ربع دستة مجانين الجزء الثاني (لأجلك مجنونتي)

part 25

- العيد فرحة و أجمل فرحة 🥳

حبايبي كل سنة و أنتم بألف خير يارب

رمضان خلاص انتهي ، وممكن ناس كتير عملت فيه ذنوب..قولوا الدُعاء ده " اللهمَّ رب رمضان الذي أنزل فيه القرآن و قدر فيه الصوم ، أعوذ بك من أن ينتهي رمضان و لك عليَّ ذنبٌ تريد أن تعذِّبني به ، اللهم اغفر لي ذنوبي " 

___________________________________________

طبعاً النهاردة كنت هنزل بارت يكشف قصة أهل مالك بس مراعاة لمشاعركم الرقيقة دي قولت بلاش نكد ليلة العيد بارت خفيف أهو و صغنون أنا عارفة بس ليلة العيد بقى و فرش و لسه مخلصين و الله 
استعدوا بقى علشان كل الحقيقة ستكشف ثاني أيام عيد الفطر المبارك
هينزل فصلين معا

كل عام وانتم بخير

___________________________________________

في صباح اليوم التالي

استعد باسم للذهاب إلى ذلك الاجتماع مع شارلوت

باسم : جويرية أنا نازل عندي معاد مهم عايزة حاجة ؟

جويرية : إيش إيش إيش إيه الشياكة دي خارج في معاد رومانسي مع جنة و لا إيه ؟

باسم : معاد رومانسي و مع جنة الاتنين مينفعش يجتمعوا في جملة واحدة جنة تبطحني تبلطج تتخانق
لكن تقول كلمة حلوة لأ

تحدثت جنة التي دخلت البيت للتو

جنة : ليه حد قالك إني سوابق و لا ماشية اتخانق مع خلق الله

باسم : بسم الله الرحمن الرحيم إيه حد يدخل كده

جنة : ده أنا دخلت في الوقت المناسب علشان أسمع اللي بتقوله عليا علشان ربنا يكشفك

باسم : يكشفني ليه بفتري عليكي

جنة : أيوه طبعاً مفتري أنا بعرف أقول كلام حلو بس مش بقول كلام حلو لأي حد أنا مش برمرم

باسم : بترمرمي بقى دي طريقة تتعاملي بها مع جوزك

جنة : و فيه زوج يغتاب زوجته و يغلط فيها اه صحيح ما أنت لك علاقات تانية شارلوت و زيتونة مش كده

جويرية : زيتونة ايه أنت وقعت في معمل طرشي و لا إيه و مين شارلوت دي يا باسم ؟

جنة : دي و الله أعلم حبيبة أخوكي اللي لابس و متشيك كده علشانها

جويرية : شارلوت إيه الإسم ده يعني متحبش غير واحدة إسمها معفن كده يلا مراية الحب عامية

جنة : و القلب و ما يريد

جويرية :  ياه طلعت بتعرف تشقط يا باسم و عامل فيها صبحي كشر ربنا كشفك

جنة : علشان الكل يعرف حقيقتك

باسم : بس يا عبيطة انتي و هي أشقط إيه طيب جنة هبلة و مصدقة التخيلات اللي في دماغها انتي بقى مصدقة على أخوكي كده ؟