"ငါ့မှာလည်းငွေသားမပါဘူး"
"အိုး...ဒီလိုလား?"
ကောင်လေးကကြက်သေသေသွားသော်ငြား ထွက်မသွားသေးပေ။ သူ့မျက်လုံးများက တဖျတ်ဖျတ်တောက်ပနေရင်းထပ်မေးလိုက်သည်။
"တစ်ယောက်ယောက်ကိုစောင့်နေတာလား?"
"အင်း"
သူ့တုံ့ပြန်ချက်က ခြောက်တီးခြောက်ကပ်ဖြစ်သည့်တိုင်တစ်ဖက်လူက စိတ်အနှောင့်အယှက်ဖြစ်ပုံမရပေ။
"ရည်းစားလား?"
သူသာဆိုရင်...
ရုန်ယီ စိတ်ထဲမှသာသက်ပြင်းချပြီးမေးလိုက်သည်။
"မင်းနဲ့ငါဘာကိစ္စများရှိသေးလဲမေးလို့ရမလား"
ကောင်လေးက ကူကယ်ရာမဲ့နေဟန်ပေါ်သည်။ သူ့မျက်ခုံးများကိုဖြည်းဖြည်းချင်းစုကုပ်လိုက်ပြီး နှုတ်ခမ်းများကိုဖိလိုက်သည်၊သူ့ကိုကြည့်လာပြီးလေသံတိုးတိုးလေးနှင့်ဆိုသည်။
"တကယ်တော့ကျွန်တော်ခင်ဗျားဆီကဖုန်းနံပါတ်လိုချင်လို့ပါ"
ရုန်ယီက ၎င်းအဖြေအပေါ် မအံ့ဩမိချေ။
သူ အသက််ဆယ့်ရှစ်နှစ်၊ဆယ့်ကိုးနှစ်ခန့်သာရှိဦးမည့် ကောင်လေးကိုငုံ့ကြည့်လိုက်သည်။ ထိုသူက နူးညံသည့်အသွင်အပြင်၊အနည်းငယ်ကွေးနေသည့်ဆံပင်အတို၊သေးသွယ်ကြီးမားသည့်မက်မွန်ပွင့်မျက်လုံးများရှိသည်။ တစ်ကြိမ်ခန့်ကြည့်ရုံနှင့် Omega မှန်းသိနိုင်ပြီး လူများစုကအနှီသူကိုချစ်စရာကောင်းသည်ဟုမြင်ကြလိမ့်မည်။
ကောင်လေးက ရုန်ယီအမြဲမျှော်လင့်ခဲ့ဖူးသည့်ပုံစံနှင့်ပြည့်စုံသည်။
"စိတ်မကောင်းပါဘူး"
သူစိတ်ပျက်လက်ပျက်ခေါင်းခါလိုက်ပြီး တစ်ဖက်လူ၏တောင်းဆိုချက်ကိုငြင်းပယ်လိုက်သည်။
"မသင့်တော်ဘူး"
"အိုး...ကျွန်တော်နားလည်ပါပြီ"
ကောင်လေးကစိတ်ပျက်ပြီးရှက်သွားဟန်လည်းရသည်။ သူဖျစ်ညှစ်ပြုံးလိုက်ပြီး ချက်ချင်းလှည့်ထွက်သွားသည်။
YOU ARE READING
Mr.Rong's ချစ်မှုရေးရာ ဒိုင်ယာရီ
Fanfictionမင်္ဂလာ ညချမ်းပါရှင် အသစ်လေးတွေ လာကြေညာတာပါ ရှင့် ???? BL အတိုလေးနှစ်ပုဒ် PICK ထားပါတယ် အပိုင်းသိပ်မများတာလေးတွေပါ ဖတ်ပေးကြပါဦးနော် ... အားလုံးပဲ ကျန်းမာ ဘေးကင်း ဝင်ငွေတိုးကြပါစေ... ပုံအောက်မှာ Description ပါတယ်နော် ...
Chapter 1.1
Start from the beginning