᷂أريد ᷂أن ᷂أغفو ᷂
بلا ᷂ذاكرة ᷂
بلا ᷂وجع
بلا ᷂ألم ᷂
بلا ᷂جفاف
أريد ᷂أن ᷂يتبخر ᷂حزني ᷂من ᷂جلدي
لتنخفض ᷂حرارتي
أن ᷂ينبض ᷂قلبي ᷂دون ᷂إحباط 𓅃
اريد ينتهي كل هذا
ان اختفي او يختفي حزني
ان انام
انام الى الأبدِ
ويتوقف هذا بكاء المُستمر
ان يهدئ قلبي
و...
مر على خطوبتي شهر بهذا الشهر ماصار شي طلعت ويه رسلان اربع مرات بس الشي الغريب كان بارد ويايه نصدمت منه بس كلت يجوز من وره شغله ! مرات توصل بيه يصيح عليه ويغلط جنت انصدم وارجع واكول شغل اخاف ضايج من شغلة معينه لحد ممليت من كثر ماا ابرر اله واطلع اعذار كلت يتغير بمرور الوقت مر كم يوم رجع رسلان الي احبه ورجع يضحك ويتغزل بيه فرحت لان رجع تعامله ويايه تذكرت قبل كم يوم
قبلكميوم ....
كاعدين بالسياره على الشط اني وياه ثنيناتنا ساكتين بس صوت انفاسنا تنسمع ضجت حيل من هذا الوضع لزمت ايده واردفت ::. حبيبي بيك شي ؟ احسك ضايج ؟
اخذ نفس من الجگاره وزفره هز راسه بــ لا واردف بصوت بـي بـــحـة
رســـلان ::. لا إيلينتي مابيه شي شغل ودوخة راس
حاولت اغير جو ابتسمت بوجهه ::. وهو كل الي يضوجون هيج حلوين يصيرون ؟
دار وجهه عليه ابتسم ابتسامة ذوبتني طفه الجگاره رفع ايدي لشفايفه وطبع عليهن بوسه رفعت ايدي لــ خده ميل راسه ع ايدي غمض عيونه متنهد ضليت امسح على خده برطمت ::. شنو هاي حبيبي لتضوج احنا مو طلعنا علمود نغير جو لتضوج حباب
فتح عيونه ذبلانــه برزت سنونه من ابتسم من شافني مبرطمة
رسلان ::. اخخخ منج وريتي گلبي ور
::. اني شعليه انته حبيتني
ضحك بصوت عالي بتسمت على ضحكته ياربي احفظه الي اموت بدونه ...
الــحــاضــر
تنهدت ماحية الفكرة الي براسي اكيد مشغول وضايج من شغله مرت الايام وحددو موعد العرس مع ان اني احبه بس احس راح تنتهي حياتي بمجرد مازوج خوف قلق مشاعر الدنيا كلها تنجمع بيه من اذكر راح نزوج ضلينا كل هل الايام نجهز جهاز عرسي مبقيت شي مشتريته صح جانت تجي افكار سلبيه بس امحيها وارجع ابتسم واكول راح اتزوج حبيبي بهاي الفتره اشترينا الغرفه حيل حبيتها تصميمها حيل حلوو وشترينا النواعم مال سويت لان السويت صاير غرفه وصاله وحمام الحنة راح تكون بعد يومين راح نسويها بقاعه حضرنا كلشي من حجز فستان وصالون وغيرها .......
رجعت لواقعي من دگــ التلـيفون ابتسمت واني اشوف اسمه وصورته على الشاشه بست الشاشه فتحت الخط
رسلان ::. هلا يروح رسلان شلونك
ضحكت من حجه ويايه بصيغه ولد ::. شلون وياك رســـلان
رسلان ::. اروح فدوه لــ هل صوت شو عيدي اسمي بلسانج
بخجل ::. رسلااااان
رسلان بضحكة ::. يروح رسلان
ضلينا نحجي بس استغربت من سئلني اذا عندي عمام ::. لا حبيبي ماعندي عمام
سديت الموضوع من شفته ضايج حجينا شويه وسديته منه رحت نمت ......... واليوم يوم حنتي مرتبكه فرحانه ماعرف شنو شعوري كعدوني من الصبح علمود الصالون رحنا وطلبت منها تسويلي مكياج و تسريحة بسيطه وفعلاً سوتلي نفس ماريد بالضبط واحلى بعد لبست الفستان جان فستان كان بسيط وحتى مابيه تفاصيل بس يجننن طلع عليه
Oops! This image does not follow our content guidelines. To continue publishing, please remove it or upload a different image.
البنات تخبلو عليه وااهل الصالون كذالك رفعو معنوياتي لبسوني البرگع واجه وليد اخذنا للقاعه وصلنا هناك دخلوني للغرفه عدلوني واني متوتره لان راح اطلع كبال هواي نسوان كملوني وصار وقت ادخل للقاعه فتحو البوب وطلع اغنيه وضليت اتمشى لحد موصلت للستيج اجت امي باستني بستها براسها كلهم اجو باسوني ويمي واكفة نوره واسيل وديمه و روان كالو راح يدخل العريس اخذت نفس دخل مدنگ راسه لابس قميص ابيض وبنطلون اسود فاتح اول دكمتين مزين شعره طالع يخبل صعد الستيج باوعلي صافن عليه عيونه تحجي شكل و ردة فعله شكل توترت كلهم كامو يباوعون علينا ويهوسون تقرب باس راسي وايدي واردف
رسلان ::. الف الف مبروك يروحي
::. بتسمت الله يبارك بيك حبيبي
كعد بصفي وجابو الحنة نظرته غريبه مثل يوم الخطوبة تجاهلت كل شي لازم اعيش لحظه بلحظتها حناني واني حنيت اصبعه اجت المصوره طكت هواية صور كملت وهو راح لحنته لحظات والبنات كلهم نزلو بنص القاعه ركصو ركص مصاير جروني وياهم خلصت الحفلة ورجعنا للبيت هلكانين كبل سبحت وذبيت نفسي على الجربايه وكل تفكيري باجر راح ننجمع ونعيش سعيدين معرفت شنو مضموملي............
يـــتـــبع .......!
••••••••••••••••••••••••••••••••••••
طبعاًالتنزيلراحيصيرخميس وجمعة واذا صادف فد يوم ماعندي شي انزل قبل بوقت تفاعلو تعبت بالكتابة هوايه 🥲♥️
