لجامُ الفرسَ تقتلني

Part 5

{ استغفرالله العظيم }

و في غضونِ هاذهِ الظروفَ و الأحداثِ المؤلمةِ ذهبَ متعب مسرعًا من دونِ أن يفكِرَ حتى من يكونون ضربَ الأول حتى سقط  و الثاني يحاول جاهدا الفوزَ عليه لكن في هاذه المعركه المميته و الملابس الملطخه بالدماء حاولت دانا تحذيره بكل ما اوتيت من قوه لكن لا فائده ..
و إلا بذالك الرجل الضخم من خلفِه يكاد ان يغتاله و بمجرد ثواني استوقفه ثلاث سيارات و نزلو منها رجالَ الشرطه و باشرو العمليه و انتهت بنجاح
و في تِلك الاثناء رُكنت سيارة عمها بو خالد و هو ينزِل مسرعًا
متعب يحاولُ ان يمسح عرقه و يسترجعُ انفاسهِ بعد تِلك المعركه المميته و الضغط العالي الذي حلَ به
بو خالد وهو يحاول ان يتكلم: وش صايرر!!
متعب يمسح جبينه : ادخل اخوانك طايحين
بو خالد يكادُ ان لايحتملَ او يستوعبَ مايحصُل وهو ذاهب إلا الداخل
متعب اتجهَ نحو السياره و فتحَ الباب و جلس : استغفرالله العظيم
دانا وهي تكادُ ان تموتَ في موضعها : ابوييي ابوي وينهه
متعب يشتت انظارهُ عنها وبكلِ جمود : جوا
دانا تضرب على كتفِه و دموعها تبللُ الشماغَ المنسدِل على اكتافهَا : افتح الباببب افتحه الله لايوفقك ابي اطلع !
متعب يلتفتُ و يمِسك قبضتها لتتلاقى انظارهم : قلت لك جوا والأسعاف و الشرطه جوا تدخلين وش تسوين !
دانا تمسح دموعهَا و تُنزل يداها و تحاولُ ان تُبعد اعينهَا عن انظاره : افتح ابي اطلعع افتح الحينن اهلي جوا و عمي جا معاد لك شغل فيني !
متعب يفتحَ بابه و يلقي عليها العباءه : انا بطلع اشوفهم خلك
دانا تضرِب على المرتبه و الخوفُ يكادُ ان يأكلها : ابي اطلعععع الله ياخذك الله ياخذك ابي اشوف ابوي اهخخخ ياربي الله لايوفقك
متعب يذهب بخطواتٍ كبيره نحو الممر المميت : مدي لي قماش نظيف
جوهره وهي تحاول ان تتنفس بحضنِ اباها : ط طيب
الأسعاف يباشرونَ عملهم و الخوفُ يأكُل كل من كان هناك منظرَ الدماءَ الملطخه و الجروحُ العميقه المؤلمَه و منظر الدموع و الأعينُ التي تملؤها الريبه في لحظاتٍ أنقلبت الأحوال ..
جوهره تمدُ يداها المرتجفَه
متعب يلتقطها و يذهب مسرعًا و يضعها حولَ اباه ل يوقِف النزيف قليلا : لازم سياره ثانيه الحاله ماتكفي سيارتين !
المسعف : جايه بالطريق ياليت توقف على جنب و تترك لنا مساحه
رَمقهُ بنظرة غضب و من ثم خرج
دانا بعد ما رأت متعب متجهًا إليها : ش شالو ابوي ؟؟
متعب بغضب: العبايه ل وش انا جايبها !! البسي و انزلي
دانا تلتقطها و تلبسُ مسرعةً بلا مبالاتٍ لأي شيءّ : افتحح الباب
متعب يفِك ازرار ثوبه و يزفر بغضب و يفتح الباب
ذهبت دانا مسرعةً نحو تِلك البنايةَ المرعبه الملطخه بالدماءِ في كل انحاءها ذهبت لترى اختها ملقاةً على الأرض و بجانبها امها التي تبكي و الدماء حولهم متناثره لا تعلم ماذا حصل في غيابها سقطت بجانب والدتها تبكي بشده هي الوحيده التي تستطيع ان تبكي حتى تتتعب دون خجل بجانبها
ام سعود تمسَح على رأسها : خلاص يا امي خلاص
دانا تشهَق بقوه : ابوي اابويي
ام سعود تمسح دمعها : مافيه شي ان شاءالله خلاص يا امي خلاص
دانا : ط ط طعنوهه طعنوه ابو ي ي ابوييي
ام سعود : وش صار وانا امك وين رحتي وينك 
دانا بدأت تحكي لها كل شيء من البدايه للنهايه
ام سعود تمسح على كتف ابنتها : يارب لك الحمد و الشكر
دانا : شفيهاا نوف شفيها
ام سعود تقاطعها و تنهض بعد ما باشرَ رجُل الاسعافات عمله في حمله لنوف : الله يعافيك ياولدي في مكان اخذ بنتي
رجل الاسعاف : لا ياخاله الله يعافيك مرافق واحد بس
ام سعود : انتظرني الله يجزاك خير انا برافق معها
دانا تنظر الا امها : بروح معاكمم
ام سعود : وينه ولد عمك يا امك وينه
دانا : ياماما تكفين جعلك بالجنه
ام سعود: امشي معي برا وان شاءالله بيصير كل خير
دانا وشهقاتها تتعالى : ماما ابي اروح معكمم !!!
ام سعود تهمّ بالنهوض : انا بقدر اخذك ! مافي يدي حيله قومي خله يوصلك معنا المستشفى يلا و تعوذي من الشيطان
خرجت دانا برفقة والدتها وسطَ الضجه و برك الدماء
ام سعود تشير الا شابٍ بثوبٍ ملطخ بالدماء يقِف و يشاهد : هذا هو
دانا : اي
ام سعود تذهب بأتجاهه : الله يعافيك ياولدي انت متعب
متعب يُنزل انظاره : ايه 
ام سعود : الله يسمح امرك خذ دانا معك ماقدر اخذها لازم مرافق واحد وصلها بس لم المستشفى الله يعافيك
دانا تمسك كتفِ امها : ماما تكفيننن ياماما مابيه مابي اروح معه مابي
ام سعود تضرب كتفها بخِفه و تهمس : عيب عليك هو اللي ساعدك و وصلك هنا ! لا تزيدين علي الوجع وجعين تعب ابوك و اختك لا تتعبيني انتي بعد
دانا تشتت انظارها بأعينها المليئه بالدموع : ان شاءالله
متعب : ان شاءالله ياخاله بلحقكم
ام سعود تمسح برأس ابنتها و تذهب : الله يعافيك يارب
متعب يتجه الا السياره
دانا تغلق الباب بقوه تعبر عن مدى غضبها و عدم تقبلها للذهابِ معه
متعب : شوي شوي على الباب
دانا تكتمُ بكاءها
متعب بصوت خافت : استغفرالله العظيم
ركَنت سيارة متعب في مواقف المستشفى
دانا : افتح الباب
متعب يفتح الباب و ينزل هو الأخر
دانا بنبره غاضبه : ليش تنزل؟
متعب يكمل مشيه ولا ينظر لها ولا يكترث لما تقول
دانا : امي قالت توصلني مو تنزل معي !
متعب بنبره حاده : انا مانيب مأمور عندك !!
الاستقبال : تفضل اخوي
متعب : وين حالات الطورائ و الاسعاف اللي دخل قبل شوي
الاستقبال : لك صله في احدهم ؟
متعب يعلوه الغضب و بدأت ملامحه البارده تزداد اكثر فأكثر 
الاستقبال يحرك الأوراق حتى ينتبه متعب
متعب : ابوي و عمامي
دانا في وسط البكاء و ازدحام المشاعر تصدم ايضا بكلمة متعب
الاستقبال : دقايق بس
متعب : تمام
الاستقبال :  الله لايهينك تعطيني رقم الاحوال
متعب يخرجها من جيبِ ثوبه : تفضل
الاستقبال : ثنتين حاله طارئه فوق العنايه و ثلاث حالات بغرفة الطوارئ مايشوفون شر
متعب : الشر مايجيك
دانا : قول له وين ابوي !!
متعب : ماهو ابوك لحاله اللي طاح لا تصيرين انانيه حتى في هالوقت !
دانا و ملامح البكاء بدأت تُرسم على عيناها
متعب يتفحص بأنظاره
دانا تسرع نحو الممرضه : نيرسسس
الممرضه : ايوا
دانا : وين العنايه المركزه ؟
الممرضه : اخر سيده يمين
متعب : مارح نروح العنايه
دانا : مو على كيفك !!!
متعب يُدير وجهه نحوها  حتى تتلاقي انظارهم بنبره صارِمه كثيرا على دانا : حتى لو رقيتي مارح يدخلونك تسمعين ؟
دانا تحبس دموعها : امي فوق ا ا انا متأكده
متعب يُضيع انظاره عن اعينها التي تكادُ ان تحترق : ماهي فوق ماتقدر تدخل بنروح غرف الطوارئ
دانا : طيب
دخلو ابطالنا في متاهة اسيابَ المستشفى الصغير و مع ضجة المرضى و الاطباء اجتاحَ في قلبهم مشاعرٍ ليس لها اسباب و مضَت تلك الايام في بكاءٍ و اصعب اللحظات نقلو إلا المدينه حتى يحصلو على إهتمامٍ اكبر حتى انتهت في صباحِ يوم الاحد بعد مدةٍ ليست ببسيطه بعد ماعزمو الرحيلَ