مطلقة

البارت الرابع

#مطلقة 

#البارت الرابع

طگني الزمان ارداف

طگة ع طگة

يطلبني چنة ايريد

يستوفي حگة

**************
(راوية) گعدت الصبح متاخر لگيت اياد رايح لدوامه

يجوز هوة هم گعد متاخر لان ماكعدني حتة اسويلة

ريوگ

لان كل مرة يگعدني حتى نتريگ سوة بعدين اذكرت امي

لحد الان ماماخذة علاجهة يا عزا العزاني مامة لحد الان

ماانطيتهة علاجهة لازم انطيه الهة ابموعده كلة من

وراك اياد ومن ورة سوالفك البارحة كوة نمت من وراك

الله يهديك

غسلت وجهي ورحت لامي ع السريع حتة اطمئن عليهة

دگيت الباب  فتحتلي امي

(راوية) هلو يمة شلونج

(ام راوية) هلة بأبنيتي الحمدلله اني الف الحمد والشكر

الحمد الله بخير تعالي حبيبتي دخلي جوة شنو اليوم

كاعدة متاخر الظاهر

(راوية) اي ولله يمة شوية نمت فايت وكت البارحة

بالليل

(ام راوية) ليش بنيتي صاير شي گولي

(راوية) لا لا ماصاير شي حاولت ماابين الموضوع بس

بعد. گلب الام شكلهة حست بيه من طريقة حچيي

وچان شكلي امبين مال وحدة تعبانة وعيوني امتنفخات

بسبب قلة النوم بارحة ليلي كلة گاعدة ماگدرت انام

بسبب تصرفات اياد  وياية وشلون اتغير علية.

(راوية) حاولت اتغير الموضوع حتة امهة لاتلح عليهة

بالسؤال وتعرف السالفة شنو اگلج يمة اخذتي العلاج

مالتج عذريني نسيت انطيچ علاجچ

(ام راوية) اي حبيبتي اخذته الصبح اول ماكعدت

(راوية) اي عفية يمة اليوم مو تنسين راح انروح

للمستشفى عدنة جلسه مال غسيل كلية

(سعاد) الي هية ام راوية مو كل شوية مسميه ام راوية)

بنتي ولله تعبت من هاي الجلسات وتعبتكم انتي وخالتج

وياية تفترون بيه بهل دكاترة ياريت لو اكوفايدة او

تحسن نفس الشي تاليتهة الله ياخذ امانته ليش اتعبون

نفسكم ع خالي بلاش اني مرة چبيرة كبرت بالعمر