روى الترمذي عن أبي هريرة، قال: قال رسول الله صلى الله عليه وسلم: ((مَنْ جَلَسَ في مجلِسٍ، فكثُر فيه لَغَطُه، فقال قبل أن يقوم من مجلسه ذلك: سُبْحانَكَ اللَّهُمَّ وبحمدِكَ، أشهدُ أن لا إله إلا أنت، أستغفرُكَ وأتوبُ إليكَ، إلَّا غَفَرَ له ما كان في مجلِسِه ذلك))؛ (حديث صحيح) (صحيح سنن الترمذي؛ للألباني، حديث: 2730).
- إذا استغنى الناس بالدنيا فاستغن أنت بالله، وإذا فرحوا بالدنيا فافرح أنت بالله، وإذا أنسوا بأحبابهم فاجعل أنسك بالله
- القلب يمرض كما يمرض البدن، وشفاؤه في التوبة والحمية، ويصدأ كما تصدأ المرآة، وجلاؤه بالذكر، ويعرى كما يعرى الجسم، وزينته التقوى، ويجوع ويظمأ كما يجوع البدن، وطعامه وشرابه المعرفة، والتوكل، والمحبة، والإنابة.
صلوا على الحبيب المصطفى صلى الله عليه وسلم 💚
عذرا على التأخير بس فصلين زي ما وعدتكم
___________________________________________
فتحت جويرية عيونها لتجد نفسها مقيدة على كرسي في مكان غريب كأنه بدروم مهجور و التفتت بجانبها لتجد جنة مقيدة على كرسي و فاقدة للوعي
جويرية : جنة يا جنة فوقي يا جنة
بدأت جنة في الاستيقاظ و هي تشعر بألم شديد في رأسها و جسدها
جنة : اه يا دماغي يا أمي إحنا فين يا جوري ؟
جويرية : إحنا في الريسبشن و هياخدوا البيانات قريباً علشان ندخل بقى على المنتجع و نستمتع هنكون فين يعني مخطوفين يا ست جنة انتي عملتي ايه ؟
جنة : أنا و أنا مالي و بعدين ليه الظلم ده أنا حتى بريئة و طول الشهر اللي فات كنت مطحونة مع حفصة و صفية
جويرية : يعني مضربتيش حد بطحتي حد سيحتي دم حد أي حاجة أصل أنا مش فاكرة إني عملت حاجة تستدعي الخطف يعني أنا اه هزقت مدير الفندق من أسبوع و اتخانقت مع بنت من فريق عمل القرية السياحية و كنت هضربها بس دي حاجات خفيفة
جنة : و أنا كمان معملتش حاجة مهمة يعني غير إني ضربت البنت اللي في محل الملابس بس ده من يومين صحيح جالها ارتجاج في المخ بس اتصالحنا خلاص
جويرية : اومال إيه بقى؟
جنة : ليه بتفكري بسلبية مش يمكن يحصل معانا زي الروايات و يكون شاب أمور بعيون ملونة و شعر سايح و عضلات هو اللي خطفنا و يقع في حبنا و ينسحر بالبراءة بتاعتنا و يتغير و يبقى كويس ياااااه و نتجوز بقى
و نعيش في تبات و نبات
جويرية : نتجوز اومال باسم أخويا يبقى إيه ؟
جنة : اه صحيح خلاص مبارك عليكي الحليوة اشبعي بيه
جويرية : لأ مش عايزة و أنا اتجوز واحد خطفني ليه ؟
جنة : يا بنتي كل الروايات كده خطف و جلد و تعذيب و بعدين حب يعني لازم البطل يخطف البطلة و يعذبها و يلعن سلسفيلها و يمرمطها و بعدين يحبها
YOU ARE READING
ربع دستة مجانين الجزء الثاني (لأجلك مجنونتي)
Humorعشنا من قبل مع أسرة ربع دستة مجانين و قد يكون الجميع شعر بأننا جزء منهم و الآن دعونا نكمل معهم جزء جديد من قصتهم هم و أولادهم و هل سوف يرث الأولاد صفات الأهل من الجنون و المرح أم سيكون لديهم صفات أخرى مختلفة
