مطلقة

البارت الخامس

# مطلقة

♕البارت الخامس

*حكم الله ينزل كون وية اليخونون *

*حتى الها حوبة تصير من تعمه لعيون*

(راوية) طلعت المسواك الي جبتة وياية بطريقي واريد

اطبخ قبل لايجي اياد من الدوام  واسمع صوت جاي

من الغرفة يمة هذا منو شنو هذا الصوت شوية

شوية بدت الاصوات تعلى واني گلبي وگع برجليه من

الخوف كمشت الچفچير عسى ولعلا ادافع بيه ع روحي

اذا حرامي هجم علية ضليت على كيفي شوية شوية

اتسحب  لناحية الغرفة واني خايفة وجسمي يرجف من

الخوف

لحد ماوصلت للغرفة وگمت اتشاهد بگلبي حتة خاف اذا

حرامي ويڪتلني ع الاقل ناطفة الشهادة سميت

ودخلت للغرفة واني مستعدة لاي مواجهة لحد ماشفت

المنظر اللي خلة جسمي كلة يگزبر ورجليه ماضلن

يحملني وگع من يمي الچفچير اللي چان بأيدي وگعدت

بالگاع من الصدمة واني اشوف اياد ويه وحدة بالغرفة

بوضع اتمنيت وكتهة لو تنشگ الگاع وتبلعني ولاشايفة

هذا المنظر اللي كسر گلبي بحيث اتمنيتة لو فعلا  چان

حرامي وڪاتلني ولاشايفة هذا المنظر اياد نايم وية

وحدة واثنينهم مصلخي*ن ضليت اغمض اشوف روحي

بلكي حلم همة بهاي الاثناء انتبهو علية واني بنص

الغرفة وبالگاع صارت عيوني بعيون اياد وهوة باوعلي

بكل صلافة واللي يمة تتمضحك ولاعبالك مسوين شي

ابيتي وبغرفتي وصلت بيه الوقاحة ايسوي المحرمات

وهاي الاشياء الوسخة بغرفتنة اللي دائما جنت انظفهة

واطهرهة واعتني بيهة دنسوهة بقذارتهم.

برده فعل لا ارادية مااعرف منين اجتني كل هاي القوة

والشراسة الي خلتني أرجع اكمش الچفجير بأيدي

وضليت اضرب بأياد بكل قوتي وهوة يحاول يدافع عن

نفسه لحد ماشفت اكو مزهرية خالتهة ع ميز اللي يم

الچرباية شلتهة وبكل قوتي رگعتهة براسه لحد ماضل

الدم يجري من راسه مادري منين اجتني كل هاي القوة

اني اللي جنت احترمه واخاف عليه وماارفع صوتي يم

حضرتة لگيت روحي اضر*ب بيهم وبعدين رحت عليهة