(ဟဲဟဲ လိုတ မင်းကလည်းကွာ။ ငါမင်းကို ဝမ်းသာစရာလည်း ပြောရဦးမယ်)
"ဘာလဲ ဝမ်းသာစရာက။ မင်း ဗိုက်ကြီးနေပြီတဲ့လား"
(ဖွဟဲ့ ငါက ဘာကိစ္စဗိုက်ကြီးရမှာလဲ။ ကြီးချင်းကြီး မင်းပဲကြီးပါလား)
"အံမယ် ငါက ကြီးစရာရည်းစားမရှိဘူးလေ။ မင်းက ရည်းစားရှိတယ်။ မင်းဗိုက်ကြီးရမှာ"
(ကြံကြံဖန်ဖန်ပြောတယ်။ ရှေးခေတ်ကလို ချက်တော်ကို လက်တော်နဲ့ရစ်လို့ ရတယ်များမှတ်နေလား လိုတရေ ငါဗိုက်ကြီးရအောင်)
သူငယ်ချင်းနှစ်ယောက် စကားနိုင်လုနေတာနဲ့ လိုရင်းကို တော်တော်နဲ့မရောက်။
"ကဲပါ ကဲပါ ဗိုက်ကိစ္စကိုထားဦး။ ဘာဝမ်းသာစရာလဲ မင်းညီမ လင်ယူတော့မယ်တဲ့လား"
(အေး လင်ယူတော့မှာကတော့ ဟုတ်တယ်။ ငါ့ညီမတော့ မဟုတ်ဘူး။ မင်းညီမ)
"ငါ့ညီမ?"
လိုတက အူကြောင်ကြောင်ဖြင့် သူ့ကိုသူ လက်ညှိုးပြန်ထိုးကာ စဉ်းစားသည်။ သူ့မှာ ညီမဆိုလို့ တစ်ဝမ်းကွဲတောင်ရှိတာမဟုတ်ဘဲ ဒီကောင်ခန့်မင်း... မဟုတ်မှလွဲရော။ လိုတ မျက်လုံးပြူးသွားသည်။
"ဟျောင့် မင်းတို့ တကယ်ကြီးယူကြတော့မှာလား"
(အေး ငါ ဒီနေ့ပဲ အသက်ကို သွားတောင်းရမ်းပြီးပြီ)
"ခွက်တစ်လုံးနဲ့လား"
(ဒီမအေဘေး)
လိုတက တဟားဟားရယ်သည်။ သူ အောင်သွယ်ပေးခဲ့တဲ့အတွဲ လက်ထပ်ကြတော့မှာမို့ အူရွှင်နေပုံရသည်။
(အဲ့တာကွာ အစကတော့ ယောက္ခမကြီးတို့က သူတို့သမီးကို နည်းနည်းကြာမှ လက်ထပ်ပေးမယ်တွေဘာတွေ လုပ်နေတာ။ ငါ့အမေ စကားပြောကောင်းတာလည်း မင်းသိသားနဲ့။ အမေနဲ့ တစ်ညနေလောက်လွှတ်ထားပေးလိုက်တာ။ ရောက်တုန်းရောက်ခိုက်ပဲ ရက်ကောင်းရွေးပြီး လက်ထပ်ပေးမယ်တွေ ဖြစ်သွားရောဟေး။ ဟားဟား)
ခန့်မင်းကျော်ရယ်သံကြီးက ဖုန်းထဲမှနေ ကျယ်ကျယ်လောင်လောင်ကြီး ထွက်ပေါ်လာသည်။ လိုတကတော့ ထိုအသံကြီးကိုနားထောင်ရင်း မျက်နှာရှုံ့မဲ့သွားသည်။ လဒက မိန်းမရတော့မှာမို့ တော်တော်ပျော်နေဟန်ပင်။
YOU ARE READING
ကောင်းကင်တမျှ (Completed)
Romanceနှစ်ပေါင်းများစွာ တစ်ဖက်သတ် ချစ်ခဲ့ရပြီးတဲ့နောက် ကံကြမ္မာက သူ့ကို မျက်နှာသာပေးနိုင်ပါ့မလား။ သူ့အဖြစ်က ငယ်သူငယ်ချင်းကိုမှ တည့်တည့်ကြီး ချစ်မိတဲ့ အဖြစ်မျိုး ႏွစ္ေပါင္းမ်ားစြာ တစ္ဖက္သတ္ ခ်စ္ခဲ့ရၿပီးတဲ့ေနာက္ ကံၾကမၼာက သူ႔ကို မ်က္ႏွာသာေပးႏိုင္ပါ့မလား။ သူ႔...
Episode 145
Start from the beginning