نرجعو للمدينة بعيد عن ظروف التخييم اللي عايشينها ليكيب للبراءة اللي كانت فالجاردان تاع الدار مع نسيمة
نسيمة قاعدة وحاطة يديها فحجرها ولينار قاعدة فلحشيش تلعب بالبووبي تاعها
نسيمة:ليينار!
هزت راسها مع ابتسامتها:نعم جدة؟
نسيمة تبسمت :أرواحي أقعدي قدامي
وقفت تمشي بشوي على رجلها اللي نحاولها البلاتر
نسيمة عاونتها تقعد زعما:مزالها توجعك؟
لينار:مش بزاف يامات ونولي نحطها عادي
نسيمة:مليح بالشفا عليك صغرونتي
لينار:مرسي جدة
نسيمة:اييه يا حبيبتي..نتي تحبيني؟
لينار:ايه نحبك باينة هادي
نسيمة:ههه مليح أنا ثاني نحبك بزاااف ومنقدرش نبعد عليكم نتي وماهر ومازن
لينار:مي مراحش تبعدي ياك هادي دارك ورايحة تبقاي فيها
نسيمة:معرف ابنتي لمشاكل تسابب يعنييي....لوكان يصرا شي ويحاولو يخرجوني تتدخلي وتقولهم يخلوني ؟...انا جداتك وماهر ومازن مهاابل كي يتقلقو يعني يقدرو يخرجووني من الدار عادي مي نتي يسمعولك
لينار:جدة علاش راكي تحكي هكا شغل راكي غالطة ورايحين يزعكوك صح..هي بابا ومازن صح كي يتقلقو يخوفوو مي ميديروش شي غالط وأنا اللي يديروه راني معاهم
نسيمة:يسما لوكاان يخرجووني توقفي معااهم ياك سنفورة الشر مزلتي برك خارجة لأمك
لينار دمعو عينيها على تحول نسيمة اللي صرا:علااش راكي تحكيي هكااا؟؟,ومتجبدييش ماما نسيتيها ياامات ورجعتيييلها؟؟
نسيمة:مننسااها ماا والو علاه كشما خلات فينا عقل
لينار وقفت ودموعها يطيحو:نتي متبدلتيش وجاامي تتبدلي همك ترضي مازن وبابا باه يوقفو معاك برك نتي جامي حبيتيني وجامي تحبي ماما ..هكاك سمحيلي مراحش نكون حفيدتك خلاتها وراحت تمشي بشوي جات داخلة لقات سليمة قاعدة
سليمة اللي غير شافتها وقفت ليها:ليينار بنتييي
راحت تجري ليها تبكي فحظنها اللي يعوضها على أمها
سليمة تمسح على راسها:شبيها صغرونتي وأماانتي
لينار:اهئ اهئ واالو توحشت ماامااا
سليمة تنهدت والدمعة تحصرت على طرف شفارها وقتاه رايحين يتهناو هاد ال3فحياتهم ويعيشو عايلة منهم من غيرهم
بقات تمسح على ظهرها حتى غفات الثانية عندها ودخلت نسيمة تعض على شواربها من أعصابها اللي طلقتهم واللي خدمتو هاد ليام كامل طاح فالماا
YOU ARE READING
"اسيرة_لعبة_الماضي "باللهجة الجزائرية
Romanceاول كرو ليا بقلمي وافكاري وتعبي ممنوع النقل الا باذني "الدنيا خيبات...تعطيك الأرخص وتأخذ منك الأغلى ......تجعلك تثق وتخونك ......تجعل جميع الظروف جامعة لك بما ستحب وتتعلق ....لتتأكد من شدة المك عندما تاخذه منك ويصبح الماضي هاجسا بينك وبين ال...
الفصل38
Start from the beginning
