قسوة عاشق

بارت ٤٦

شوية وطب ابو احمد وصاح : هاجن بويه و انطة العلاليك ل زينب جان جايب لبن و فواكة وحلويات
وحاجاني : بوية لمار اذا مشتهيه شي كولي لا تستحين

لمار : متقصر عمو الله يحفظك .
ام احمد : اي والله يمة اذا تردين شي كولي لعمج لا تسكتين .

- ان شاء الله خالة .
ابو احمد : سباعية لموره اريدج ترجعين مثل الورده المفتحة عمو وتذبين كلشي فات وراج .

- اي عمو اني هم هيج ناويه وان شاء الله خير .
- ان شاء الله بنيتي... يلا اني اترخص اروح لجامع قبل لا يأذن حته اصلي... ترخص منه وطلع .

كمت ويه البنات اساعدهم بطبخ ونسولف كملنه العشة وكلها راحت اصلي... بعدين مدينه سفره وحده
وكلها اجمعت عليها حته زوج براء و زينب و محمد .

حسيت ابو احمد يحاول بكل طريقة يخفف عني وينسيني الحنيه بكلبة مبينه علي وكل شويه وكالي بابا اكلي لا تستحين ويجيب ويخلي كدامي .

كملنه ولمينه المواعين... ام احمد صاحتلي اكعد يمهم كالت : تركيهن هنه يغسلن المواعين تعالي انتي رتاحي... كعدت يمهم جابن البنات الجاي .

كعدو يشربون صدفه اجت عيني عله محمد جانت
نضراته اليه مو طبيعه هواية حاول يشيل عيونه من عليه بس احسه مايكدر ونضراته ابد مو عادية .

كاني شايفه هاي النضره بعيون عمر... باوعت علي هوه نزل عينه ورجع باوعلي لكاني لسه اباوعله حاول يخفي هلشي ماكدر بتسمت اله ودرت وجهي منه.

جنت اباوع بالوجوه احب اشوف هاي المة و الضحكات الحلوه الي فقدته من يوم فقدت اهلي و
بعد ماعشت هاي الاجواء بغير مكان ابد .

شفت صارت الساعه ١١ بليل كلت لعمتي : يلا عمة نروح لبيتنه... كالت ام احمد : باتو اليوم هنا وباجر روحو لان انتن تعبانات و البيت لازم يتنضف لان متروك .

وافقت عمتي نبقه وبيومها كلنه نمنه يم ام احمد
حته البنات اجوي باتو يمنه وبقينه نسولف ونضحك
خلني انسه كلشي صح بيومها تونست وحسيت رجعت لحياتي القديمة .

ثاني يوم الصبح كعدنه تريكنه وبعدها رجعنه لبيتنه
اني وعمتي بقينة انضف بالبيت و هم طلعت ملابسي غسلتهن و شفت شنو عدنه نقص مسواك حته نروح نسوك .

بعدنه جاي نسولف ندكت الباب رحت فتحته جان
محمد حاجاني من وره الباب حته اسويله مجال يدخل... طبيت لجوه وصحت لعمتي حته هيه

الي تطلع اله... طلعت عمتي وفتحتله الباب فات وهوه مدنك راسه و بقه يدخل بالعلاليك مله الطارمة
كال : هذا مسواك ابوية دزه ويكول شنو تحتاجون بس خابروني.

اشكرت منة عمتي وراح... طلعت بقيت اصفي وياها بالمسواك واشوف شنو احضر غده كالت عمتي الغده
نسوي شي خفيف حته بليل نسوي عشه ونعزم بيت ابو احمد .