسع أشهر أختفى كُلو بمجرد ما لمست أيدها الناعمة ..

خلتها على صدري وأنا أدحگ بيها ومبتسمة
نسيت التعب ونسيت الوجع بَـس عيني ببنتي وأفكر شنو راح تكون ردة فعلو من يشوفها ويضمها؟

تغرغرت عيوني بالدموع والأبتسامة على شفايفي
من تخيلت كيف راح يضمها ويشمها ، وشنو راح يحس وقت إلي يلمسها لأول مرة ..

شعور كُلش حلو أنُ أول مولود لنا تكون بنت
راح تكون المدلله عند الكُل وخاصة أبوها ..

ضميتها وأنا أشم بيها مبتسمة
أخذتها وردة وگالت :- الطبيبة گالت نخليها بالخدج فرد ساعتين زمان ...

ريڤـال : شبيها بنتي؟ خوما بيها شي وتضمون عليَّ؟

وردة : ما بيها أي شيء لكن عندها حساسية بصدرها ويخافون عليها بعدها صغيرة.

أخذتها وطلعت وأنا ما مرتاحة لهل شي الي صار وصار قلبي يلعب وميتة خوف رغم شفتها مابيها شي وفاتحة عيونها وحتى صوتها من ولدت كان يجي من تصرخ ..

بقيت أفكر شبيها بنتي وابعد كل الأفكار الموزينة من راسي
وكلوني واعتنوا بيه وبعد تقريبًا ساعة ونص أنفتح الباب ودخلت وردة ووراها شُجاع مُجرد ما شفتو إبتسمت له ..

تقرب يمي وهوَ مبتسم وعيونو تلمع
حضن أيدي بين أيدو ودنگ باس راسي :- ألحَمدُلله ؏ السلامة ياروحي .

ريڤـال : الله يسلمك.

طلعوا الباقيين وهوَ سحب الكُرسي وگعد يمي
ولا زالت أيدو حاضنة أيدي بقوة ، بعد ما طلعوا رفع أيدي وباسها وهوَ مغمض :- تدرين شنو؟

ريڤـال : شنو؟

شُجاع : شعور غريب ، كُلش غريب من شخص ما عاش طفولته وبعد سنين يكون مسؤل عن طفولة إنسان بأكمله .

ريڤـال : غاح تعوض طفولتك معاها.

رفع راسو ويدحگ بكُل الغرفة بس ما يدحگ بيه
بقى لعدة دقائق هالشكل بعدها دار راسو وصارت عيونو بعيوني :- أساسًا أنا عشت طفولتي وياچ ، ضحكت وياچ ، لعبت وياچ ، تكاتلنا مع بعض ، مرينا بعدة مُغامرات مو حياة عادية ونحنَ مع بعض تتصورين هالشيء قليل ؟.

رفعت أيدي الثانية وخليتها على خدو :- حبيبي مو گلنا نعيش اليوم بيومو؟ حتى نتجنب الأشياء السيئة ؟ إذا حزنا نحزن مع بعض وإذا فرحنا نفرح مع بعض ، ولو شنو ما كان الي راح يصير معانا راح نتقاسمو.