" بِسمِ الله ألرحمٰن ألرَحيم ''
• #غموض_الشُجاع
• بِــ قلم :- فطم الطائي.
• ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.
...
أكبر حريق داخل الانسان ينشب مع شراره ما تركه ناقصاً فهمت هذا وأن كنت متاخراً لو أستطيع الرجوع إلى الماضي كي لا أدع تلك النار تدخل قلبي ولكن لن يعود الماضي كالاغاني القديمه
...
مشيت بـ ألشارع وناس جايه ورايحه عبرت هواي وماحاس بنفسي ولا حاسس بـ أي شي مستسلم لأفكاري ألي تتضارب بـ عقلي ، ألا وگفني صوت همس بـ أسم " روح ألشُجاع " ...
التفتت بسرعه مثل المجنون ماكو أحد لزمت راسي أبين أيديه وأفتر وأباوع للشارع بـ هستيريه :- لا هيَ هم ، ما أريد بعد أحد يروح ما أريد ، يا ألله أرحمني ، عينّي للتحمل ، قويني وصبرني على هاي ألحياة بعد ما أطيقها .
عدلت نفسي دايخ ، حيل دايخ إذا صار ألها شي بسببي أموت أنه أموت ما أبقى ، كُلهم يروحون بسببي ما أريدها هيَ هم تروح ، ما أريدها تدخُل حياتي بَس مجبور مجبور أدخلها لـ غَياهِبي .
غمضت عيوني عاصرهن طلعت للسياره صعدت خليت راسي على ألگشن ، من يوم ولادتي لـ هذا ألشي طعم ألراحه ماشفت ، كُل شي أحبه ألگاه يروح بطلت ، بطلت أحب شي ، واحد أُمنيته يلزم شي يبقاله للأبد ..! ماكو أصدِقائي جاي يروحون واحد ورا ألثاني ، أيامي جاي تروح ، حتى روحي جاي تروح على البطيء .
كُله بسبب شخص ..! شخص واحد ..!
هدم حياتي وعيشني بـ رُعب من چنت طفل ولحد هذا أليوم ألخوف ملاحگني بـ سببه ... أنه بنفسي ما أعرف شنو يريد مني بـ ألضبط ..!
شخص مريض نفسي ، أختياره للأدوات ألتعذيبيه فَضيعه .. أختياره لـ ألأشياء ألي تعذب ألعقل فضيعه ..!
أختار أگرب شي لـ گلبي ، يحاربني بي ... مو لأجل شي لا لأجل يفقدني عقلي ..!
سامعين بـ ألشيطان ألي يأذيك وما تشوفه ..!!!
جَلال نَفسه يأذي ألشخص بِدون لا يلمسه أو يظهر گدامه .. جَلال سلب روحي من جسمي ، سلب گلبي وهدمه ، جَلال ينتظر ياخذ عقلي ويجنني حتى يرتاح ...!
ذكي بَس غَبي ببعض ألأحيان ، رُغم كُل شي جاي يسوي ألا أنه عندي أشياء هواي توگعه بيدي بـ سهوله ...
ألشُجاع شُجاع ، وألغَبي غَبي ، أنه ما غَبي لـ درجة أستمع لـ كُل شي يگوله جَلال وأصدگه ، أنه ضام أسرار هواي ، ومُستحيل جَلال يوصل ألهن ... بَس بعد بيده أشياء خاصه بـ ألشُجاع ، وخاصة ألشُجاع لازم ترجعله ....
شغلت ألسياره وطلعت من المكان ، جزء مني مرتاح وجزء لا ، تعبان بَس بـ نفس ألوقت حيل قوي ... راح أواجه ألحياة مادام وصلني طرف خيط بـ معنى حياتي بيها بعد أسرار لازم تنكشف أليه خاصه ....
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
