_أتغارين ؟
_نعم أغار
_مِن مَن ؟!
_من اللذين يلمسون الكعبة وأنا المشتاقة
___________________________________________
" جنة جنة يلا يا بنتي المأذون منتظر بره "
فاقت جنة من شرودها على كلمات أخيها الذي يحثها على الخروج من أجل عقد القران فقد كانت تتخيل زواجها من ذلك المدعو خالد و تتخيل أنها أصبحت زوجته للأبد
( هههههههههههه اتخضيت يا حاج كامل كده تظنوا فيا إني هجوز جنة لخالد ليه ظالمة و لا معنديش قلب )
جنة : حاضر يا أسامة يلا
خرجت جنة لتجد عمها و والدها و حازم و يوسف و عبدالرحمن و باسم يجلسون مع المأذون و لم تجد خالد بينهم
المأذون : موافقة يا آنسة جنة على الزواج من الأستاذ باسم آدم البحيري
جنة بدون تركيز : أيوه
المأذون : تمام حط إيدك في ايد والد العروس يا أستاذ باسم يلا بسم الله الرحمن الرحيم
جنة بدهشة : نعم باسم مين فين خالد ؟
المأذون : خالد مين يا بنتي ؟ اسم العريس عندي في البطاقة باسم مش خالد
دكتور باسم : لحظة لو سمحت يا حضرة الشيخ جنة تعالي معايا يا بنتي
ثم أخذها بعيد قليلاً عن الجميع
جنة : بابا فين خالد ؟ و باسم مين اللي اتجوزه ده
دكتور باسم : متفرقش مش انتي مش عايزة تتجوزي خالد برده أنا مش واحد غريب عنك أنا أبوكي و انتى عارفة أد ايه أنا فاهم أولادي و لو بتثقي في كلامي و رأيي اطلعي للناس و وافقي و لو مش عايزة محدش هيغصبك بس كان لازم تقولي من الأول إنك بتحبي باسم و مكنش له داعي العند ده كله كنت فاكر إنك بتثقي فيا عن كده
جنة بدهشة كبيرة : أنا أنا بحب باسم !؟
باسم : احم بعد إذنك يا خالي اتكلم مع جنة شوية
جنة : كلام إيه مفيش كلام بينا أنا هتجوز خالد
باسم : جنة كفاية عند لو سمحتي أنا و الله مش هتجوز البنت دي هي بس كانت زميلة في الجامعة مش أكتر
جنة : بنت مين ؟ أنت بتقول ايه ؟
دكتور باسم : مكنتش أتوقع إنكم تعملوا كده أبدا هي دي تربيتي فيكي يا جنة كنتي قولتوا إنكم عايزين تتجوزوا أنا و أمك يا باسم كنا عايزين كده من الأول لكن مش تخبوا علينا و بعدين لما تحصل مشكلة بينكم هي تعند و توافق على العريس علشان تغيظك يا خسارة يا جنة يا خسارة أنا هروح عند المأذون دقيقة و تكونوا ورايا ثم تركهم و ذهب و علامات الحزن على وجهه
جنة : بابا بيقول ايه ؟ أنت قولتله إيه يا باسم انطق ؟
باسم : جنة بلاش عند أنا آسف خلاص
YOU ARE READING
ربع دستة مجانين الجزء الثاني (لأجلك مجنونتي)
Humorعشنا من قبل مع أسرة ربع دستة مجانين و قد يكون الجميع شعر بأننا جزء منهم و الآن دعونا نكمل معهم جزء جديد من قصتهم هم و أولادهم و هل سوف يرث الأولاد صفات الأهل من الجنون و المرح أم سيكون لديهم صفات أخرى مختلفة
