“စိန့်ကလီတိုက တစ်ဦးခြင်းပြိုင်ပွဲကို အရမ်းအလေးထားတယ်...အရင်နှစ်တုန်းက သူတို့ဘက်ကလွန်လို့ပြစ်ဒဏ်သတ်မှတ်ရတယ် ဆိုတာမျိုးမရှိပေမယ့် သူတို့ကြောင့်ပြိုင်ပွဲစည်းမျဥ်း အတော်များများကိုပြောင်းလိုက်ရတာ...အခုနှစ်တွေတော့ တိုက်ခိုက်တဲ့နေရာမှာ ထိန်းထိန်းသိမ်းသိမ်းရှိလာပေမယ့် ပြိုင်ပွဲမှာညစ်တတ်တုန်းပဲ...”
ရစ်ချက်ကပြောရင်း စိန့်ကလီတိုနှင့်ယွမ်ရှန်းတိုက်
ခိုက်သည့် ဗီဒီယိုတစ်ခုကိုဖွင့်ပြသည်။
ဗီဒီယိုတွင် စိန့်ကလီတိုမှအဖွဲ့ဝင်နှစ်ဦးသည် ယွမ်ရှန်းအဖွဲ့ဝင်အား ဝန်းရံထားသော်လည်း အမြန်ဖယ်ရှားခြင်းမပြုခဲ့ပေ။
အဆိုပါအဖွဲ့ဝင်နှစ်ဦးက ပြိုင်ဘက်ကစားသမားကို မီးခိုးဗုံးများနှင့်တိုက်ခိုက်လိုက်သည်။ ထို့နောက် တတိယအဖွဲ့ဝင်က ကစားသမား၏မျက်နှာကို အလင်းကြာပွတ်ဖြင့် ရိုက်ချလိုက်လေသည်။
စည်းမျဥ်းများချိုးဖောက်ခြင်းမရှိသော်လည်း ကြည့်ရှုရသည်မှာ မသက်သာလှပေ။
ယွမ်ရှန်းမှ အခြားအသင်းဖော်နှစ်ဦးက ကူညီရန်လာချိန်တွင် စိန့်ကလီတိုမှလူများက အဆိုပါကစားသမား၏ မက်ခါအားအဆစ်များလှုပ်၍မရအောင်ရိုက်ချိုးလိုက်ပြီး ယွမ်ရှန်းမှမက်ခါများထံ ပစ်ချလိုက်သည်။
ယွမ်ရှန်းမှမက်ခါများက သူတို့ထံပစ်ဝင်လာသောမက်ခါအား ဖမ်းနိုင်ခြင်းမရှိခဲ့ပဲ သုံးဦးစလုံးလဲကျကုန်ကာ ထို့နောက် စိန့်ကလီတိုမှမက်ခါများ၏ ဝန်းရံခြင်းခံလိုက်ရတော့သည်။
အားလုံးက သူတို့၏အပြုအမူမှာ အလွန်အမင်းဖြစ်လွန်းသည်ဟု ခံစားလိုက်ရသည်။
သို့ရာတွင် တစ်ဦးချင်းပြိုင်ပွဲကိုကြည့်ရချိန်၌မူ သူတို့ပို၍အံ့သြတုန်လှုပ်သွားကြ၏။
ပိုင်ကျားရှီဟူသည့် မက်ခါမောင်းနှင်သူက Sအဆင့်ကြယ်တံခွန်မက်ခါကို မောင်းနှင်သည်။ သူက တစ်ဦးခြင်းပြိုင်ရာ၌ ကင်းမြှီးကောက်လိုအကျင့်စရိုက်မျိုးရှိပြီး သူ၏တိုက်ကွက်များမှာ ရက်စက်ပြင်းထန်လှသည်။
STAI LEGGENDO
အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)
FantasyDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...
