أريد أوصيك يل بايگ عمر مني ابد لتوب
________________________________
إيلين
صوت المنبه يرن حطيت ايدي على التليفون واني اتفئفئف طفيت المنبه كعدت من النوم نعسانه حيل بس جايني شعور غريب كمت من الجربايه عدلتها ورحت للحمام طبعاً الحمام يصير ويه الغرفه مالتي دخلت فتحت المغسله غسلت وجهي بالصابون والغسول فرشت اسناني كملت وسبحت بدلت لبست قميص لون صحراوي وجواه بدي ابيض بنطلون اسود ورهمت شال وجنطه ويه حطيت مكياج خفيف وعطر كملت باوعت لنفسي بتسمت بهدوء اخذت ملازمي والجنطه ونزلت كلهم نايمين اجه ابو الخط صبحت عليه شويه ووصل يم بيت صديقتي الي احبها مثل اختي واكثر اسيل صعدت بستها
اسيل : صباح الخير لولو
إيلين : صباح النور شلونج
اسيل : الحمدلله
إيلين : ضلينا نسولف لحد ما وصلنا للجامعه نزلنا وتمشينا لسنتر الجامعه حسيت بدوخه حطيت ايدي على راسي باوعتلي اسيل بقلق
اسيل : شبيج إيلين
ايلين::. هيج مابيه شي كل ماامشي تزيد الدوخه مادري ليش وصلنا كعدنا شويه على مسطبة ننتظر المحاضره الاولى دنگت راسي يأذيني حيل وماعندي اي قابليه اسوي شي والشمس تصگع صگع حسيت صار ظل كبالي رفعت راسي شخص كلش ضخم صاحب عضلات حنطاوي عيونه حيل تخوف لابس نضاره وزي ضباط نزع النضارات جانت عيونه تاكلني اكل نزلت راسي حسيت بشعور غريب نغزه بگلبي ؟ بصفي اسيل الي حالتها مو احسن من حالتي باوعلي ووجه كلامه الي
::.عيني وكعت منج
باوعتله من مد ايده جانت بيده الاسواره مالتي!! شجابها يمه باوعت لايدي لان ابد مانزع هاي الاسواره كمت واخذتها من ايده
::. مشكور خويه
باوعلي وابتسم بطرف شفته ستغربت سحبتني اسيل علمود نروح ومشينا ماعرف شنو الي خلاني التفت واكف ويباوعلي حاط ايده بجيوبه ومبتسم نص بتسامة من شافني اباوعله غمزلي درت وجهي بسرعه مغمضه عيوني عزاا غمزلي شكد ميستحي طردت كل شي من راسي ورحنا للمحاضره طول المحاضره شارد بالي يمه منو هذا وليش هيج سوه وفوك هذا كله شلون وكعت الاسواره صحيت على نفسي من اسيل ضربتني يجتفي حمحمت ها اسو شبيج
اسيل ::. اني لو انتي الي شبيج
ايلين : شبيه كلشي مابيه باوعتلي بعدم اقتناع درت وجهي شبيه استغفرلله طلعنا من القسم ومر اليوم لحد مكملنا المحاضرات طلعنا جان ابو الخط واكف يم الباب مال جامعه صعدنا بالسياره فتحت الجامه غمضت عيوني ماخذه نفس فتحت عيوني ببطء
جان واكف يباوع عليه صافن !! يباوع بنضره حيل غريبة خفت بسرعه درت وجهي استغفرلله منو هذا للحظه حسيته يلاحكني!! طردت افكاري من تحركت السياره ضليت كل الوقت صافنه ليش جان صافن خفت يلحكني بالبدايه ابو الخط وصل اسيل بعدين اني نزلت من السياره ودخلت للبيت خايفه تلگتني امي بست وصعدت فوك بدلت وتمددت بالجرباية تذكرت الي صار اتفئفئفت بضوجه انجبي ايلين ونامي عاد
غمضت عيوني ونمت........
_______________________________
انتهى البارت اتمنى حبيتوه اكتبولي شنو رايكم بالقصة كبداية
YOU ARE READING
انــــتقام الـــضابط رســـلان
Romance᷂أريد ᷂أن ᷂أغفو ᷂ بلا ᷂ذاكرة ᷂ بلا ᷂وجع بلا ᷂ألم ᷂ بلا ᷂جفاف أريد ᷂أن ᷂يتبخر ᷂حزني ᷂من ᷂جلدي لتنخفض ᷂حرارتي أن ᷂ينبض ᷂قلبي ᷂دون ᷂إحباط 𓅃 اريد ينتهي كل هذا ان اختفي او يختفي حزني ان انام انام الى الأبدِ ويتوقف هذا بكاء المُستمر ان يهدئ قلبي و...
