#انتقام _الضابط _ رسلان
اكتبولي رائيكم بالتعليقات ♥️🫢
الشخصيات ؟
القصة ؟
انتقام رسلان ؟
إيلين ؟
***************************
مُرني يلرتيَك تُمرني بكُثر ماهَمك يمرّ
***************************
إيــليــن *
بالمطبخ كاعده ويمي نوره نسولف وهو كاعد يم امي وابوي و وليد نهائياً مباوعت عليه ولا نطيته نظره ادري كلش زين عيونه عليه ويباوعلي بس منطيته اي نظره فزيت على صوت نوره وهيه تسئلني
نوره ::. متغيره هوايه !
بلعت ريكي غمضت عيوني اصبر نفسي مابجي بتسمت بكسره شنو اكول الها نكسرت انهانيت بيوم عرسي ؟؟ اخذت نفس وجاوبتها مبتسمه ::. اكيد هو الواحد من يزوج يتغير مو ههههه
ضحكت وباوعتلي ::. صحيح وياج حق
اخذتني السوالف اريد بس انسه انو هو اهنا اريده يروح كارهته كره العمى دخل وليد للمطبخ وباوعلي مبتسم
::. إيلي زوجج يريدج
بلعت ريكي شيريد مني هزيت راسي وكمت فتحت للاستقبال جان كاعد ويدخن صافن بالفراغ حجيت برود ::. شتريد
التفتت الي ابتسم وطفه الجگاره وگف وتقرب مني جتفتت ايدي لصدري برود انتبه لحرگتي وبتسم اكثر جاوبني بحه
::. راح اروح بس انتبهيلي طلعه منا ومنا ماكو العتبه مال باب متخطيها لبس گصير گبال اخوج ماكو فهمتي !
ابتسمت باستهزاء حرگني حرگ وره كلشي سوه يتوقع ارجعله ويأمرني گلت باستهزاء ::. خاف متقبل ؟ اكو شي ثاني تضيفه للقائمه ؟
تقرب مني ودنگ على وجهي متحرگت مصدرت مني اي ردة فعل غير العدم مبالاة
ضل يباوع لملامح وجهي يتأملني تقرب مني
رفعت ايدي ودفعته متحرك من مكانه رجع تقرب اقوى وباسني بكل قوته رفعت ايدي وضليت ادفع بيه نزلت دموعي جمر على خدي اريده يبتعد كارهته حيل وروحي نافره منه بتعد عني وهو يرجف سند راسه على راسي وهمس بنفس يرجف
::. اجي عليج بعد يومين تمام حبيبي انتي مراح تعوفيني صح صعبه ابتعد عنج بس كلشي يهون علمودج
دفعته بكل قوتي ومسحت شفايفي بظهر ايدي
حجيت بقوة ::. لتتقرب مني اشمئز منك
كلام كلته بس لاحظت عيونه بيها لمعه دمع ايده كامت ترجف رفعها ومسح وجهه وهو بعده يرجف
همس ::. مقبوله منج ياكسرة روحي
دگات گلبي جسمي الي يختض من كال هل كلمه گلبي وجعني شنو كسرة روحه باوعتله اخر مره و بسرعه عفته وطلعت ركض مهتميت لاحد ركضت لغرفتي القديمه قفلت الباب ستندت على الباب ونزلت دموعي حطيت ايدي على حلكي اكتم شهكاتي كعدت بالكاع وظهري على الباب حطيت ايدي على وجهي اريد بس اوكف دموعي جسمي كله يرجف ودموعي جمر گلبي الي كام يوجعني همست بتعب
::. يارب ارحمني
مسحت دموعي بايدي وكمت وكفت صارت المرايه گبالي وكفت گبالها وباوعت على شكلي من شوكت اني هيج من شوكت اني اذبل باوعت على المرايه همست لنفسي
شنو متعب معانيج
اول مره اشوفج هيج كبرانه
اول مره احس مكسوره تتمشين واني الي اعرفج اقوه انسانه.........
*****************************
رسلان *
احياناً يحدث ذلك من وراء ظهري، أفتقدكِ من دونِ ان لا انتبه لنفسي رغمً عن كبريائي و نُضجي اصبح من دونِ وعي أنهار أبكي و أُجنّ و اضرب رأسي الى الأرض لأستعيد وعيي حد الموّت احياناً أفتقدكِ الى الأبدِ
كلامها سهم ودخل بگلبي هيج صارت تشمئز مني ؟ شلون بيه وشلون اخليها تسامحني اني رسلان الي الكل تحسبله حساب بس يمها يمها لا يمها أنة الچبير الصار طفل
طلعت من بيتهم واحس عفت روحي هناك معرفتج هيج عزيزه عليه ياإيلين ضيعتج وضيعت نفسي وياج بسبب انتقام دمرتج وكسرتج اني الي بعمري ماتوسلت بشخص كمت اتوسل بيها حتى بس تحجي ويايه و ماتعوفني هه ولله وكت الانسانه الي ردت انتقم من خلالها واخليها تبجي دم اني البجيت دم ! وصلت للبيت لگيت امي و روان راجعين سلمت عليهم وكتلهم وديتها لبيت اهلها صعدت فوك الغرفه وحشة من دونها سديت الباب ورحت على الكنتور فتحته
طلعت ثوبها حطيته على خشمي اخخخ يريحتها شوكت انام مرتاح وانتي بحضني ؟ شوكت انام على صدرج وابجي واشكيلج همي ؟ اخذت الثوب وسديت الكنتور بدون مابدل ملابس تمددت على الجربايه والثوب حاضنه همست
::. راح ترجعين لحضني مثل كل مره
يا نبـعه الريــحان
**************************
تذكرو دائماً :
في النهاية كلنا حكاية ...🖤
YOU ARE READING
انــــتقام الـــضابط رســـلان
Romance᷂أريد ᷂أن ᷂أغفو ᷂ بلا ᷂ذاكرة ᷂ بلا ᷂وجع بلا ᷂ألم ᷂ بلا ᷂جفاف أريد ᷂أن ᷂يتبخر ᷂حزني ᷂من ᷂جلدي لتنخفض ᷂حرارتي أن ᷂ينبض ᷂قلبي ᷂دون ᷂إحباط 𓅃 اريد ينتهي كل هذا ان اختفي او يختفي حزني ان انام انام الى الأبدِ ويتوقف هذا بكاء المُستمر ان يهدئ قلبي و...
