လော့ဝမ်ချွမ်းက အေးစက်စက်လေသံဖြင့် ပြန်ဖြေလိုက်သည်။
" ငါ မင်းရဲ့ မေးခွန်းကို ဖြေပြီးသွားပြီလေ ..."
ခယ့်လိုင်က လော့ဝမ်ချွမ်း၏ဘေးသို့ ရောက်လာပြီး လေးလေးနက်နက်ပြောလိုက်သည်။
" အရင်တစ်ခေါက်က ယွမ်ရှင်းကျဲ မင်းရဲ့မက်ခါတံတောင်ဆစ်ကို ပြင်ပေးခဲ့တာ တိုက်ဆိုင်မှုဆိုပေမယ့် ဒီတစ်ခါ သူ့ရဲ့စွမ်းရည်ကို တွေ့လိုက်ပြီပဲ ... အဲ့ဒီ ပါရမီရှင်တွေကို ဖယ်လိုက်မယ်ဆို သူက ငါတွေ့ဖူးတဲ့အထဲမှာ အသန်မာဆုံးပဲ ..."
လော့ဝမ်ချွမ်း ဘာမှမပြောပေ။
ခယ့်လိုင်က သူ့စကားဆုံးသွားသော်လည်း လော့ဝမ်ချွမ်းက ဘာမှမပြောသဖြင့် ဆက်ပြောလိုက်သည်။
" ပြီးတော့ မင်းရဲ့မက်ခါ တံတောင်ဆစ်ကို တခြားမက်ခါဆရာတွေကို အရင်ကပြဖူးတယ် ... ယွမ်ရှင်းကျဲကလွဲရင် အကုန်လုံးက အဆင်ပြေတယ် ပြောကြတာပဲလေ ...အဲ့ဒါကိုက သူ့ရဲ့စွမ်းရည်ကို ပြနေတာပဲ ..."
လော့ဝမ်ချွမ်းက ခယ့်လိုင်ကို ခဏစိုက်ကြည့်နေပြီးနောက် ဖြည်းညှင်းစွာမေးလိုက်သည်။
" နိုင်ငံတကာ ချန်ပီယံပြိုင်ပွဲက ပြိုင်ပွဲတစ်ခုကို မင်းမေ့သွားတာလား ..."
ခယ့်လိုင် အံ့အားသင့်သွားသည်။
လော့ဝမ်ချွမ်းက ဤကိစ္စကို ဆက်မပြောချင်တော့သကဲ့သို့ လှည့်ထွက်သွားသည်။
ခယ့်လိုင် ခဏတာမှင်သက်သွားပြီးသည့်နောက် အသံတိုးတိုးဖြင့် လော့ဝမ်ချွမ်းကို ပြောလိုက်သည်။
" ငါ သေချာပေါက် မမေ့ပါဘူး ... ယွမ်ရှင်းကျဲက အိုမီဂါဖြစ်နေလို့ မင်း စိတ်ပူနေတာမလား ..."
ခယ့်လိုင်ခဏရပ်သွားပြီးနောက် သူ့အသံက မကြားရလောက်သည်အထိ တိုးညှင်းသွားသည်။
" မင်းက အိုမီဂါတွေရဲ့ ဖယ်ရိုမုန်းနဲ့ ဓာတ်မတည့်တာလည်း ငါသိတယ် ..."ထိုစကားများ ပြောပြီးသည့်နောက် လေထုက ခဏတာ သိပ်သည်းသွားသကဲ့သို့ ခံစားလိုက်ရသည်။
လော့ဝမ်ချွမ်း၏ အမူအယာက အလွန်မပြောင်းလဲသွားသည့်အပြင် ရှေ့သို့ဆက်လျှောက်နေသည်။
YOU ARE READING
အိုမီဂါအဖြစ် ကူးပြောင်းပြီးနောက် ပွဲဆူသွားရပြီ ( BL ) (Completed)
FantasyDescription မရေးတော့ဘူနော်။ရေးရင် တင်မရတော့လို့။ IQ team ထံမှ တစ်ဆင့်ပြန်တင်ပြီးဖော်ပြဖို့ ခွင့်ပြုချက်ရပြီးသားပါရှင့်။ဒီစာစဥ်လေးက IQ team အပိုင်ဖြစ်ပြီး ဘာသာပြန်သူတွေကလည်း IQ team က မင်မင်တွေပဲဖြစ်ပါကြောင်း နဲ့ ဒီစာစဥ်ကို အဇူး မပိုင်ပါဘူးဆိုတဲ့အကြေ...