طبعا وحشتوني جدا كنت حابة أنوه عن حاجة لاحظت أن بعض الناس شايفين أن البارت التامن والتاسع الي في المدرسة مع ظهور الاطفال لغبط الكل وملوش لازمة وماثرش في الأحداث وبتاع فأنا حابة أوضح حاجة زي دي
انا عمري ما في حياتي ما كنت أتوقع أن الوصية الثلاثية تتشهر بالشكل ده بفضل ربنا، ايام ما كنت بكتب الفصول دي كان المفروض أن فريدة الرقاصة ظهرت وانا مش محتاجة ابين حقيقتها على طول علشان الأحداث متجريش لا لازم على الأقل اذكر بارت أو بارتين ليهم وهما معاها علشان مبقاش بكروت ومكانش عندي افكار
ساعتها الي كان بيتابع روايتي الي بيشوف البارت حوالي ألف شخص الفين بالكتييير اوي وكانوا هما متابعين لعنة جعلتني احبك إلا القليل منهم كتير قالولي يا سهيلة ما تدخلي ابطال لعنة جعلتني احبك في الوصية علشان وحشونا ومن هنا جاتلي فكرة بارت المدرسة قولت يبقى بارت خفيف كوميدي فيه ابطال لعنة جعلتني احبك علشان هنا عايزينهم وفي نفس الوقت أظهرت أن فريدة قعدت معاهم فترة بردو
ونوهت وقولت قبل ما ابدا البارت يا جماعة ابطال لعنة جعلتني احبك هيبقوا هنا حابين تقراوها تمام مش حابين اقراو البارت عادي مش هيأثر ومش هيعمل خلل يعني اظن اني وضحت فمضايقين ليه انا اعرف منين أن ربنا هيشهر الرواية كدا ويوفقني فيها وأن ناس كتير هتقرا البارت انا ساعتها كنت بكتب للمتابعين الي خرجوا معايا من لعنة جعلتني احبك
طب دي حاجة تاني حاجة بقى
الرواية احداثها ممكن تكون بطيئة بالنسبة للبعض ولكن ده بسبب طول البارت والي كنت بطوله علشانكم علشان لو اتاخرت يبقى اعوضكم ببارت كبير اعوض بيه تأخيري وعدم التزامي بسبب ظروفي ودي غلطتي ومش هتتكرر في رواياتي الي جاية وبعد كدة هبقى زي اي كاتبة البارت بتاعي خمستلاف كلمة أقصى شيء وتأخيري ده بقى شيء غصب عني بس مش هقدر اعوضه بطول بارت مادام ده عامل بطئ في الأحداث بالنسبالكم
غير كدة انا قولت ونبهت أن فيه خمس او ست فصول هيبقوا لقصص الحب بس بدون اي احداث وده بدأ من البارت العاشر لحد البارت السبعتاشر ومع ظهور جميلة ومنذر الأحداث كلها بدأت ومفيش بارت واحد عدى بدون احداث وتشويق ومحدش يقدر ينكر ده الرواية تعبت فيها اوي علشان اعمل احداث مش متوقعة تزيد من حماسكم وانا منبهه من الاول ان من الفصل العاشر للسبعتاشر هيبقى لقصص الحب بس علشان اديها حقها علشان لما ابدا في الأحداث مش هعرف أوفق الأحداث مع قصص الحب علشان كدة سيبت ده لوحده وده لوحده علشان يبقى كله واخد حقه
الرواية مش بتتكلم عن الوصية والورث، الوصية والورث دول ما هو إلا سبب للرواية واحداثها لكن محتوى الرواية اجتماعية فطبيعي جداااااا في قصص الحب والأحداث اجيب كل التفاصيل وازود المشاهد وادي كل حاجة حقها بادق التفاصيل لأن الرواية اجتماعية بشكل كوميدي يعني طبيعي جدا اتكلم عن جوانب الشخصيات بالتفاصيل المملة والأحداث دي ماهي الا لزيادة التشويق أثناء القراءة
يعني المشاهد الكتير الي بالنسبالكم ملهاش لازمة ومش هتاثر على الرواية فأنا اصلا عاملة الرواية علشانها ومفيش مشهد كتبته الا وفيه توضيح لجوانب شخصية من الشخصيات أو بناقش فيه مشكلة اجتماعية وهو ده محتوى الرواية.
حبيت اوضح ده علشان ده الي حاسة أنه محتاج توضيح لكن اي حد معترض على علاقة اسراء وأسر لمجرد أنها حرامية فسوري انا مش هوضح لاني وضحت في الرواية بالشكل الكافي أنها كانت مجبورة وكنت عايزة اوريكم عبرة أن رغم أنها مجبورة مكانتش بتصرف على نفسها من فلوس حرام حتى لو مش هتاكل وبسببها أسر شال المسؤولية وبعد عن كسله الي بسبب كسله خسر فلوس وهو مش داري يعني كل حاجة انا عملاها في الرواية ليها عبرة انا مفيش كلمة كتبتها الا وليها سبب حتى المشاهد الكوميديا كان ليها سبب اوريكم ترابط العيلة والبعد عن السوشيال والنت
بس اتمنى اكون وضحت للي قرأ ومعترض وماشي يهاجمني ووضحت للي لسة هيقرا ومكملش الرواية لسة والرواية خلاص خلصت مش هقدر اعمل فيها حاجة عجبتكم ده شيء يسعدني ويشرفني معجبتكوش فباذن الله اكون عند حسن ظنكم في رواية جديدة لكن الرواية دي انا عملت الي عليا فيها وزيادة وده حسب تفكيري ككاتبة ووجهه نظري الي انا شيفاها والي ممكن متناسبش وجهات نظر الجميع
أنت تقرأ
Triple commandment ، الوصية الثلاثية
Actionتفرقو منذ كانو صغار ، لم يعرف أحدًا منهم أنه لديه اخوه من الأصل ، حدث كل هذا بسبب قسوه الوالدين، وبعد فراق سنين شاء القدر أن يعلموا بوجود بعضهم بل والخوض معًا في مغامرة كبيرة وعميقه، فهل سيتقبلون بعضهم، وهل سيجد كلا منه نصفه الآخر كل هذا سنعرفه في ر...
