အကယ်၍ ယွမ်ရှင်းကျဲ၏ဓားက ရှေ့ဆက်တိုးသွားပါက ကြယ်တာရာတစ်ခွင်တွင် သူနှင့်ကိုက်ညီမှုအရှိဆုံး ဖယ်ရိုမုန်းက တည်ရှိတော့မည်မဟုတ်ပေ။
" ရှင်းကျဲ... ငါ... ငါ မှားပါတယ်... မင်းကို စေ့စပ်ဖို့ တွန်းအားမပေးလိုက်သင့်ဘူး..."
ချီယုက စိုးရိမ်တကြီးနှင့် ကျယ်လောင်စွာအော်ပြောလိုက်ပြီး သူ့အသံက တုန်ယင်နေသည်။
" မိုက်မဲတဲ့လုပ်ရပ်တွေ မလုပ်ပါနဲ့... မင်း... မင်းရဲ့ဂလင်း ပျက်စီးသွားမယ်ဆိုရင်..."
" ပျက်စီးသွားရင် မင်းနဲ့ ဖယ်ရိုမုန်းကိုက်ညီမှုဒီဂရီ အမြင့်ဆုံးဖြစ်တဲ့ အိုမီဂါကို ဆုံးရှုံးလိုက်ရမှာပေါ့..."
ယွမ်ရှင်းကျဲက ပြုံးရုံသာပြုံးပြီး ဖြည်းညင်းစွာပြောလိုက်သည်။
" ဒါဆိုရင် မင်းတို့ ချီမိသားစုရဲ့ ' မျိုးဆက်ကောင်း ' လေးတွေပါ ပျက်စီးသွားမှာပေါ့ ... နှမြောစရာကြီး ဟုတ်တယ်မလား..."
ချီယင်နှင့် ယွီဝမ်တို့ ယွမ်ရှင်းကျဲ၏ စကားကိုကြားသည့်အခါ သူတို့မျက်လုံးများထဲတွင် ထိတ်လန့်ကြောက်ရွံ့မှုများဖြင့် ပြည့်သွားသည်။
" ယွမ်ရှင်းကျဲ မကျေနပ်တာ တစ်ခုခုရှိတယ်ဆိုရင် ဆွေးနွေးလို့ရတယ်လေ..."
ချီယင်က သူ၏ စစ်မြေပြင်မှ ဆွေးနွေးညှိနှိုင်းမှုများကို လုပ်ဆောင်နေသကဲ့သို့ပုံစံဖြင့် ယွမ်ရှင်းကျဲကို လေးနက်တည်ကြည်စွာကြည့်နေသည်။
" ငါတို့ ချီမိသားစုဆီကနေ ဘာလိုချင်တာလဲ... ဘာပဲဖြစ်ဖြစ် မင်းလိုချင်တာကို ဖြည့်ဆည်းပေးမယ် ဂလင်းကိုတော့ မဖြတ်ထုတ်ပစ်ပါနဲ့..."
ယွမ်ရှင်းကျဲက သူ့ကိုယ်သူ ဓားစာခံအဖြစ်ခံသည်အထိ ခေါင်းမာသော အကျင့်စရိုက်ရှိလိမ့်မည်ဟု ယွီဝမ် မမျှော်လင့်ထားခဲ့ပေ။
အကယ်၍ ဂလင်းပျက်စီးသွားပါက ချီမိသားစုအတွက် ဆုံးရှုံးမှုကြီး ဖြစ်သွားနိုင်သည်။
သို့ဖြစ်၍ ယွီဝမ်က စည်းရုံးလိုက်သည်။
" ရှင်းကျဲ ချီမိသားစုက အမှားလုပ်ခဲ့မိပေမယ့် မင်းကို ထိခိုက်သွားဖို့ မရည်ရွယ်ပါဘူး... ငါတို့ မိသားစုနှစ်စုလုံးက မင်းပျော်ရွှင်ဖို့ပဲ မျှော်လင့်တာပါ ဓားအောက်ချလိုက်နော်..."
YOU ARE READING
အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)
FantasyDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...
