غرغت في زراقة عينيكِ

بارت الرابع والاربعين

بيداء:  مشكور عمري تدري شگد مشتاقتلك

باوعتلهة وچانت لابسة وكاشخة. درت وجهي عنهة:  اني رايح

بيداء:  قاسم فدوة الك لتروح خليك وياي شوية والله استاحش وحدي ماكو لا دوام ولا طلعة  اگعد يمي بس شوية
استغفرت ربي ورحت بالصالة گعدت وهي فرحانه تجيبلي كرزات وبيبسي وسوالف واني بس صافن عليهة شنو هالمرة ماعدهة كرامة لهالدرجة لو الحب هيج يسوي تعجبت عليهة والله
اخذت كرزات واكلتهن واني مباوعتلهة اصلاً  هي خلته على فلم وبدينه نباوع وهي تتقرب مني واني متحركت
_ بيداء اذا اجيتي يمي والعباس اعوفچ واروح
بيداء بهستيريا:  لا والله بعد ما اجي يمك والله بس خليك يمي
درت وجهي عنهة خلص الفلم وگمت
_ يله بعد شتردين گعدت يمچ وباوعت فلم واكلت  رايح اني
بيداء بدموع:  لتروح قاسم حباب بات يمي والله اخاف انام وحدي شنو متخاف علية وحدي بهالشقة اني
_   بيداء سوالفج بطليهن مال التمسكن اعرفهن كولش زين  ترديني ارجعلچ مثل قبل وهذا الشي مسحي من بالچ
گامت تبچي وترجع تتوسل حباب قاسم ارجعلي والله دا اموت غيرة من تروح لهذيج  والله ما اتحمل اني بعدك عني تخيل اهين نفسي في سبيل حبك وحنانك
_ يعني بعد المصايب السويتهيهن ذاك الاسبوع ترديني ارجعلج وانتي غلطتي للمرة الثانية
ضحكت:  هههه وترديني اصدگچ ولچ بطليهن كلاواتچ حافظهن اني ماعرفچ قابل
بيداء بعصبية:  قاسم والله حرام هيچ تسوي بية هاجرني وتروح يم بحر
_ اني لا يمهة ولا يمچ هي اصلاً  ببيت اهلهة منين بعد اشوفهة متگوليلي
_ اني لا يمهة ولا يمچ هي اصلاً  ببيت اهلهة منين بعد اشوفهة متگوليلي
تركتهة وطلعت والله تعصب الميتعصب بعد ولا اعطف عليهة بس ردت اشوف شراح تسوي من سوالفهة ولا اني لو موت ما اظل يمهة بس شكلهة متبطل من چذبهة
بيداء • راح وخلاني مكسورة كمت كسرت الغراض وبچيت علما گلت بس رحت لغرفتي وجنت محظرة اجواء رومانسية لخاطرة تاليهة طلع ميستاهل شكلة صدوگ ميحبني هواي حاولت ويا وهو ماكو ميحس اصلاً
"وتاللهِ أني قوية جدًا، قويةٌ للحد الذي لا يستطيع أحد هزيمتي ، لا أُخفي أن الهمّ قد أرهقني وأنّ الحزن قد قطّع فؤادي وأني قد كتمت وجعًا حتى أني قد اتخذت العُزلة ملجأً وسكنًاوقد أصابني الخوف واستُهلكت طاقتي لكني والله لم ولن أهزم .. وسأعود قوية كما كنت
قاسم • اتصل علية ابو الفضة الاشتري منه گلي جايب وجبة تعجبك قررت اسافر لايران اشتريهن واجيبهن  رحت حجزت وسافرت بنفس اليوم  طلعت للفندق ارتاحيت وثاني يوم زرت وبعدين تغديت وبوجهي رحت لصاحب الفضة اختاريت وجبة زينه واتفقت ويا عليهن
بحر • مشه الاسبوع بسرعة اللي افتهمته قاسم سافر لايران وبدون ميگولي شگد ضجت من اسلوبة يروح فجاءة وميكول لاحد من يوصل يله يتصل عود
نغم • گاعدات بالمكتب  بحر تسرح وتصفن ضحكت عليهة  والله تضحك خصيصا بحر اذا تصفن تفصل عن عالمنه كلة
احممم وينچ حبيبة وصلتي لليلة الدخلة
ماحسيت الة شي انشمر علية باوعت لبحر اللي وجهة احمر من الخجل واسرار مكيفةمتستحين نغم عيب ولچ
شنو العيب بالموضوع لعد شلون الواحد يتزوج  اذا متسوون هالشغلة
بحر بخجل:  كافي ولچ حلگچ هذا سدي
ضحكت بخفة عليهة ورجعت العب بموبايلي اليوم ماعدنه شغل صافية دافية الحمدلله
_ اگولجن شنو رأيجن نطلع للمطعم سوة
بحر: اني مكدر
اسرار: اني اجي وياج
تمارة: والله متفقة وية خطيبي نتغدة برة عذريني حب
_ عادي عيني وانتي ولچ بحر ليش متقبلين
_ سألتي انتي حته تعرفين
بحر: لا أسالة ولا شي بس احصلي رزالة عوفيني راسي بارد
براء • اليوم اجة جمال تحضرت ولبست ملابس حلوة فستان قصير كيمونه لونه ابيض بي ورود وردية ولبست طوگ ابو الورود  خليت حمرة خفيفة وكحل طبعاً ماما خلتلي  نزلت واستقبلته
جمال بحب وهو يتقرب علية حظني واني سحت من الخجل عزة بعينه ولا يستحي باسني بخدي: شونج حبيبتي شهالجمال شهالكيك العندي
عض شفته الجوة وهو يباوعلي نزلت راسي وگعدت بعيد عنه شويه
جمال: وين رايحة حبي تعاي يمي اريد احظنج اشمچ ابوسج
غطيت وجهي بايدي وصحت بي عيب اني مؤدبة ميصير هيچ تسوي
جمال: هههه ولچ غير انتي خطيبتي وعاقدين سيد بعد شتردين
تقرب مني واني ابتعد منه من الخجل وهو ماهتم لزگ بية واخذ كف ايدي بايدة ويباوعلي بنظرات كلهة هيام: روحي بدلي حته نطلع نفتر شنو رايچ
ابتسمت بخجل ونزلت راسي: اوكي بس اول شي اگول  لماما
جمال: گلت لابوچ واتصلت بي گلي عادي اخذهة بس طبعاً لازم احد يجي وياچ