" بِسمِ الله ألرحمٰن ألرَحيم ''
#غموض_الشُجاع
بِــ قلم :- فطم الطائي.
ورداتي التصويت ☆ والتعليق بين الفقرات لتنسونه✔︎ + متابعه لـ حسابي الجميل ♡︎.
_________
• ينشدني هاذه وذاك عن عُمري شكد
• عمر وگضيته بضيم مايسوه ينعد
__________
التفتت وتنفست بـ أرتِياح لِأن ما صَوب عدل رجعت باوعت لـ عواد گال الأمير :- صح مـا صوبت بــ الهَدف بَــس ينرادلك شويه ترتيب وتجيبه.
عَـــواد :- الحياة تجارب مولاي نجرب دائِماً ونخاطر حتى نتقن شغلتنا.
خزرناه كُلنا وهو لا زال يحجي والله راح يچفص چفصه يروحنا كُلنا ...
:- هذا خلو ويايه والباقي خلوهم بــ التدريب
أشر ؏ عَـــواد گاله :- أنــتَ تعال ويايه
باوعلنا عَـــواد يضحك ويغمز راحو هما ونحنَ بقينا أسبوع بــ التدريب ... تدريب اليومي مالتنه هما يسوونه هسه ؏ اساس صعب وما ينحمل ونحنَ مسوين روحنا هلكانين وتعبانين ومابينه لو نصوب غلط ...
طلعنا مــن مقر التدريب حولونا ؏ المكان الي ينطون الوظائف ، اكو يخلونه بــ الجبهه ، المحكمه ، حُراس ، ؏ القناص والخ ....
دخلنا بــ المكان اكو كومه مثلنا وجوهم يطرد النعمه ... چان عُــمر موجود هناك وهوَ يسلم الوظائِف وصلنا خلانه أنَـه ولُبَيــد وجِهاد بــ المحكمه والباقي وزعهم ؏ غير اماكن ...
صارت المحكمه وظيفتنا وتعبها قليل مُجرد حِراسه بَــس لُبَيــد أعلى صار وي الأُمراء الي بــ المحكمه وعُمر مكانه بعيد منه ...
دنيا ليل وصوت رمي بعيد يجي :- ابو مُقاتل شنو رأيك نحميها ..
خليت الجگاره بــ حلگي :- سويها مثل جَمرة الجگاره.
:- والله راح يطيحون حضنا مــن جگارتك ماتبطل أنــتَ.
- " بَــس دخــان الجـگاره الـوحيد ألـ مـا عــاف ريـتي "
مـا رَد مشينا شويه وصار يجي صوت حذرته يوگف قدمت أذني ؏ الحايط حتى أسمع چانو يسولفون أثنين مــن عدهم :- اي گال نوگعها بَــس تجي ...
:- هاي المُرتدين والروافض ماناوين يعوفونا بــ حالنه ..
::- لا تخاف راح ننتصر عليهم الله معانا ، نحنُ مُجاهدين في سبيل الله وخليفة المُسلمين " أبا بكر "
ضحكت أشرت لـ جِهاد خليت أيدي طلعت " السچينه " :- هسه أعلمكم الروافض منو قندرچيه "
باوعت مره الخ تأكدت هما بَــس أثنين مشينا طبيعي سلمنا عليهم ووگفنا يمهم :- ها شكو اليوم؟
أنت تقرأ
غموض الشُجاع
Mystery / Thrillerكل شخص في هذا الكون يٌخبِئ شَخصيتَـهُ الضَعيفة ، المُتألِمة.! و يظهر شخصيتَـهُ القوية.! شًخصيتَـهُ التي تُرعب الآخرين .. طَبع الشيطان .. ليس قابل للإصلاح او المُساعده .. سَـ يُكمِل مَسيرتُهُ في الظلام لا يأمل في قدوم النور ! لقد أعتاد جسدُهُ و روح...
