مطلقة

البارت التاسع عشر

# مطلقة

♕ البارت التاسع عشر

*ياما تعبت اوياك والتعب ضايع *

*تنسى الملح والزاد والشوگي بايع*

*لتفكر اني انساك وابتعد عنك *

*گلبي اويا گلبك صار والدگة منك*

****************************

باهر: احبج واموت عليج

راوية بصدمة: شنو شگلت 

جنان: شكو شبيكم شتسوون ليش واگفين بالطريق

راوبة ابرود: لاخالة ماكو شي بس باهر

رادني احجي ويا زينب علمود موضوع صديقة

جنان بعدم فهم: ليش شكو شبيه صديقة

قصدي شبيه حسام صايرلة شي

راوية: لاخالة عاجبتة صديقتي زينب ويريد

يخطبهة فحجة ويا باهر حتة اني احجي

وياهة وامهد لموضوع الهة

جنان: زينب مو هاية البنية اللي اجتي

بعرسج انتي وباهر

راوية: اي هية نغسهة

جنان لباهر: اي ع خير عليه الله يتمملة

ع خير ان شاءلله الله خوش ولد يستاهل

اما باهر بعالم ثاني يباوع ع راوية ويشوف

ردة فعلهة من اعترف الهة بحبة شلون تحاول

اتغير الموضوع وتباوع عليه ابرود ولاعبالك قبل

شوية اعترف بمشاعرة الهة وحس ان هية

تتهرب من يمة ورافضة الموضوع وفعلا

احساس باهر صحيح لان راوية من

اعترفلهة رغم مشاعرهة وحبهة الة بس

خافت من هاي العلاقة مارادت تظلمة

وياهة فإضطرت تتعامل بطريقة عادية

جنهة ماسمعت اي شي من باهر حتة

ماتنجرح بالحب مرة ثانية وبنفس الوقت

ماتظلمة وياهة لان كل اعتقادهة

هية مو مناسبة الة وهو يستاهل احسن

من يمهة ليش تظلمة وياهة ماتدري هو

مايشوف اي وحدة غيرهة حتة رنا چان

مايحبهة بس راد ينسة راوية بيهة ماتدري

هية حبة الاول والاخير من اول ماوعى

وحبهة اول ماشافهة وانعجب بيهة

واتمنى يجي اليوم اللي تصير الة وفعلا

اجة اليوم اللي صارت بيه زوجتة بس بالاجبار

وبأعتقادة هية ماتريدة وانجبرت تتزوجة