ရစ်ချက် ပုံရိပ်ယောင်မျက်နှာပြင်အား ဖွင့်လိုက်ပြီး စားပွဲပတ်ပတ်လည်တွင် ရှိနေကြသော လူတိုင်းမြင်နိုင်ရန်အတွက် လက်စွပ်တစ်ကွင်းအသွင်သို့ ဖြေချလိုက်သည်။
" အဲ့ဒီတော့ ငါဒီနေ့ပွဲကို ပြန်ပြီးမှတ်ချက်ပေးမယ် ပြီးရင် နောက်လာမဲ့ စိန့်ကလီတိုအတွက် ဘယ်လိုရင်ဆိုင်ကြမလဲဆိုတာ ဆွေးနွေးကြတာပေ့ါ…" ရစ်ချက်ပြောလိုက်လေသည်။
အသီးအားစားနေစဉ် ယွမ်ရှင်းကျဲ၏မျက်နှာပေါ်တွင် အံ့ဩနေသော အမူအယာဖြစ်ပေါ်လာသည်။ ထမင်းစားစားပွဲပေါ်တွင် ပြန်ပြသည်ဆိုသည်မှာ အလွန်သာမာန်ဆန်မနေဘူးလား…
ကာလက် သူ၏မျက်လုံးများကို လှန်လိုက်ပြီး " လူတွေကို အရင်မစားခိုင်းတော့ဘူးလား…"
" ပထမအနေနဲ့ ကာလက်…" ရစ်ချက်ပြောလိုက်သည် " မင်းကိုယ်မင်းပြန်ကြည့်ဦး… ပွဲထဲမှာ မင်းအမှားဘယ်လောက်တောင် လုပ်ခဲ့တာလဲ…"
" … "
မလိုလားသည့်ပုံစံဖြင့် ကာလက်နှုတ်ခမ်းဆူလိုက်မိသည်။ ရစ်ချက်၏စကားများအား ကြားလိုက်ရချိန်တွင် သူ့လက်ထဲ၌ကိုင်ထားသည့် ပင်လယ်စာမှာ အနံ့အရသာမရှိတော့သည့်ပုံပင် ဖြစ်သွားရသည်။
ရစ်ချက် လူတိုင်း၏ ချို့ယွင်းချက်များအား ဂရုတစိုက်သုံးသပ်ကာ ခွဲခြမ်းစိတ်ဖြာလိုက်သည်။ လူတိုင်းနီးပါး အနည်းဆုံးတစ်ကြိမ်မျှ အပြောခံရကာ အများဆုံးအဆူခံရသည့်သူမှာမူ ချီယုပင်ဖြစ်သည်။
" ချီယု မင်းကိုယ်မင်း အရမ်းကောင်းနေပြီလို့ထင်နေတာလား… မင်းကစုစုပေါင်းဆယ်မိနစ်လောက် အသက်ရှင်နိုင်ခဲ့ပေမယ့် အဲ့ဆယ်မိနစ်လုံးက အာရုံလွင့်နေခဲ့တာလေ.. ငါကာလက်ရဲ့မက်ခါကိုကောက်ယူပြီးတောင် မင်းကိုဖျက်သိမ်းလိုက်ချင်တယ်… မင်း ယွမ်ရှင်းကျဲရဲ့ စက်ရုပ်သားရဲကိုမြင်တယ်မလား … အဲ့ဒါကို မင်းရဲ့ဆရာအနေနဲ့ ကိုးကွယ်လိုက်ဖို့ ငါမင်းကို အကြံပေးချင်တယ်…"
အတွဲလိုက်ဆူပူမှုကြီး၏ အဆုံးတွင် ချီယုမှာ အိုးတစ်လုံး၏အမည်းရောင် အောက်ခြေကဲ့သို့ပင် ရောက်သည်အထိ အဆူခံလိုက်ရသည်
YOU ARE READING
အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)
FantasyDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...
