السلام عليكم ورحمه الله وبركاته أنا حقيقي بعتذر جدا لأن البارت اتأخر بس حقيقي أنا حاولت اكتبه بس حالتي مش مشجعة خالص و يمكن البارت مش كوميدي بس فيه أحداث مشوقة كتير
اتمنى الدعوة بالرحمة لكل من مات ضحية ذلك الزلزال و الدعوى بالشفاء لكل المصابين
صلوا على الحبيب المصطفى صلى الله عليه وسلم 💚
___________________________________________
في الصباح اتجه الجميع إلى عمله أو دعنا نقول أن كل منهم سيبدأ قصته
في المستشفى
وصل محمد إلى المستشفى هو و يوسف و أسامة ليتجهوا إلى مكتب المدير فيوجد إجتماع مهم اليوم
عبدالرحمن : صباح الخير على الجميع النهاردة هنبدأ التوزيع الجديد و طبعاً ده بعد دفعة الدكاترة الجداد اللي اتعينوا عندنا و اللي منهم دكتورة حفصة و دكتورة صفية اللي هيكونوا في قسم النساء و التوليد مع دكتورة نهلة و دكتورة أروى أما دكتور أسامة و دكتور سامح و دكتور يوسف و دكتور محمد فهما الجراحين الرئيسيين معايا و مع الدكتور حازم هيكون دكتورة نهى و دكتور أحمد و دكتور سعيد
الجميع : تمام يا دكتور
عبدالرحمن : ده ملف فيه النظام الجديد و دلوقتي اتفضلوا على شغلكم و أنت يا محمد أنت و يوسف و أسامة انتظروا أنا عايزكم
ذهب الجميع و بقي الثلاثة
محمد : تحت أمر حضرتك يا دكتور
عبدالرحمن : عبدالرحيم الألفي فاكره ؟
محمد : أيوه حضرتك أنا عملت له عملية مع حضرتك من أسبوعين و هو خرج من حوالي يومين
عبدالرحمن : أيوه بس أنت طبعاً عارف إن العملية كانت خطيرة بس الحمد لله نجحت بس طبعاً عايز إهتمام و هو طلب إنك تروح تتابع معاه لحد فترة النقاهة ما تنتهي على خير حوالي شهر أو أكتر جهز نفسك علشان هو منتظرك دلوقتي أما يا يوسف أنت و أسامة فانتوا هتتابعوا الحالة اللي محمد عملها العملية امبارح
الثلاثة : تمام حضرتك
عبدالرحمن : تقدروا تتفضلوا
خرج الثلاثة و اتجهوا إلى مكتبهم
يوسف : ما اللي ليه ضهر ابسط بقى يا ميدو
محمد : ابسط ليه رايح إجازة و لا فسحة ؟
يوسف : لأ يا دوك بس الراجل ده عسل أهو هتفضل معاه طول اليوم و تريح من العمليات
أسامة : ليه هو كان مراته و لا المربية دول هما ساعة ساعتين و يرجع يكمل شغل عادي
محمد : قوله
يوسف : يا منضبط ده أنا لو منك كنت خلعت
محمد : يا ابني التزم شوية بقى أنا ماشي ثم أخذ حقيبته و ذهب
YOU ARE READING
ربع دستة مجانين الجزء الثاني (لأجلك مجنونتي)
Humorعشنا من قبل مع أسرة ربع دستة مجانين و قد يكون الجميع شعر بأننا جزء منهم و الآن دعونا نكمل معهم جزء جديد من قصتهم هم و أولادهم و هل سوف يرث الأولاد صفات الأهل من الجنون و المرح أم سيكون لديهم صفات أخرى مختلفة
