မင်ဟို ပြန်လာမှာကို သူ ယုံပါတယ်။
ဒါ့အပြင် ထပ်တူကျတဲ့ ရင်ခုန်သံတစ်စုံ တဖြည်းဖြည်း နီးစပ်လာတာကိုလည်း သူ ခံစားမိပါတယ်။
×××
ပတ်ဝန်းကျင်ဟာ သိသိသာသာ ဆူနေတယ်။
ပုံမှန်အိပ်ရာထချိန်ထက် စောစွာ ဂျီဆောင်း နိုးလာခဲ့တယ်။
ဆူနေတဲ့အကြောင်းအရင်းကို သိလို၍ ပြတင်းပေါက်မှ လှမ်းကြည့်မိသည်။ ကလေးများမှစ၍ မိန်းမပျိုဖြန်းလေးများအထိ ပျော်မြူးနေကြသည်။ သူတို့လက်ရှိ ခြင်းမှာလည်း ချယ်ရီတွေ အပြည့်။
ဂျီဆောင်း အိမ်အပြင်သို့ ခပ်သုတ်သုတ် ပြေးထွက်လာမိသည်။ သူ နေ့စဥ်ရက်ဆက် ရပ်ငေးခဲ့တဲ့ ချယ်ရီပင်ကြီးဟာ ကြွေဆင်းခြင်း အလှတရားတို့ဖြင့် ခြုံပုဝါလဲနေပြီ။
"ချယ်ရီတွေ"
"ကြွေနေပြီ"
မိမိစကားကို ဆက်ပြောသူအား ဂျီဆောင်း လှမ်းကြည့်မိတော့ ချယ်ရီပင်နောက်မှ ထွက်လာတဲ့ ထိုလူဟာ မိမိအား နှစ်လိုဖွယ်အကောင်းဆုံး ပြုံးပြသည်။
အဖြူရောင်ဝတ်စုံကို ဆင်မြန်းထားတဲ့ ထိုလူဟာ ချယ်ရီပင်အောက်မှာ ကဗျာဆန်စွာ မှင်သက်စရာကောင်းနေသည်။
"မင်ဟို.... "
ရေရွတ်မိသော ခေါ်သံနာမည်လေး ပြီးဆုံးချိန်မှာ သူ့ခြေလှမ်းတွေကတော့ မင်ဟို့ရှေ့မှာ အဆုံးသတ်သွားခဲ့ပြီး ဖြစ်၏။
"အင်း၊ ကိုယ်ပါ။"
ဂျီဆောင်း ပြုံးမိသည်။ သူ ပြောသားပဲ။
မင်ဟိုဟာ သူ့အတွက် သေချာပေါက် ပြန်လာမှာပါလို့။
အဲ့ဒီနောက် သူတို့ ဘာစကားမှ ဆက်မပြောဖြစ်ကြ။
ဒီတိုင်း တစ်ယောက်ကိုတစ်ယောက် ပြုံးပြီးသာ ငေးနေမိကြသည်။
ချယ်ရီတွေဟာ ဆက်ကြွေနေသလို၊ ရင်ခုန်သံတွေဟာလည်း သက်ဆိုင်သူထံပါး တစိမ့်စိမ့်သက်နှင်းနေခဲ့သည်။
×××
ဖတ်နေတဲ့စာအုပ်ကို ဆွန်းမင် စားပွဲပေါ်သို့ ချလိုက်သည်။ ဆက်ဖတ်၍လည်း ရတော့မည်မှ မဟုတ်ဘဲ။
စိတ်အနှောင့်အယှက်ဖြစ်စွာ စုတ်တစ်ချက်သပ်မိသည်။
နန်းတော်ဟာ သည်ကနေ့ သိပ်ကို ဆူနေသည်။
VOUS LISEZ
The Portrait : King's Beloved • 황승
Fanfictionပန်းချီကားတစ်ချပ်။ ယင်းထဲမှာတော့ အဖြူရောင်ဆံနွယ်အချို့ပါရှိတဲ့ ကောင်လေးတစ်ယောက်ဟာ အနီရောင်ဝတ်စုံလေးကို ကျော့ကျော့လေးဝတ်ကာ အဖြူရောင် ခေါင်ရမ်းငယ်ခင်းထဲမှာ လှပစွာ ရှိနေတယ်။ အဲဒီပန်းချီကားလေးရဲ့နောက်ကွယ်က ဇာတ်လမ်းလေးကတော့ ....
16 • ချယ်ရီကြွေသော် | ခ်ယ္ရီေႂကြေသာ္
Depuis le début
