ရုန်ယီသူ့ကိုကြည့်ကာ ရယ်လိုက်၏။ “…မင်းဒါတွေကိုလုံးဝမသုံးနိုင်ဘူးဟုတ်လား”
“…”
အမှန်စင်စစ် ရုန်ယီ့တွင်လည်း အဆိုပါကွန်ဒုံးများအား သုံးစရာနေရာမရှိချေ။ သို့သော် ဟန်ဆောင်ချစ်သူတစ်ဦးရှိခြင်း၏အကျိုးကျေးဇူးများကို သူနားလည်စပြုလာပြီဖြစ်၏။ သူက တစ်ညနေလုံး ကွန်ဒုံးဝါးမှုနှင့်ပတ်သက်၍ လှောင်ရယ်ခံရပြီးသည့်နောက် ယခုအချိန်တွင် အဆိုပါအယ်လ်ဖာအား အထင်သေးဟန်ဖြင့်ကြည့်ခွင့်ရခဲ့ပြီဖြစ်သည်။
“လူကြီးမင်းချန်း...အရမ်းအဆိုးမြင်လွန်းနေတာမဟုတ်လား...” ရုန်ယီသူ့ကိုကြည့်လိုက်သည်။
“အခုအသုံးမပြုနိုင်သေးပေမယ့် အနာဂတ်မှာလည်းအသုံးမပြုနိုင်မှန်းသေချာနေတယ်ဆိုတာမျိုးက မဖြစ်သင့်ဘူးလေ…”
ချန်းခယ့်ယောင်သူ့ကိုကြည့်လိုက်သည်။ “ငါ့ရဲ့စွမ်းဆောင်ရည်မှာပြသနာမရှိပါဘူး...ဒါပေမယ့်ကံဆိုးချင်တော့ မင်းကိုလက်တွေ့ပြဖို့ကျအဆင်မပြေဘူးဖြစ်နေတယ်လေ...”
“…”
ရုန်ယီပြောချင်ခဲ့သည်က 'မင်းအချစ်ကိစ္စတွေဘယ်တော့မှမလုပ်တော့ဘူးလား...' ဟူ၍။
ဤကဲ့သို့ပြန်လည်ချေပခံရခြင်းကြောင့် သူက အကြောင်းမဲ့ရှက်သွေးဖြာလာခဲ့ရသည်။
အတိမ်းအစောင်းမခံသည့်အခြေအနေမျိုးတွင် သူက အကောင်းဆုံးတုံ့ပြန်ချင်ခဲ့၏။ ရုန်ယီက သူ့ကိုစိုက်ကြည့်ကာ နှုတ်ခမ်းတင်းတင်းစေ့လျှက် တစ်ခုခုပြောဖို့ကြိုးစားလိုက်သည်။ ကံဆိုးစွာဖြင့် သူစကားမစီရသေးခင် တစ်ဖက်လူက သူ့ထံမှအကြည့်လွှဲကာ တံခါးထံဦးတည်သွားခဲ့လေသည်။
“ငါအဲ့ဒါကိုသုံးလို့မရဘူးဆိုတာက size မတော်လို့လေ...” ချန်းခယ့်ယောင်က လမ်းလျှောက်ရင်းဆက်ပြောသွားသည်။
“မင်းအဲ့ဒါကို ကိုယ့်အတွက်ကိုယ်သိမ်းထားလိုက်ပါ...ပြီးတော့...”
![](https://img.wattpad.com/cover/341373011-288-k541807.jpg)
YOU ARE READING
Mr.Rong's ချစ်မှုရေးရာ ဒိုင်ယာရီ
Fanfictionမင်္ဂလာ ညချမ်းပါရှင် အသစ်လေးတွေ လာကြေညာတာပါ ရှင့် ???? BL အတိုလေးနှစ်ပုဒ် PICK ထားပါတယ် အပိုင်းသိပ်မများတာလေးတွေပါ ဖတ်ပေးကြပါဦးနော် ... အားလုံးပဲ ကျန်းမာ ဘေးကင်း ဝင်ငွေတိုးကြပါစေ... ပုံအောက်မှာ Description ပါတယ်နော် ...
Chapter 21.2
Start from the beginning