# انتقام الضابط رسلان
رائيكم بالقصة ؟ وتوقعاتكم للاحداث القادمة !
رَسايل منَك ، لحد هسّة أدارّيهنْ .
••••••••••••••••••••••••••••••••••••
إيلين *
مر شهر شهر على اخر مواجهه بيناتنا من بعدها اتجاهلته تجاهل تام جنت بس انتظر يمر وقت حتى اطلب الطلاك منه من شافني اتجاهله تخبل صار عصبي طول الوقت هه عباله ارجع مثل قبل هو فعلاً كبال الكل بينت انو اني سعيده هه بس ميدرون وره كل ابتسامه حزن وجرح عميق اني شـِنو ذنبي ينتقم مني ؟ بسبب عمي الي هسه عرفت بوجوده ! موضوع ميتصدك عندي عم واني اصلاً مادري دائماً يخابروني اهلي ابينلهم رسلان بس هو وبس وهو اكثر شخص حقير ونذل ميدرون كسر بتهم تنهدت بوجع واني احط ايدي على گلبي الي صار شهر كامل يأذيني من اقل شي مكلت لاحد كلت بلكت الله ياخذ امانته واخلص من الدنيا فتحت التليفون ودخلت على الصور طلعت صورته وباوعتله عيوني نترست دموع
همست بغصه ::. حَسبالي حَجيك صدك وعَيونك تحَبني ثاريني مثل الورد بس اذبل تذبني ......
مسحت دموعي الي نزلت مراح تضعفين لازم تصيرين قويه حتى تأخذين حقج اخذت نفس و رفعت راسي تجمدت بمكاني واني اشوفه ساند روحه على الباب عيونه حمر متروسه دموع عصر عيونه قوي سد الباب وتقدم عليه ردت اكوم بس رجع كعدني على طرف القنفه وقرفص كبالي لزم اديناتي وباسهن جريتهم وهم رجع سحبهن وضل يبوس بيهن روحي راحت اريد بس يوخر مني عليت صوتي ::. وخرررررر منييييي
رد بغصه ::. بـــنــيــتي
باوعت بعيونه بنيته كال سجينة بگلبي من كال بنيتي تذكرت من جان يگلياها::. هههههههههه تدري ضحكتني صار هواية مضاحكة
باوعلي مدمع ::. إيلينتي شلون اعتذر شلون اتأسف منج مادري احبج ولله احبج اعترف ردت انتقم منج بس متوقعت راح اموت بحبج متوقعت راح اغرگ بعيونج كل يوم ولله متندم على كلشي سويته اسف اعرف لو اعتذر مليون مره مراح تسامحيني بس انطيني فرصه فرصه وحده اعوضج بيها
باوعت عليه واني داخلي ينزف يحجي وتنزل دموعه ::. على شنو تعتذر ؟ على ياجرح ؟ خلي اعتذارك الك وهذا الحجي الجبتة الي مشي على الغشمه لك انته جارحلك بشر حتى الهوة يلچمه ! دائماً جنت ادورلك اعذار بس هسه حتاريت لــ ياجرح اعذر ..باوعت بعيونه .
وَديتني لعالم حلو و خليتني ارجع وحدي كسرتني واني جنت انتظرك بكل ليلة بكل نهار بكل صلاة هيج جزاتي ؟ عفِت كُلشي وبعّتني ؟ شكثر وصيتك كلتلك مالي غيرك يا ملاذي وغيرتي هنه بس انته وعيونك ! بس انته شسويت خذلتني لدرجه تحطمت وكسرت گلبي وهسه هذا گلبي منين ماصديتلة يرجف عليك ! بعدني ارجف من يجيبون طاريك ! بس سؤال علىَ. ڪسرة. خاطِري شوازاك ؟ لـيش مَـا فَـكرت بيـه ؟ وليـش ماخفـت الله بيـه ؟رخصتلك كُـلشي عـندي بَـس بعتنـي برخـص گلبَـك
قاطعني وهو يبوس بوجهي ضليت ادفعه حضني بكل قوته وثنيناتنه نبجي دفعته بكل قوتي دموعنا تنزل كل كلمة حجيتها طالعه من گلبي وبعد بداخلي اكثر واكثر نزل راسه ودموعه تگت ويشهك ويردرد
::. اسف اسف احبج ولله اعشگج لا تعوفيني عاقبيني بكلشي الا بفراكــج
ضليت ساكته صافنة بالفراغ ودموعي جمر تنزل على وجهي همست ::. تدري جنت اعتبرك كلشي بحياتي حياتي جانت فارغه من دخلتها حبيت حياتي لدرجه حبيتك حب بعمري محبيته الاحد چَنت أظِنك غيّر عنهُم چَنت أظِنك تَوگف بوجَة الوّكت چَنت أظِنك تَحرگ إلدنيّا وأهَلها لعيّني چَنت أظُن! ياريَت أبّد مَا چِنت أظِن علمود مــاانكســر ! هيج تِجازيني بتعَب يَل رخصتلك راحَتي؟ اتمنى بس اموت واخلص من النار الي بگلبي !
رســـلان *
اباوعلها شلون تحجي بحرگه حجيها لچم گلبي لچم چَا شكد متأذية مني ؟
رفعت راسي مصدوم من كالت
إيلين ::. اريد اروح لبيت اهلي
بلعت ريگي بخوف ادري بيها اذا تروح بعد مترجع ::. متعوفيني ايلين انطيني فرصة وحده اصلح كلشي
إيلين ببرود ::. لتخاف مراح اعوفك هسه بس أتاكد راح اعوفك بالوقت المناسب
مستحيل اخليها تروح تجاهلت اخر كلامها وحضنتها ضلت دفع بيه وتبجي ولله لخليج تسامحيني حسيتها نامت بعدت راسها من صدري بستها براسها حطيت خشمي ب شعرها اخخ يريحتها ترد روحي نزلت راسي وبستها بشفايفها اخذت نفس مرتاح نومتها على الجربايه ضليت حاضنها اشم شعرها شفت الساعه بــ ٣ الضهر بستها وكمت سبحت
بدلت وطلعت يم الـــولــد رجعت للبيت ب ٩ فتحت باب الغرفه مبتسم ابتسامتي تلاشت واني اشوفها هيج ..........
يـــتــبـــع ......؟
••••••••••••••••••••••••••••••••••
اكو شغله اريد اخذ رايكم بيها
الي هيه انو من يصير الحوار راح يكون اكو عبارات او خواطر بنفس الوقت مثل الحوار الي كالته إيلين اني الصراحه حبيت الفكره وانتو شنو رائيكم ♥️🥺 + ادري البارت شويه قصير فوك الـــ ٦٠٠ كلمه سامحوني 🥲♥️🫶🏻
••••••••••••••••••••••••••••••••
YOU ARE READING
انــــتقام الـــضابط رســـلان
Romance᷂أريد ᷂أن ᷂أغفو ᷂ بلا ᷂ذاكرة ᷂ بلا ᷂وجع بلا ᷂ألم ᷂ بلا ᷂جفاف أريد ᷂أن ᷂يتبخر ᷂حزني ᷂من ᷂جلدي لتنخفض ᷂حرارتي أن ᷂ينبض ᷂قلبي ᷂دون ᷂إحباط 𓅃 اريد ينتهي كل هذا ان اختفي او يختفي حزني ان انام انام الى الأبدِ ويتوقف هذا بكاء المُستمر ان يهدئ قلبي و...
